IMG-LOGO

2024 ජුලි මස 13 වන සෙනසුරාදා


අන්තිම සටන පටන් ගත්තේ දාහත්වැනිදා රෑ දෙක හමාරටයි

තිස් වසරක යුද්ධය තුන් වසරක වික‍්‍රමාන්විත මෙහෙයුමකින් ජයගෙන සිව්වසරකි. යුද්ධයේ ආරම්භයේ සිට වෙල්ලමුල්ලිවයික්කාල්හි නන්දිකඩාල් කළපුව අද්දරින් ප‍්‍රභාකරන්ගේ මළ සිරුර හමුවූ අවස්ථාව දක්වා සටනේ උණුහුම්ම මතකයන් අවදි කරන්නැයි අපි එවකට යුද හමුදාපතිව සිටි සරත් ෆොන්සේකා මහතාට ආරාධනා කළෙමු. මේ ඒ මහතාගේ මතක සටහනය.

 

 

ප‍්‍රශ්නය - මේ රටේ තිස් අවුරුද්දක් පුරා යුද්ධය තිබුණා. මම ඔබෙන් පළමුව දැනගන්න කැමතියි.. ඇයි ඒ තිස් වසර පුරාවට යුද්ධය ජයගන්න බැරිවුණේ?
පිළිතුර - හිටපු රාජ්‍ය නායකයන් හැමෝටම උපරිම වුවමනාව තිබුණා. ඒ අය හමුදාවට නියෝග දුන්නා. ඒ නියෝග දීම රාජ්‍ය නායකයන්ට විතරයි කරන්න පුළුවන්. යුද්ධයට අවශ්‍ය උපකරණත් ඒ අය අරන් දුන්නා. වැඩියෙන්ම අවි ආයුධ අරගෙන දුන්නේ චන්ද්‍රිකා බණ්ඩාරනායක කුමාරතුංග මැතිනියයි. මල්ටි බැරල්, මිග් ප‍්‍රහාරක යානා, කෆීර්, ඩෝරා ඔය ඔක්කොම චන්ද්‍රිකා මැතිනියගේ කාලේ අරන් දීපුවා. 

නමුත් හමුදාවේ තිබුණ සැලසුම් හුඟාක් අසාර්ථක වුණා. ඒ සැලසුම් ප‍්‍රායෝගික වුණේ නෑ. සීමිත සැලසුම් තමයි තිබුණේ. එකපාරක් යාපනය අල්ලනවා. තව පාරක් වඩමාරච්චිය අල්ලනවා. මුළු යුද්ධයම ඉවර කරන්න සැලසුමක් කොහේවත් තිබුණේ නෑ. එක්කෝ ඒ - 9 පාර අරින්න කියලා උත්සාහ කරනවා. යුද්ධය ඉවර කිරීමේ සැලැස්මක් කවදාවත් තිබුණේ නෑ. ඒ නිසා ඒ අතරේ ත‍්‍රස්තවාදීන් වැඩි වුණා.

ඊට අමතරව ඔය එක එක ක‍්‍රියාන්විතයන් බාරව හිටපු අයටත් යුද්ධයේ ප‍්‍රායෝගික අත්දැකීම් තිබුණේ නෑ. මට ඒ කාලේ ඉඳලම යුද්ධයත් එක්ක ඉඳලා අත්දැකීම් තිබුණා. ප‍්‍රභාකරන්ට තිබුණ වාසි අවාසි, කළ හැකි දේ කළ නොහැකි දේ පිළිබඳ අවබෝධයක් මට තිබුණා. ඒ නිසා සමූලඝාතනයට මට සැලැස්මක් හදන්න පුළුවන් වුණා. 

 


ප‍්‍රශ්නය - බොහෝ යුද සැලසුම් විවිධ බලපෑම් මත හකුලා ගන්න සිදුවුණු බව ඉතිහාසයේ සඳහන් වෙනවා. ඔබ එහෙම දෙයක් ගැන හිතන්නේ නැද්ද?
පිළිතුර - ඒක සම්පූර්ණ බොරුවක් කියලයි මම හිතන්නේ. රාජ්‍ය නායකයෝ නියෝග දුන්නා හැම වෙලේම. හමුදා පසුබැසීම් තමයි ප‍්‍රධානම හේතුව වුණේ.

 


ප‍්‍රශ්නය - එතකොට වඩමාරච්චි සටන?
පිළිතුර - ඒ වඩමාරච්චි යුද්ධය දිගටම කරගෙන ගියා නම් ප‍්‍රභාකරන් ඉවර වෙනවා කියන කතාව අමූලික බොරුවක්. ඒක මම බය නැතිව කියනවා. වඩමාරච්චිය කියන්නේ බොහොම පොඩි ක‍්‍රියාන්විතයක්. ඒ වගේ ක‍්‍රියාන්විත මම කරපු අවුරුදු දෙකයි මාස නවයයි තුළ දිනපතාම දවසට තුන් පාරක් විතර අපි කළා. තේරුණාද? වඩමාරච්චිය කියන්නේ බැටෑලියන් හතරකින් කරපු සටනක්. සෙබළුන් දෙදාහයි. මගේ සටන තුළ සෙබළුන් පහළොස් දාහක් විතර හැමදාම සටනේ හිටියා. අවි ආයුධ ගත්තත් ඒ කාලේ කොටි සංවිධානයට මෝටාර් එකක්වත් තිබ්බේ නෑ. බිම් බෝම්බ ටිකක් දාන එක විතරයි ඒ කාලේ කළේ. ඒ කාලේ තමයි වඩමාරච්චි සටන කළේ.
වඩමාරච්චිය කියන්නේ විශාල ප‍්‍රදේශයක්. කිලෝමීටර් හතළිහක් විතර දිග කිලෝමීටර් විසිපහක් විතර පළල ප‍්‍රදේශයක්. ඒක වටකරන්න ගියා බළඇණි හතරකින්. ඒක සාර්ථකව කරන්න බැරි වැඩක්. ඒ වගේ ප‍්‍රදේශයක ත‍්‍රස්තවාදීන් ඉන්නවා නම් ඒ වගේ බැටෑලියන් හතරකින් ඒක කරන්න බෑ. අලි රංචුවකට වුණත් පැනලා යන්න පුළුවන්. අනිත් කාරණය තමයි ප‍්‍රභාකරන් වඩමාරච්චියේ හිටියෙත් නෑ. ඒ කාලේ යුද හමුදාවට යාපනය පැත්තට යන්න හිතන්නවත් බෑ. පලාලි කඳවුරෙන් නැගෙනහිර පැත්තට ගිහින් තමයි වඩමාරච්චියට ගියේ. පලාලි කඳවුරෙන් දකුණට එන්න  ඕනෑ යාපනයට යන්නනම්. දකුණට යන්න ඒ කාලේ හිතන්නවත් බෑ. ප‍්‍රභාකරන් හිටියේ යාපනය පැත්තේ. ඒක හිතන්නවත් බැරි හින්දා ඒක සැලසුම් කරපු අප වඩමාරච්චියට ගියා. එහෙම යනකොට විශාල ප‍්‍රසිද්ධියක් දුන්නා. නමුත් පළමු වැනි විනාඩි තිහේදී විතර බිම්බෝම්බ අතුරපු තැනකින් යන්න ගිහින් තොන්ඩමනාරු කළපුව ළඟ අපේ සෙබළුන් තිහක් විතර මැරුණා. ඊට පස්සේ සටනක් තිබුණේ නෑ. වඩමාරච්චිය දිහාට හමුදාව නිකම් ඇවිදගෙන ගියා විතරයි. එහෙම නැතිව ඒක නතර කළේ ඉන්දියාව කියලා කිව්වට ඒවා බොරු කතා. වඩමාරච්චි සටනෙන් පස්සේ යම් යම් චෝදනා ආවා. ජනතාවට හිරිහැර වුණා කියලා. ඒ චෝදනා පිට තමයි ඉන්දියාව උඩින් ඇවිත් පරිප්පු දාන්න පටන් ගත්තේ. නමුත් ප‍්‍රභාකරන් බේරාගන්න පරිප්පු දැම්මේ නෑ. ඒක අමූලික බොරුවක්. මම  ඕනෑම තැනක ඒ කතාව කියනවා.

 


ප‍්‍රශ්නය - තත්ත්වය ඒකනම්  කොහොමද අවුරුදු තුනකින් යුද්ධය දිනුවේ?
පිළිතුර - මම මුලින් කිව්වා වගේම මේ යුද්දේ ආරම්භයේ ඉඳලා මමත් හැම මට්ටමකින්ම හිටියා. පළමුවැනියෙන්ම සෙබළකුට වෙඩි තියනකොටත් 1981 දී මම යාපනය රාජකාරි භාර නිලධාරියා එදා. දොරෙඅප්පට වෙඩි තියනකොට මාදගල් කියන හරියෙදි තමයි වෙඩි තිබ්බේ. ඒ වෙනකොට ඒ ප‍්‍රදේශය භාර ලූතිනන් මම. 1983 ජූලි 23 වැනිදා අපේ සෙබළු 13 ක් මැරුවේ. ඒක වෙන්න කලින් දවසේ එතැනින් ඒ වෙලාවටම පෙට්‍රෝල් එක ගියේ මම. ඊට පහුවදා තමයි සිංහ රෙජිමේන්තුවේ අපි පාබල හමුදාවේ වෙනත් බළඇණියකට ඒ ප‍්‍රදේශය භාර දුන්නේ. ඒ බළ ඇණියේ පළමු මුර සංචාරයට තමයි කොටි ගැහුවේ. ඔය විදියට යුද්දේ හැම ක‍්‍රියාන්විතයේම මම ඉඳලා තියෙනවා. හතර පස් දෙනෙක්ගෙන් පටන් අරගෙන 1983 දී දොළොස් දෙනෙක් වෙලා  ඕක වැඩෙන හැටි මම දැකලා තිබුණා. ඒ නිසා දෙපැත්තෙම වැරැදි අඩුපාඩුකම් මම දැකලා තිබුණා.

ඒ නිසා මම අලූත් සටන් සංකල්පයක් හැදුවා. ඒ අනුව තමයි සටන් කළේ. ඉස්සර අපි පාරවල් දිගේමයි සටන් කළේ. මම කරපු පළමු වෙනස්කම තමයි අපි කැලයට ඇතුළු වුණා. ත‍්‍රස්තවාදියා පාරට තල්ලූ කළා. ත‍්‍රස්තවාදියා හුරුවෙලා හිටියෙ අපි පාරවල්වල ඉන්නත් ඒ අය කැලේ ඉන්නත්. ඒ ක‍්‍රමය වෙනස් වෙච්ච ගමන් ත‍්‍රස්තවාදියා අන්දමන්ද වුණා. ඒ අය හිතුවෙත් නෑ අපි මේක අතහරින්නේ නැතිව දිගටම කරයි කියලා. නමුත් අපි එල්ලිලාම ඉඳගෙන මේක කරපු හින්දා මහ වැස්සෙ, ගංවතුරේ, කන්න බොන්න නැතිව එක දිගට සටන් කළා. ඒ වේගයටත් එල්.ටී.ටී.ඊ යට මුහුණ දෙන්න බැරි වුණා. 

හොඳ වෙලාවට මට සෙබළුන් එකතු වුණා. මම හමුදාපති පදවිය භාරගන්නකොට හිටියේ සෙබළුන් එක්ලක්ෂ දහසය දාහයි. නමුත් මම භාරගත්තාට පස්සේ ලක්ෂ දෙකක් වෙනකම් තරුණයන් බැඳුණා. මම භාරගන්න කලින් අවුරුද්දටම තුන් දාහයි තරුණයෝ බැඳුණේ. මම බාරගත්තට පස්සේ මාසයකට හාරදහසක් විතර බැඳෙන්න පටන් ගත්තා. ඒක මට ලොකු හයියක් වුණා.  ඕක ඇතුළේ ත‍්‍රස්තවාදීන්ට ඔළුව උස්සන්න දෙන්නෙ නැතිව අපි පහර දුන්නා. මම සැලසුම් කරපු පැති වලින්ම සටන ආරම්භ කළා. මුලින්ම නැගෙනහිර. ඔය ලොක්කන් කාටවත් විශ්වාසයක් තිබුණේ නෑ... සටන දිගටම යයි කියලා. මාවිල්ලාරුවෙන් පටන්ගන්න කොට ඒ අය හිතුවේ ඒක එතැනින් නතරවෙයි කියලා. මම ඒක ඉවරවෙන්න කිට්ටුවෙනකොට වාකරේට කොක්ක දාලා ඒ පැත්තෙන් පටන් ගත්තා. වාකරේ ඉවරවේගෙන එනකොට මඩකළපුව බටහිරට කොක්කක් දාලා ඒ පැත්තෙනුත් පටන් ගත්තා. තොප්පිගල සටන යනකොටම වව්නියාවෙන් උඩට සේනාංකයක් යැව්වා. නැගෙනහිර යනකොටම උතුරේ යුද්ධයක් පටන් ගත්තා. මම මේගොල්ලන්ට කිය කියා හිටියේ නෑ. එහෙම කිව්වානම් මේ අය අනිවාර්යයෙන්ම නවත්වනවා. තොප්පිගල සටන යනකොටම උතුරෙන් සටන පටන් ගත්තා. ඒවා එක දිගටම ගෙනිච්චා. කොටියට ඒකට මුහුණ දෙන්න බැරිවුණා.

 


ප‍්‍රශ්නය - ඔහොම සටන් කරනකොට ජාත්‍යන්තර බලපෑම් එහෙම ආවේ නැද්ද?
පිළිතුර - ජාත්‍යන්තර වශයෙන් අන්තිම කාලේ ආවා. අපි ඔච්චර ළඟට යයි කියලා ඒ අය හිතුවේ නෑ. කිලිනොච්චිය එහෙම අල්ලයි කියලා ජාත්‍යන්තර ප‍්‍රජාව හිතුවේ නෑ. මම 2007 මාර්තු මාසේ වව්නියාවෙන් උඩට ඒx9 එකේ වම් පැත්තෙන් සේනාංකයක් දැම්මා. 2007 සැප්තැම්බර් වෙනකොට මන්නාරමෙන් තව සේනාංකයක් දැම්මා. 2008 ජනවාරියේ තව සේනාංකයක් මම දැම්මා වැලිඔයෙන්. 

 


ප‍්‍රශ්නය - ප‍්‍රශ්නය එතැනින් ඉවර වුණාද?
පිළිතුර - 2008 මැද වෙනකොට මල්ලාවි, තුනුකායි කියන හරියට මම යනවා. වැලිඔයෙන් එහා සේනාංකය ජූනි අග වෙනකොට වන් ෆෝ බේස් කියන හරිය අල්ලනවා කිව්වා. අවුරුද්ද අග වෙනකොට වැලිඔය පැත්තෙන් ආපු සේනාංකය මුලතිව් අල්ලනවා කිව්වා. කිලිනොච්චිය අල්ලනවා. 2008 දෙසැම්බර් වෙනකොට කියලා මම කිව්වා. ඒ කියපු විදියටම ජූනි වෙනකොට ඒ කියපු තැන් දෙකටම ගියා. 2008 අපේ‍්‍රල් වෙනකොට මඩුවලට උඩ පැත්ත ඊට පස්සේ මන්නාරමේ හා වව්නියාවේ සේනාංක දෙක මඩුවලට උඩින් එකතු කළා. එතැන ඉඳලා උඩට උතුරට යන්න පටන් ගත්තා. කියපු විදියටම ජූනි වෙනකොට තුනුකායි ඇල්ලූවා. ජූනි වෙනකොට වන් ෆෝ බේස් ඇල්ලූවා. මම කියලා තිබුණේ 2008 අග වෙනකොට කිලිනොච්චිය අල්ලනවා කියලා. 2009 ජනවාරි 2 වැනිදා කිලිනොච්චිය ඇල්ලූවා. දවස් දෙකයි පහුවුණේ. මුලතිව් අල්ලනවා කිව්වා 2008 දෙසැම්බර්වල. ඒක ඇල්ලූවේ 2009 ජනවාරි 26 දා. දවස් 26 ක් පරක්කු වුණා. වැස්ස, ගංවතුර හින්දයි ඒක පරක්කු වුණෙත්. ඒ අනුව මං කියපු විදියටම මගේ සැලැස්ම ගෙනිච්චා. 

 


ප‍්‍රශ්නය - සිවිල් ජනතාවට සිදුවන හානිය අවම කරගන්න මොනවගේ වැඩපිළිවෙලක් ද යෙදුවේ?
පිළිතුර - ඒ ප‍්‍රශ්නය වැඩියෙන්ම බලපාන්න පටන් ගත්තේ මාර්තු මාසයේ ඉඳලයි. පුදුකුඩිඉරුප්පු අපි අල්ලන්න ඉස්සෙල්ලා සිවිල් ජනතාවට  ඕනෑතරම් ඉඩකඩ තිබුණා. ඒ කාලේ සිවිල් ජනතාව කිලෝමීටර හතරක් පහක් ඈතින් හිටියේ. ඒ නිසා ප‍්‍රශ්නයක් වුණේ නෑ. ගුවන් හමුදාව යූඒවි දාලා උඩින් නිරීක්ෂණය කර කර තමයි ගැහුවේ. මාර්තු මාසය වෙනකොට පුදුකුඩිඉරුප්පු වට කරනකොට තමයි ඔය ප‍්‍රශ්නය ආවේ. ඒ වෙනකොට තමයි සිවිල් ජනතාව ළඟට යුද්දෙ යන්න පටන් ගත්තේ. ඒ වෙලාවේ මට නියෝග දෙන්න වුණා බර අවි අඩුකරන්න. ඉදිරිපෙළට හැර පිටිපස්සට බර අවි වලින් ගහන්න එපා කියලා. එහෙම තමයි වෙඩි බලය පාලනය කරලා තමයි අපි යුද්ධ කළේ. ඒ නිසා තුවාලකාරයෝ වැඩිවුණේ අපේ.

2006 ඉඳලා 2007 ජූනි වෙනකම් නැගෙනහිර අල්ලන්න ගිහින් මගේ සෙබළු මැරුණේ දෙසීයයි. ඊට පස්සේ 2007 අග වෙනකොට සෙබළු දාහක් විතර මැරිලා තිබුණා. 2008 අවුරුද්දට සෙබළු දෙදාහක් නැති වුණා. අවි බලය අඩු කරලා සටන් කරන්න ගිය නිසා 2009 මාස හතරාමාරට සෙබළුන් දෙදාහක් නැති වුණා. ඒක එහෙම වුණේ සිවිල් ජනතාව බේරාගන්න  ඕනෑ නිසා. අපේ‍්‍රල් 19 වැනිදා පුදුමාතලන් කළපුව හරහා ගිහින් එල්.ටී.ටී.ඊ පස් කණ්ඩිය කඩලා සිවිල් ජනතාව එක්ලක්ෂ පහළොස් දාහක් එළියට ගත්තා. ආපසු මැයි 14 වැනිදා මුලතිව් පැත්තෙන් කළපුව හරහා ගිහින් පස් කණ්ඩිය කඩලා එතැනින් අසූපන්දාහක් විතර සිවිල් ජනතාව එළියට ගත්තා. ඒ සටන් දෙකේදීම මට හුඟාක් හානි වුණා.

 


ප‍්‍රශ්නය - අන්තිම සටනේ අන්තිම දවස් වෙනකොට ඔබ ලංකාවේ හිටියේ නෑ. ඒ වගේ තීරණාත්මක දින කිහිපයේදී ඔබ හදිසියේ ලංකාවෙන් ගියේ ඇයි?
පිළිතුර - ඒක චීන සංචාරයක්. විනෝද ගමනක් නොවෙයි මම ගියේ. යුද හමුදාවට යාන්ත‍්‍රික පාබල බළ සේනාවක් අපි එකතු කළා. ඒකට වාහන ගන්න චීනයත් එක්ක කතා කරලයි තිබුණේ. ඒ වාහන පරික්ෂා කරන්න ඒ අය මට එන්න කියලා තිබුණා. අලූතෙන්ම ගන්න ඒවා නිසා මීට පෙර වගේ වැරැුදි වාහන නොවෙන්න  ඕනෑ නිසා මම යන්න හිටියේ. හමුදාපති කාලේ හතර පාරක් විතර මම ඔය ගමන සූදානම් කරගත්තා. ඒත් හැම වෙලේම යුද්දෙ එක එක අවස්ථා නිසා මට යන්න බැරි වුණා. අන්තිමට මැයි මාසයට ඒ ගමන යෙදිලා තිබුණා. ඒ අය දෙන වෙලාවලූත් බලන්න වෙනවා. අපිට  ඕනෑ විදියටම යන්න බෑ. මැයි මාසයේ මුල් සතිය වෙනකොට සටන ඉවර වෙයි කියලා මම හිතුවා. නමුත් සිවිල් ජනතාවගේ ප‍්‍රශ්නය නිසා සටන ටිකක් ඇදිලා ගියා. මැයි 11 වැනිදා සිට 17 දක්වා ගමන දාලා තිබුනා. එතකොට ගුවන් යානා බලපත‍්‍ර අරගෙන. ඒ අයත් එහෙ හෝටල් බුක් කරලා තිබුණ නිසා ඒ වෙලාවේ ඒ ගමන අවලංගු කරන්න අමාරු වුණා. කොහොම වුණත් පුදුමාතලන් ඇල්ලූවාට පස්සේ අපේ‍්‍රල් 19 න් පස්සේ ත‍්‍රස්තවාදීන් තනිකරම පුංචි තීරයට කොටුවෙලා තිබ්බේ. කිලෝමීටර් 8 ක් විතර දිග කිලෝමීටර 2 ක් විතර පළල තීරයක් ඒක. ඒ තීරය දිගේ ගල්රෝලක් පෙරළෙනවා වගේ හමුදාව දවසින් දවස ඉදිරියට ගියා. එතකොට ඒ සටන කාටවත් නවත්වන්න විදියක් තිබුණෙත් නෑ. කොහොම වුණත් මම 17 වැනිදා රෑ 9 වෙනකොට ලංකාවට ආවා. අන්තිම සටන පටන් ගත්තේ 17 ? දෙකාමාරට. ඒ සටන 19 වැනිදා උදේ දහය මාරවෙනකම් ගියේ. ඒ සටන සම්පූර්ණයෙන්ම මම මෙහෙයැව්වා.

 


ප‍්‍රශ්නය - ප‍්‍රභාකරන්ගේ මළ සිරුර හඳුනාගන්නා විට ඔබ හිටියෙ කොළඹ. ඔබ ගියේ නැද්ද ඒ මළ සිරුර බලන්න?
පිළිතුර - ඒක දකින්න මට අවශ්‍ය වුණේ නෑ. ඔය දර්ශන බලන්න යන ගතියක් මට තිබුණේ නෑ. යුද්දෙ කරනවා හැරෙන්න ත‍්‍රස්තවාදියා බලන්න යෑමේ දොළදුකක් මට තිබුණේ නෑ. ඒ මළ සිරුර අපි ප‍්‍රදර්ශනයට දැම්මෙත් නෑ. ඒක අඳුරගන්න අපි කරුණාව යැව්වා එතැනට. එයා ගිහින් අඳුර ගත්තා. ඊට පස්සෙ උපදෙස් දුන්නා ඒ මළ සිරුර ආදාහනය කිරීමට.

 


ප‍්‍රශ්නය - ප‍්‍රභාකරන්ගේ පොඩි පුතාගේ ඡුායාරූපයකට අදාළව ලොකු ආන්දෝලනයක් තියෙනවා. ඔබ මොනවද ඒ ගැන කියන්නේ?
පිිළිතුර - ප‍්‍රභාකරන්ගේ බිරිඳ ගැන දුව ගැන ඔය පොඩි පුතා ගැන කිසිම හෝඩුවාවක් අපට ලැබිලා තිබුණේ නෑ. යුද්දෙ ඉවර වුණාම ලොකු පුතාගේ චාල්ස් ඇන්තනීගේ මළ සිරුර හමුවුණා. අත්අඩංගුවට ගත්තා නම් අපි දොළොස් දාහක් ත‍්‍රස්තවාදීන් අත්අඩංගුවට ගත්තනේ. ඒ අයව ආරක්ෂා කළානේ. එහෙම නම් ඔය කියන පොඩි ළමයටත් ආරක්ෂාව ලැබෙනවා. තමිල් චෙල්වම්ගේ බිරිඳ ප‍්‍රභාකරන්ගේ අම්මා තාත්තා අපි ආරක්‍ෂා කළානේ. මම දැක්කා පස්සේ කේ.පී කියලා තියෙනවා. ඒ කාලේ මම හිරේ හිටියේ. මැයි 14 වැනිදා ප‍්‍රභාකරන්ගේ බිරිඳ මිය ගියා කියලා. ඒ අයත් කොටි හමුදාවේ නිලධාරියෝ. බිරිඳත් බි‍්‍රගේඩියර් කෙනෙක්. දුව කර්නල් කෙනෙක්. පොඩි පුතා බාලචන්ද්‍රන් කැප්ටන් කෙනෙක්. චාල්ස් ඇන්තනී ලොකු පුතත් කර්නල් කෙනෙක්. ඉතින් මම දැක්කා කේ.පී කියලා තියෙනවා බිරිඳ මැරුණ සටන් පෙරමුණේ දී කියලා. දුවත් මැරුණ කියලා කේ.පී කියලා තිබුණා. ඔය පුතා කේ.පී. කියලා තිබුණ බෑග් එකකුත් අතේ තියාගෙන එහෙ මෙහෙ ඇවිද ඇවිද හිටියා කියලා. කේ.පීලා හිටියේ මේ අයව එතැනින් අයින් කරගෙන යන්න. ඔය බාලචන්ද්‍රන් පුතා ‘‘කේ.පී. අන්කල් මාව ගෙනියනවා.....කේ.පී අන්කල් එනකම් මම ඉන්නවා’’ කිය කියා ඇවිද ඇවිද හිටියා කියලා කේ.පීම කියලා තිබුණා. ඉතින් අපි දන්නෑ....කොහේට ගියා ද.....එහෙම නැත්නම් සටනේ අන්තිම දවසේ රෑත් කළපුව හරහා මේ අය පැනලා යන්න හැදුවනේ. ඒ වගේ වෙලාවකදී වෙඩි වැදිලා මැරුණද කියලා කියන්න මම දන්නේ නැහැ.

 


ප‍්‍රශ්නය - පොට්ටු අම්මාන්ට මොකද වුණේ රෑ පොට්ටු ගැන කිසිම ආරංචියක් ආවේ නැහැනේ ?
පිළිතුර - පොට්ටු අම්මාන්ගේ කිසිම හෝඩුවාවක් අපට ලැබුණෙ නැ. ඒත් මම දැක්කා කේ.පී කියලා තිබුණ ප‍්‍රභාකරන් හා පොට්ටු අම්මාන් අතර ප‍්‍රශ්නයක් තිබුණා කියලා. ප‍්‍රභාකරන් හා පොට්ටු අම්මාන් කළපුව හරහා ගිහින් මුලතිව් කැලයට පනින්න ගිහින් පුපුරවාගෙන මැරුණා කියලා. ඒ වගේම ප‍්‍රභාකරන් ආපහු ආවා කියලා. ඒ වගේ දෙයක් වුණා වෙන්න පුළුවන්. ප‍්‍රභාකරන්ගේ අන්තිම මොහොත දක්වා කේ.පීට සම්බන්ධතා තිබුණනේ.

 


ප‍්‍රශ්නය - යුද්දේ අවසන් භාගයේදී ආරක්‍ෂක මණ්ඩලයේදී ඔබ කිව්වා ‘‘ප‍්‍රභාකරන් පැනලා ගියොත් පැනලා යන්නේ මුහුදෙන්’’ කියලා. ඇයි එහෙම අදහසක් ප‍්‍රකාශ කළේ ?
පිළිතුර - අන්තිම කාලෙදී මම ඒක ජනපතිටත් කිව්වා. ඒ ආරක්‍ෂක වළලූ යොදලා තිබුණ ආකාරය මට වැටහුනේ නෑ. ඒක සාර්ථකයි කියලා. සුසෙයි ගේ පවුලත් පැනලා යන්න ගිහින් අහුවුණානේ. ඒ විදියට ගොඩක් අය ගියානේ. සමහරු ඉන්දියාවටත් ගියානේ. ඒ නිසා මේ තිබුණ ආරක්‍ෂක වළල්ලේ එහෙම පැනලා යන්න පුළුවන්කමක් තිබුණා. මං හිතන්නේ ප‍්‍රභාකරන්ට යන්න තැනක් තිබුණේ නෑ. ඒ නිසා හිටියා. ඒ නිසා එයාගෙ බලාපොරොත්තුවක් තිබුණා අන්තිම මොහොතේ හරි අර කේ.පී කිව්වා වගේ අන්තිම මොහොතේ හරි හෙලිකොප්ටරයක් හරි ඇවිත් එයාව බේරා ගනියි කියලා. ඒ නිසා හිටියා. 

 


ප‍්‍රශ්නය - ඔබ හා හිටපු නාවික හමුදාපති වසන්ත කරන්නාගොඩ මහතා පංතියේ මිතුරෙක් කියලත් කියනවා.
පිළිතුර -  මට වඩා අවුරුදු දෙකක් විතර එයා පහළින් හිටියේ. මම ආනන්ද විද්‍යාලයේ ජල කී‍්‍රඩා කණ්ඩායමේ නායකයා විදියට ඉන්න කාලේ වෝටර් පෝලෝ කණ්ඩායමේ නායකයා මම. ඔහු උපනායකයා. ඔහු තමයි මගේ ගෝල් කීපර් විදියට හිටියේ. මම ජාතික කණ්ඩායම දක්වා ගියා. එයා ඒතරම් දුරට ජල ක‍්‍රීඩාව කළේ නෑ. එයා මගේ මිතුරෙක් නෙවෙයි. මට වඩා අවුරුදු දෙකක් බාලයි. මම ආශ‍්‍රය කරපු මගේ කණ්ඩායමේ සාමාජිකයෙක් විතරයි.

 


ප‍්‍රශ්නය - ඔබ දේශපාලනයට නාවානම් හොඳයි කියලා හිතෙන්නෙ නැද්ද ?
පිළිතුර - දේශපාලනයට නාවානම් රට නගන සංග‍්‍රාමයේ නොවෙයි රට කන සංග‍්‍රාමයේ කොටස්කාරයෙක් වෙන්න තිබ්බා.

 

සාකච්ඡා  කළේ  -  ප‍්‍රසන්න සංජීව තෙන්නකෝන්

 



අදහස් (0)

අන්තිම සටන පටන් ගත්තේ දාහත්වැනිදා රෑ දෙක හමාරටයි

පිටිගල මිලානෝ Sunday, 19 May 2013 05:13 PM

කෙසේ හෝ ඔබ අපට සහා මේ රටට නැති වී ඇති බවක් දැනෙනවා.(නදී)

:       0       0

වසන්ත Wednesday, 29 May 2013 11:03 PM

අතිගරු මහින්ද රාජපක්ස ජනාදිපතිතුමාගේ කෙලින් තිබුන කොනදත්,ගෝඨාබය රාජපක්ෂ මැතිතුමාගේ නුවණත්, ඉවසීමත් හා ඔබතුමාගේ අත්දැකීම්,වීරත්වය,අවංක කැපවීම හා නියම යුද සෙනෙවියකුගේ මෙහෙයවීමත් සියලු ත්‍රිවිධ හමුදා පොලිසියේ සෙබළුන්ගේ කැපවීමත් නිසා ලැබුවා වූ ඉහලම ජයග්‍රහනයක් මේක.කාටවත් මේක තනි පුද්ගල බූදලයක් නෙමෙයි. (නි)

:       0       0

රවි Monday, 20 May 2013 11:20 AM

හරියට ජනාදිපතිතුමා, ආරක්ෂක ලේකම්තුමා අනෙක් හමුදාපතිවරු මුකුත් කරලා නැහැ වගේ. (නි)

:       0       0

බණ්ඩාර Monday, 20 May 2013 11:34 AM

කැපවීම තමයි අපේ රටට දිනුම ගෙනාවේ

:       0       0

නිමල් Monday, 20 May 2013 12:12 AM

හරියට ප්‍රතිචාර දාන්නේ මෙතුමා මොනවත් ම කරලා නැහැ වගේනේ? පුදුම ලාංකිකයෝ. මෙතුමා හමුදාවේ හරි හිටියානේ. වංචාකාරයන්ටත් නම්බු නාම දෙන රටේ මෙතුමාගේ ජෙනරාල් පට්ටමටත් නැති කිරීම හරිම කණගාටුවක්. සත්‍යය ජය ගනීවා! (නි)

:       0       0

දිසානායක Monday, 20 May 2013 11:36 AM

යුද්දයේදී මිය ගිය සියල්ලන්ටම නිවන් සුව අත්වේවා

:       0       0

චූලා Monday, 20 May 2013 12:13 AM

ඔබගැන මගේ හිතේ තියෙන්නේ අප්‍රමාන ගරුත්වයක්. ඒත් ඔබේ හැම ප්‍රකාශයක් සමගම මම එකග නැහැ මහත්තයා.මේ රජයට මාත් අකමැති වුණත් ඔබ තනියෙන් ඔක්කොම කළා යැයි කීම පිළිගන්ට බැහැ.ඔවු ඔබ අප්‍රමාන දායකත්වයක් දුන්නා.නමුත් ඔබ පමණයි කීම වැරදියි.ඔන්න ඔය දේශපාලනෙන් අයින් වෙලා හොද රටකට යන්න. (නි)

:       0       0

සේකර Monday, 20 May 2013 11:34 AM

අපේ රණ විරුවන්ට ජයවේවා

:       0       0

ජනක පෙරේරා Sunday, 19 May 2013 05:33 PM

කලින් ආණ්ඩු එකක් වත් ගුවන් ප්‍රහාර වලට ඉඩ දුන්නේ නැහැ. මහින්ද විතරයි ඉඩ දුන්නේ. ඒක නැත්තම් ගහල හමාරයි. මෙයා හැමදාම කියන්නේ එයා හින්දා යුද්දේ දින්නා කියලා.(නදී)

:       0       0

මුරුගන් Monday, 20 May 2013 12:17 AM

ඔබයි යුද්දේ කළේ. ඒක ඇත්ත. නමුත් ඔබ පමණද ඒක කළේ?වෙන ප්‍රවෘත්තියක් නම් මම මීට වැඩිය තදට බැනලා ලියනවා. ඒත් මේ ඔබතුමා නිසා මට හිතදෙන්නේ නැහැ දෙයක් හරියට ලියන්නවත්.මේ ගද දේශපාලනයට ඔබතුමා හොද වැඩියි.හොද රටකට ගිහින් දරුවොත් එක්ක ඉන්න.ඔබ ලංකාවට ණය නැහැ මම වගේ. (නි)

:       0       0

ප්‍රජා Wednesday, 29 May 2013 01:34 AM

ඔබ සබැ වීරයකි ,වීරසේබලුන් වීරදෙශපාලන නායකයන් ,සහ වීර ජනතාවක් නොහිටින්නට ,ප්‍රභාකරන් තවමත් ජිවතුන් අතර ,අප ඔබව සදා සමරමු ! (දී)

:       0       0

චමිල් Sunday, 19 May 2013 05:37 PM

ඔයා ලංකාවට ආවෙත් 17වෙනිද රෑ නේ. ඉතින් කවුද එතකොට අන්තිම සටන ප්ලෑන් කලේ? මෙව්වා බයිලා.(නදී)

:       0       0

සූරී Thursday, 30 May 2013 09:36 AM

ජෙනරාල් , ඔබ තමයි යුද්ධය දිනුවේ. නමුත් ඔබ දේෂපාලනයට එන්න එපා. (දී)

:       0       0

නන්දන Monday, 20 May 2013 12:21 AM

මන් නම් හිතන්නේ මේක තම ලංකාවේ සංස්කෘතික හුනියම. හැමෝම කැමති පුරසාරම් දොඩන්න.බලයට එන්න.මේවා ආසියාවේ සංස්කෘතියට අයිති දේවල්. ඕනෑම රැකියාවකින් ජනප්‍රිය වන කෙනෙක්ගේ අවසානේ දේශපාලනේ.මේවා ආසියාවට අයිති දේවල්. හැබැයි ඒ සංස්කෘතියලු උතුම්.... (නි)

:       0       0

සූරි Thursday, 30 May 2013 09:40 AM

ජෙනරල්තුමනි, ඔබ තමයි යුද්ධය දිනුවේ. නමුත් ඔබ දේශපාලනයට එන්න එපා. (නි)

:       0       0

සාරා Tuesday, 21 May 2013 09:04 PM

මම ඔබට ගොඩක් ගරුකරනවා .නමුත් කියලතියෙන හැමදේටම එකග වෙන්න බෑ (අ)

:       0       0

දනුන Sunday, 19 May 2013 05:51 PM

මෙයා ආමි එකට ආවේ මහින්ද ආවට පස්සෙද? ඇයි ඔයිට කලින් බැරි වුනේ ඔය ටික කරන්න? මෙයා නිකන් මාලුවෙක් වගේ කට හින්ද නහිනවා.(නදී)

:       0       0

පෙරේරා Sunday, 26 May 2013 01:48 PM

ප්‍රභාකරන් කිව්වා හරියටම හරි. අපේ මිනිස්සුන්ට හැම දෙයකම මතක හරියටම සතියයි. තම ජීවිත කාලයෙන් හරි අඩකටත් වැඩියෙන් හමුදාවට සේවය කරපු විරුවෙකුටවත් කෘත ගුණ සලකන්න දන්නේ නැති අයගෙන් පිරුන රටක් මේක. අනේ උතුමාණෙනි , ඔබතුමා මේ රට අත හැර මිනිසුන් ඉන්නා රටකට ගොස් ඔබගේ වටිනා සේවය ලබා දෙන්න. අපි මෙන් ඔබ රටට ණය නැහැ උතුමාණෙනි. (නි)

:       0       0

චමින්ද Monday, 20 May 2013 11:56 AM

නිවැරදි නායකත්වය

:       0       0

ලසන්ත Sunday, 26 May 2013 01:48 PM

මේ රට බාරගන්න නියම මිනිසා ඔබයි මට හිතෙන විදිහට. ඔබට සදා ජය ලැබේවා! (නි)

:       0       0

නාහල් Monday, 03 June 2013 02:53 AM

පරාක්‍රම, එය ක්‍රියාවෙන් ඔප්පු කලේ නැද්ද?(නදී)

:       0       0

රජින්ද Sunday, 19 May 2013 05:56 PM

ඔබ නීතිගරුක, එඩිතර යුධ හමුදාපති කෙනෙක් බව පිලිගනිමි. එහෙත් ඔබ දක්ෂ දේශපාලකයෙක් නොවේ. ඔබ කවදාහෝ එසේයි සිතුවොත් එදින පටන් ඔබ නීතිගරුක, එඩිතර දේශපාලකයෙක්ද විය නොහැක. (නදී)

:       0       0

ජනා Saturday, 01 June 2013 02:57 PM

මම වෙන මොනවා කියන්නද? මම; මම; මම; මම; මම; මම; මම; මම; මම... මම ඔක්කොම මම නේද? (නි)

:       0       0

අප්සරා ෆෝන්ස් Sunday, 19 May 2013 05:58 PM

ඇයි තාත්තේ ඩිංගි බෝට්ටු හැදුවෙත් චන්ද්‍රිකා ඇන්ටිගේ කාලෙද? නේවි එකත් එයාර් ෆොස් එකත් ගොඩක් දේවල් කලානේ, ඒවා මතක නැද්ද? (නදී)

:       0       0

බිෂාන් Wednesday, 22 May 2013 11:02 AM

තමන් තනියම සියල්ල කළා කීම හාස්‍යජනක දෙයක්. තමන් ට සලකපු මිනිස්සුන්ව අමතක කළ ඔබතුමාට දඩුවම් දීම සාධාරනයි. නොදන්නා දේ නොදන්නා ලෙස සිටීම තමා සුදුසුම. දේශපාලනය ගැන තව ඉගෙනගත යුතුයි. (නි)

:       0       0

නෙවිල් Wednesday, 22 May 2013 11:37 PM

මෙය ජනාධිපති කමට නම් කරපු රනිල් වික්‍රමසිංහවත් මෙයාට ඡන්දය දුන්නේ නෑ.(නදී)

:       0       0

නෙවිල් Wednesday, 22 May 2013 11:45 PM

මෙයා ජනපති කමට නම් කරපු රනිල්,ජයලත් ජයවර්දන ,රවී කරුණානායක යන මේ කට්ටිය මෙයාට චන්දෙ දුන්නේ නෑ .එක මෙයා හොදටම දන්නවා.(නදී)

:       0       0

අරුණ Wednesday, 22 May 2013 11:09 AM

ඔබ නීතිගරුක, එඩිතර යුධ හමුදාපති කෙනෙක් බව පිලිගනිමි. එහෙත් ඔබ දක්ෂ දේශපාලකයෙක් නොවේ. ඔබ දුන් නායකත්වය අපි හැමදාම පිලි ගන්නවා. ඒ වගේම ඔබ ලෝකයේ හොදම හමුදාපති විදියටත් පිලිගන්නවා. ඒ වගේම ඔබගේ උපක්‍රම නිවැරදි බවත් පිලිගන්නවා. නමුත් ඔබතුමාව හමුදාපති කළේ ජනාධිපති සහ ආරක්ෂක ලේකම්තුමායි. නැත්නම් ඔබතුමාත් විශ්‍රාම ගිහින් ගොඩක් කල්. ඒක නිසා ඒ කලගුණ සලකන්න. ඔබ වගේම අපේ ගුවන් හමුදාව , නාවික හමුදාව, ඇතුළු හැමෝම එකම බලාපොරොත්තුවකින් තමා සටන් කළේ. එක මේ ලංකාවේ හැමෝම දන්නවා. (නදී)

:       0       0

ලලිත් Thursday, 30 May 2013 01:36 AM

සරත් ෆොන්සේකා මහත්තයාට අපි ණය ගැතියි (දී)

:       0       0

සුසන්ත Sunday, 26 May 2013 10:05 PM

ඔබ තුමාට මම ගරු කරමි. නමුත් ඔබ තුමා අවංක කෙනෙක් නොවෙයි.(නදී)

:       0       0

අරුණ Wednesday, 22 May 2013 11:26 AM

ඔබ නීතිගරුක, එඩිතර යුධ හමුදාපති කෙනෙක් බව පිලිගනිමි. එහෙත් ඔබ දක්ෂ දේශපාලකයෙක් නොවේ. ඔබ දුන් නායකත්වය අපි හැමදාම පිලි ගන්නවා. ඒ වගේම ඔබ ලෝකයේ හොදම හමුදාපති විදියටත් පිලිගන්නවා. ඒ වගේම ඔබගේ උපක්‍රම නිවැරදි බවත් පිලිගන්නවා.නමුත් ඔබතුමාව හමුදාපති කළේ ජනාධිපති සහ ආරක්ෂක ලේකම්තුමායි. නැත්නම් ඔබතුමාත් විශ්‍රාම ගිහින් ගොඩක් කල්. ඒක නිසා ඒ කලගුණ සලකන්න. ඔබ වගේම අපේ ගුවන් හමුදාව , නාවික හමුදාව, ඇතුළු හැමෝම එකම බලාපොරොත්තුවකින් තමා සටන් කළේ. එක මේ ලංකාවේ හැමෝම දන්නවා. (නි)

:       0       0

ගාමිණි Thursday, 30 May 2013 01:49 AM

ඔබලාට පිං යුද්දේ ඉවර කලාට (දී)

:       0       0

සුදත් Sunday, 19 May 2013 06:36 PM

1991 ඉඳලා 2009 වෙනකල් පොල්ගෑවද? තවත් කයිවාරුව.(නදී)

:       0       0

ශ්‍යාමලී Sunday, 26 May 2013 10:16 PM

සංජය ඔබේ අදහස මා එසේම පවසන්නම්."ඔබ අපට දෙවියෙකි දේශපාලනයට නොගියා නම්" සදාචාරයක් නැති දේශපාලනය ඔබේ ගරුත්වය නැතිකළා. (නි)

:       0       0

කරු Sunday, 19 May 2013 06:40 PM

රනිල් ඔබව ජනාධිපති පුටුවට යෝජනා කලා. එත් ඇයි හමුදාවේ මුලට නොදැම්මේ. කන්න දෙන අත හපා කන්නේ සර්පයෝ.(නදී)

:       0       0

ජගත් Monday, 03 June 2013 01:24 PM

ජයග්‍රහණයේ අයිතිය තනියම තම නමට ගෙන දේශපාලකයෙකු වශයෙන් බඩ ගෝස්තරය සපුරා ගැනීමට ගොස්, සටන් බිමේ නිර්භීත නායකත්වයේ ගෞරවයද අහිමි කොටගෙන, පරාජිත දේශපාලකයන්ගේ පරාජිත දේශපාලන ගමනේ සාමාජිකයෙකු බවට පත්ව, ජයග්‍රාහී දිවි ගමනේ අවසානයෙහි(සැදා සාමයේ) පරාජිත මිනිසෙකු බවට පත් වීම පිළිබද අපගේ බලවත් කනගාටුව. තවද දේශපාලන වේදිකාව මත මහත්මයෙකු ලෙස තම වාග් සෛලය භාවිතා කිරීමට ඇරැවුම්. සුබ ගමන්.(නදී)

:       0       0

චමිලා Sunday, 19 May 2013 06:43 PM

ඔයා තරම් ඊර්ෂ්‍යාවෙන් දැවෙන කෙනෙක් මම කලින් දැකලා නැහැ. ප්‍රභාකරන් වගේමයි. දැන් මොකද්ද ඔයාගේ පක්ෂය. හැබැයි අය්යේ ඔයාට හැමදාම අලුත් පක්ෂ හද හදා ඉන්න වෙයි.(නදී)

:       0       0

ෂෙනාස් Sunday, 19 May 2013 06:45 PM

මෙයා තනියම ගිහින් ඔක්කොම කරලා තියෙන්නේ. හමුදාව නිකම්ම ඉදලා වගේ කතාව.(නදී)

:       0       0

මංජු Thursday, 23 May 2013 12:54 AM

මහත්මයා, අපි තවමත් ඔබට ගරු කරනවා. ඒක නැති කරගන්න එපා. ඔයා තරම් ඊර්ෂ්‍යාවෙන් වෛරයෙන් දැවෙන කෙනෙක් මම කලින් දැකලා නැහැ.(නදී)

:       0       0

මනෝජ් Saturday, 25 May 2013 09:20 PM

ප්‍රභාකරන් කිව්වා හරියටම හරි. අපේ මිනිස්සුන්ට හැම දෙයකම මතක හරියටම සතියයි. තම ජීවිත කාලයෙන් හරි අඩකටත් වැඩියෙන් හමුදාවට සේවය කරපු විරුවෙකුටවත් කෘත ගුණ සලකන්න දන්නේ නැති අයගෙන් පිරුන රටක් මේක. අනේ උතුමාණෙනි ඔබතුමා මේ රට අත හැර මිනුසුන් ඉන්නා රටකට ගොස් ඔබගේ වටිනා සේවය ලබා දෙන්න. අපි මෙන් ඔබ රටට නය නැහැ උතුමාණෙනි.(නදී)

:       0       0

රියාස් Monday, 20 May 2013 03:59 AM

මෙයා තමයි වැඩකරු.(නදී)

:       0       0

මංජුල ප්‍රියංකර Saturday, 01 June 2013 03:57 PM

කුහක වෙන්න එපා (නි)

:       0       0

දිනේෂ් Wednesday, 22 May 2013 04:30 PM

තිබ්බ තත්ත්වෙත් නැතිකරගෙන දැන් මෙතන මොනවද මේ කියවන්නේ? (නි)

:       0       0

පරාක්‍රම Saturday, 01 June 2013 05:13 AM

එතකොට කොබ්බෑකඩුව විජය විමලරත්න හසලක ගාමිණීල වීරයෝ නෙවෙයිද? මහත්තයෝ, වීරයෝ කවදාවත් තමන්ගේ හපන්කම් කියා කියා ඇවිදින්නේ නැහැ, ක්‍රියාවෙන්ම පෙන්නනවා. (නි)

:       0       0

ඒපියන් Thursday, 30 May 2013 09:06 PM

ජනාදිපති තුමාට, ආරක්ෂා ලේකම් තුමාට, යුද්දේ පෙර ගමන් කරුවන් වෙන කමාන්ඩෝස්, පොන්සේකා, දිගු දුර උන් ඇතුළු හැමෝම මුළු ඔක්කොමල්ලා උදව් කලා යුද්ධය දිනවන්න. ඒ සියල්ලටම යුද්ධයේ ගෙූරවය හිමි විය යුතුය. කව්රු කැමති උනත් නැතත් යුද්දේ සිතියම ජෙනරාල්ගේ. මෙයා නොහිටින්න තාමත් ජයරත්න එකට උතුරින් මිනී එනවා. හැමෝම ඕක දන්නවා කිව්වේ නැතුවට.(නදී)

:       0       0

අසංක Monday, 20 May 2013 04:59 AM

සමහරක් අය ලියලා තියෙන අදහස් දැක්කම කළකිරෙනවා. අනේ අපේ රටට සේවයක් කරපු මහත්මයෙක් ගරු කරලා අදහස් දක්වන්න. අපේ රට හොද මිනිස්සු ඉන්න රටක් . එක නැති වෙන්න දෙන්න එපා .(නදී)

:       0       0

කමල් Monday, 20 May 2013 05:48 PM

හැමෝම තමන්ට පුළුවන් උපරිමෙන් කළා. මෙතුමා පමණක් නොවේ. ඒත් මෙතුමාට වුණ දේ කාටවත් ම වුණේ නැහැ. අගය කළ පුද්ගලයකුව හෙලා දකිනවා, ගරහනවා. මෙතුමත් වීරයන්ගෙන් කෙනෙක්. හරියට හමුදාපති කෙනෙක් නැති හමුදාවක් යුද්ධය දිනුවා වාගේනේ මෙතන කථා (නි)

:       0       0

විජිත ඕස්ට්‍රේලියාව Monday, 20 May 2013 05:27 AM

සරත් මහත්තයා 2009 ජනාධිපති. නේවි එකත් එයාර් ෆොස් එකත් නැතිව සම්පූර්ණයෙන්ම සටන මෙහෙයැව්වා. තවත් කයිවාරුව.(නදී)

:       0       0

ප්‍රියන්ත Wednesday, 29 May 2013 06:22 PM

ඔබ ඉදිරියටම යන්න! (නි)

:       0       0

ලකා Thursday, 30 May 2013 04:13 AM

දන්න අය දන්නවා කව්ද වැඩකරු කියලා. කවදා හරි ජය ගන්නවා අපි. ජෙනරාල්, ඔබට ජය! (නි)

:       0       0

අරුණ Thursday, 30 May 2013 10:44 AM

අපි දැන් නිදහස් ජාතියක් (දී)

:       0       0

නිමල් Sunday, 19 May 2013 02:22 PM

මානුෂිය මෙහෙයුම

:       0       0

දේ සිල්වා බෙර්ලින් Tuesday, 21 May 2013 01:27 PM

නිලන්ත හමුදාව පසු බැස්සේ නැත්නම් යුද්ධය අවරුදු 30 ඇදුනේ කොහොමද ? එතුමා හමුදාව පාච්චල් කරේ නැහැ. ඇත්ත කියලා තිබෙනවා. රාජ්‍ය සේවයෙන් පසුව දේසපාලනය කිරීමට , සැම කෙනෙකුටම පුළුවන්. නමුත් දේශපාලන මඩ ගොහුරුවට මෙතුමා නොබැස්සානම් හොදයි.(නදී) .

:       0       0

ජයන්ත Thursday, 23 May 2013 12:48 PM

යුද්දේ අන්තිම දවස් ටික ලංකාවේ විතරක් නොවෙයි ලෝකෙම උණුසුම් වෙලා තිබ්බේ

:       0       0

නදි Thursday, 30 May 2013 10:05 PM

අද අපිට සිද්ධ වෙලා තියෙන්නේ හිඟන්නෝ වගේ ජීවත් වෙන්න. (නි)

:       0       0

හේරත් Monday, 20 May 2013 07:12 AM

හමුදාපති වශයෙන් නිර්භීත කෙනෙක්. අගය කළ යුතුවෙනවා . (නි)

:       0       0

එරංග Thursday, 30 May 2013 10:05 PM

මෙතන ගොඩාක් අය කියලා තියෙන්නේ මෙතුම දේශපාලනයට ආවේ අපරදේ කියලා. ඒත් කනයා නැති වලේ ලූලා පණ්ඩිතයාලූ. දෙවියන් නැති තැන පෙරේතයන් රජ කරනවා වගේ මෙතුමා වගේ අවංක අය නැති තැන හොරු මංකොල්ලකාරයෝ ස්ත්‍රී දූශකයෝ රජ කරනවා. එක වරක් අසාර්ථක වූ පමණින් ඔහු දේශපාලනයේ අසාර්ථක යැයි කිව නොහැක. (නි)

:       0       0

විජිත ඕස්ට්‍රේලියාව Thursday, 23 May 2013 05:51 AM

තමන් තනියම සියල්ල කළා කීම හාස්‍යජනක දෙයක් (නි)

:       0       0

කෝලිත Monday, 20 May 2013 06:27 PM

හැම රජයේ උත්සවයකදීම අපිට ඔබව මතක් වෙනවා. ඔබ සිටිය යුතු තැන ඔබ නැත්තේ පරාජිත දේශපාලුවන්ගේ කතා වලට මුලාවෙලා යුනිෆොර්ම් එක ගලවා රෙද්ද බනියමට බැහැපු නිසා.ඔබ ගැන දුකක් හිතේ ඇති වුණාට එහි වරදකරුත් ඔබම නිසා අපි මොනවා කරන්නද? (නි)

:       0       0

අසංග Saturday, 25 May 2013 03:03 PM

අරුණ ඔබ දක්වලා තියන කරුණු සහතික ඇත්ත.අද එතුමා දේසපාලනය නොකර සිටියානම් රජෙක් වගේ ඉන්න තිබුණා.(අ)

:       0       0

කසුන් Monday, 27 May 2013 12:03 PM

යුද්දය නම් අපිට නැවතත් එපා

:       0       0

ප්‍රසන්න Wednesday, 22 May 2013 05:12 PM

එතකොට මහත්තයෝ ඔය බිත්තර ආප්පෙන් ගැහුවේ ඇයි?(නදී)

:       0       0

නවීන් Tuesday, 21 May 2013 08:51 AM

ඔබ ලෝකයේ විශිෂ්ටතම හමුදා නිලදාරියෙක් බව අපි හැම දනිමු, පිළිගනිමු. ඔබ දේශපාලනය නොකලා නමි මීටත් වඩා විශිෂ්ට පිලිගැනීමක් ඔබට ලැබීමට තිබුණි.(නදී)

:       0       0

මංජු Wednesday, 22 May 2013 12:52 AM

මහත්මයා, අපි තවමත් ඔබට ගරු කරනවා. ඒක නැති කරගන්න එපා. (නි)

:       0       0

බණ්ඩාර Monday, 20 May 2013 02:16 PM

අපි නිදහස්

:       0       0

සංජය Sunday, 26 May 2013 09:50 AM

ඔබ අපට දෙවියෙක් දේසපාලනයට නොගියා නම්.(නදී)

:       0       0

නාමල් Monday, 20 May 2013 08:21 AM

ඔය සරත් මහත්යට අගෞරව වෙන විදියට අදහස් දාන පණ්ඩිතයන්ට ගිහින් යුද්ධය කරන්න තිබුනනේ. එයාර්ෆෝස්,නාවික වලින් ගහනවා වගේ නෙමෙයි පාබල හමුදාවට කොච්ච්චර අවදානමක් තියෙනවද? (නි)

:       0       0

දිසානායක Sunday, 19 May 2013 08:12 PM

511 වන්නි මුලස්ථානයට ඇවිල්ලා ඉදිරි මෙහෙයුම් වලට උපදෙස් දීපු හැටි මතකයි. එදා අපේ ශක්තිය උනා. අනේ මම දන්නේ නැහැ මොනවා ලියන්නද කියලා. ජරා දේශපාලනය වීරයෙක්ව අපිට නැතිකළා. මම වෙන මුකුත් කියන්නේ නැහැ මිනිස්සුන්ට අපහාස කරන්න ලේසියි. ජීවිතෙන් හරි අඩක් එතුමා යුධ හමුදාවට සේවය කල එක මෙතැන අදහස් දාන එක තරන් ලේසි නැහැ. මම වෙන මොනවා කියන්නද. අන්තිමට අපිත් ආබාදිත වෙලා එදා තිබුනට වැඩිය රට හොද නැහැ කියලනම් කියන්න එපා මේකට අපි අපේ හැම දීම කැප කරලා ඉවරයි.(නදී)

:       0       0

දිසානායක Sunday, 19 May 2013 08:12 PM

511 වන්නි මුලස්ථානයට ඇවිල්ලා ඉදිරි මෙහුම් වලට උපදෙස් දීපු හැටි මතකයි. එදා අපේ ශක්තිය උනා. අනේ මම දන්නේ නැහැ මොනවා ලියන්නද කියලා ජරා දේශපාලනය වීරයෙක්ව අපිට නැතිකළා. මම වෙන මුකුත් කියන්නේ නැහැ මිනිස්සුන්ට අපහාස කරන්න ලේසියි. ජීවිතෙන් හරි අඩක් එතුමා යුධ හමුදාවට සේවය කල එක මෙතැන අදහස් දන එක තරම් ලේසි නැහැ. මම වෙන මොනවා කියන්නද. අන්තිමට අපිත් ආබාධිත වෙලා එදා තිබුනට වැඩිය රට හොද නැහැ කියලනම් කියන්න එපා. මේකට අපි අපේ හැම දීම කැප කරලා ඉවරයි.(නදී)

:       0       0

රණා Tuesday, 28 May 2013 11:37 AM

ඊර්ෂ්‍යාව වෛරය නැතිවී නම් ඔබත් රජෙකි උතුමාණෙනි. (නි)

:       0       0

නිලන්ත Monday, 20 May 2013 07:00 PM

ඇයි මේ හමුදාව පාච්චල් කරන්නේ හැම වෙලේම පසු බැස්සා කියලා? අනේ මහත්තයෝ, නම්බුව රැකගෙන ඉන්න (නි)

:       0       0

ෂෙහාන් Tuesday, 28 May 2013 04:41 PM

මගේ රටට දළදා හිමි පිහිටයි

:       0       0

අරුණ Monday, 20 May 2013 02:48 PM

ඔබට ජයවේවා

:       0       0

රොෂාන් Tuesday, 21 May 2013 02:31 PM

ඔබ වීරයෙක්. එහෙත් ඔබ ලිඳේ වැටුනා නම් ලිං කටින්ම ගොඩ ආ යුතුයි (නි)

:       0       0

අනුර Wednesday, 22 May 2013 06:33 PM

යුද්ධය දිනුවේ නිසි නායකත්වයක් තිබුණු නිසයි (නි)

:       0       0

සුදේශ් Sunday, 19 May 2013 03:28 PM

ඔබව අපට මතකය.අපි ඔබ අමතක නොකරමු. (නි)

:       0       0

දුමිදු Tuesday, 28 May 2013 09:49 PM

ඔබ සියලු දෙනාටම පින් සිද්ද වෙන්න අපි ජිවත් වෙනවා

:       0       0

ගයි Monday, 20 May 2013 08:05 PM

ඔබ හොද හමුදාපති කෙනෙක්. නමුත් දේශපාලනය ගැන තව ඉගෙනගත යුතු බව මගේ හැඟිමයි. ඔබේ මෙහෙය අපි අගේ කරන්නෙමු සදා (නි)

:       0       0

සමන් Sunday, 19 May 2013 03:32 PM

ඇත්ත කතාව තමයි ඔය.(නදී)

:       0       0

ප්‍රියන්ක Monday, 20 May 2013 03:02 PM

සමහර අයගේ අදහස් දැක්කම කලකිරෙනවා. ඔබවැනි අයට මෙහෙම සැලකුවා නම් අනෙක් අය ගැන මොන කතාද? කොහොම නමුත් ඔබතුමාට අපි හැමදාමත් ගරු කරනවා! නමුත් ඔබ මේ දේශපාලනයට ගැලපෙන්නේ නැහැ. එනිසා ඔබට කරපු දේවල් වලට ස්වබාවයෙන් දඩුවම් ලැබේවී. ඔබ ලංකාවෙන් යන්න .ඔබව බාරගන්න ලෝකයේ කොච්චර රටවල් බලන් ඉන්නවද? එවැනි රටකට ගොස් සතුටින් ජිවත් වෙන්න. (නි)

:       0       0

ජෙෆ් Tuesday, 21 May 2013 06:30 PM

කෝලිත ඔබගේ අදහසට මමද එකග වෙමි. මගේ අදහස : කලින් තිබුන ආණ්ඩු පාලකයන්ගේත්, හමුදා පාලකයන්ගේත් අඩුපාඩු හා සම්පත් හිගකම් තියන්න ඇති. යුද්ධය දිනන්න ඔබගේ දායකත්වය වගේම අනිකුත් හමුදාවලත්, පොලිසියේත්, සිවිල් බලකාවලත්, එහි හිටපු නායකයන්ගේත්, පොදු ජනතාවගේත්, ආගමික නායකයන්ගේත් සහය තිබුන බව අමතක කර කතා කරන්න එපා. එම සියලු සම්පත් එකතු කර එක තැනක තබන්නට ආරක්ෂක ලේකම් තුමා දුන් දායකත්වය අමතකද? ජාතියන්තර බලපෑම් හමුවේ රටේ නායකයා ගත් එඩිතර තිරණය අපට අමතක නැහැ.එදා ඔබට ගැරහුව දේශපාලකයන්ට ගොඩ එන්නට මගක් නැතිව සිටින විට ඔබව ඉත්තකු හැටියට පාවිච්චි කර ඔබගේ ප්‍රතිරූපය විනාශ කළා. මහත්තයෝ, මෙතරම් ලොකු යුද ජයක් ලබන්නට ලොකු මනසක් තිබුන ඔබට ප්‍රෝඩකර කපටි දේශපාලකයින්ගෙන් ගැලවෙන්ට බැරි වුණා. (නි)

:       0       0

අනුර Tuesday, 21 May 2013 10:22 AM

මම මේ කියන්නේ ගොන් තර්ක දාන අයටයි. පාසැලක විභාගයක ප්‍රතිඵල හොදවෙන්නේ උගන්නපු ගුරුවරු හොද නිසා මිසක් විදුහල්පතිවරයා හොද වුනාට නෙමෙයි.(නදී)

:       0       0

අරුණ Sunday, 19 May 2013 09:40 PM

සරත් මහත්තයා නැත්නම් මේ සටන තාම දුවනවා. අපි ලාංකිකයෝ විදිහට මෙතුමාව අගය කල යුතුයි.(නදී)

:       0       0

වාසනා Thursday, 30 May 2013 12:35 PM

ඔබතුමා විශිෂ්ටයි (දී)

:       0       0

සමීර සාලින්ද Saturday, 01 June 2013 11:08 AM

අපිට අපි ගැන කලකිරෙනවා දාලා තියෙන අදහස් දැක්කම. සිංහලය මෝඩයා, කියන්නේ නිකන්ද? (නි)

:       0       0

සංජීව Thursday, 23 May 2013 02:29 PM

ඔබට අපි සැමදා ගරුකරමු. නමුත් සියලු ජයග්‍රහණ ඔබ නිසා පමණක් ලැබුණා නොවේ. තව විශාල පිරිසක් මෙම ජයග්‍රහණ වලට උරුමකම් කියන බව ඔබ අමතක කිරීම ගැන කණගාටු වෙමි. (නි)

:       0       0

නලින් Thursday, 30 May 2013 05:05 PM

යුද්ධයට සාර්ථක එහෙත් දේශපාලනයට අසාර්ථක ජෙනරාල් ඔබයි (නි)

:       0       0

ඩීජේ Tuesday, 21 May 2013 07:46 PM

ඔබ දුන් නායකත්වය අපි හැමදාම පිලි ගන්නවා. ඒ වගේම ඔබ ලෝකයේ හොදම හමුදාපති විදියටත් පිලිගන්නවා. ඒ වගේම ඔබගේ උපක්‍රම නිවැරදි බවත් පිලිගන්නවා.නමුත් ඔබතුමාව හමුදාපති කළේ ජනාධිපති සහ ආරක්ෂක ලේකම්තුමායි. නැත්නම් ඔබතුමාත් විශ්‍රාම ගිහින් ගොඩක් කල්. ඒක නිසා ඒ කලගුණ සලකන්න. ඔබ වගේම අපේ ගුවන් හමුදාව , නාවික හමුදාව, ඇතුළු හැමෝම එකම බලාපොරොත්තුවකින් තමා සටන් කළේ. එක මේ ලංකාවේ හැමෝම දන්නවා. මම නම් කියන්නේ ආණ්ඩුවේ ඉන්න අයත් මේක දැනගන්ඩ ඕනෑ.මෙතුමාට අපහාස කරන්න හොද නැහැ. ඒ වගේම මෙතුමාත් නිවැරදිව කට අරින්න ඕනෑ. එතකොට තම අපිට මේ ජයග්‍රහණය වැඩිය වැදගත් වෙන්නේ. (නි)

:       0       0

භාගී Tuesday, 21 May 2013 07:51 PM

ඔක්කොම කලේ ඔබ නම් මානව හිමිකම් කඩ කලෙත් ඔඹම කියලා කියන්නකෝ.(නදී)

:       0       0

වරුණ Monday, 27 May 2013 08:29 PM

ඔබ තමයි යුද්ධයේ නියම නායකයා.(නදී)

:       0       0

රොෂාන් Friday, 24 May 2013 12:06 PM

එතකොට නේවි ගුවන් භටයන් යුද්ධ කලේම නැද්ද මහත්තයෝ? අපිත් යුද්ධ කාලේ අවදියෙන් හිටියේ. හැමෝම යුද්ධයට උපරිමය සහයෝගය දුන්නා කියන්න. (නි)

:       0       0

මනෝජ් Wednesday, 22 May 2013 09:06 AM

ලංකාවේ ඉන්නේ අමුතුම් මිනිස්සු. දේශපාලකයෝ ඔක්කොම ජරාවලු. වෙන කෙනෙක් ආවම දේශපාලනයට ගෙලපෙන්නේ නැහැලු. එතකොට මේ රට හැමදාම මෙහෙමද? මේක වෙනස් කරන්න ඕනෑ නැද්ද? රටට ණය නැති ඔබතුමාට ජය වේවා! (නි)

:       0       0

කමල් Tuesday, 21 May 2013 03:39 PM

අනුර මොනවාද ගොන් තර්ක කියන්නේ, පාඨකයන්ට තමන් ගේ මතය දැරීමට අයිතිය තිබිය යුතුයි. ඔබේ තර්කය ගොන් තර්කයක් වුවද, නොවුවද ඔබටද ඉඩ තිබිය යුතුයි.(නදී)

:       0       0

ඉන්දික මනෝජ් Wednesday, 22 May 2013 09:13 AM

ඔබතුම මේ රටේ දේශපාලනයට විතරක් නෙමේ කිසිම දෙයකට ගැලපෙන්නේ නැහැ. මොකද මෙරටේ ඉන්න ගොඩක් කුහක මිනිස්සු. දැන් කාටවත් එදා යුද්ධ කරපු අයව මතක නැහැ. ඔක්කොම කරලා තියෙන්නේ දේශපාලකයෝ. බොරුවට සල්ලි නාස්ති කරනවා. අත පය නැති වුණ සොල්දාදුවන්ට සහන සලසන්නේ නැහැ. ගෙවල් හදලා දෙනවා කියලා තියන මිනිස්සුන්ටම දෙනවා. (නි)

:       0       0

ජෙෆ් Tuesday, 21 May 2013 08:09 PM

කමල්, ඔබගේ මුල් වැකි තුනම හරි. තුන්වැනි වැකියේ ඇති දේ සිදු වන්නට සැලැස්සුවේ දේශපාලකයින්ම නේද? මෙතරම් බුද්ධියක් තිබෙන මෙතුමා විහින් කරගත් දෙයක් මෙය. (නි)

:       0       0

උපාලි Tuesday, 28 May 2013 07:28 AM

කලගුණ නැති දේශපාලනය නොකර සිටියා නම් ඔබත් රජෙක් තමයි. (නි)

:       0       0

සමන් පෙරේරා - සෞදි Thursday, 30 May 2013 05:49 PM

ඔබතුමා මෙච්චර නැහුනේ කට නිසා. දැන්වත් කට පියාගෙන ඉන්න. නම්බු කර විදියට හමුදාවෙන් පැන්ෂන් ගියානම් අදටත් ඔබේ වටිනාකම කියලා නිම කරන්න පුළුවන් කමක් නැහැ (නි)

:       0       0

උදය Tuesday, 21 May 2013 08:16 PM

මහින්ද මහත්තයා ජනාධිපති නොවුනානම් මෙයා විශ්‍රාම යන්නේ පරාජිත නිලදාරියෙක් විදිහට. ඔය අනිත් අයගේ අවදානය ගන්න වෙන්නේ එහෙ මෙහෙ වටේ ගිහින් යුද්ද කරපු හැටි කියලා විතරයි. මොකද බෑනව එලියට ගන්නේ නැත්තේ?(නදී)

:       0       0

රූපා Tuesday, 28 May 2013 07:37 AM

එදා අලිමන්කඩට වැඩිය ඔබට රවී කරුණානායකගේ පාමන්කඩ හොද උනා.(නදී)

:       0       0

නිදහස් Thursday, 30 May 2013 01:35 PM

මෙහි පලවන ඇතැම් අදහස් දැක්කම පේනවා අපේ මිනිසු තමුන්ගේ මනස දේශපාලනයෙන් හා පුද්ගලවාදයෙන් කොයි තරම් කුරුවල් කර ගෙනද කියලා. (නි)

:       0       0

ඔබේ අදහස් එවන්න

විශේෂාංග

ජනපතිවරණය කල්තැබීමේ නූල් සූත්තර
2024 ජුලි මස 13 129 1

ජනාධිපතිවරයාගේ නිල කාලය වසර හයකැයි ප්‍රකාශයට පත් කරන ලෙසද එතෙක් ජනාධිපතිවරණය පැවැත්වීම කල්දමන ලෙස ද ඉල්ලා මොරටුවේ පදිංචිකරුවකු වූ චමින්ද ලේනව නමැති


පැනියාවලින් රටට දුන් අගනා ආදර්ශය
2024 ජුලි මස 13 146 0

අගය කළ යුතු දෙය අගය කළ යුතුමය. මේ ඒ වෙනුවෙන් ලියැවෙන්නකි. වළල්ලාවිට ප්‍රාදේශීය ලේකම් කොට්ඨාසයේ අති දුෂ්කර ප්‍රදේශයක් වන පාරේගම, පැනියාවල ජනපදයේ ජනයා ර


රජිව්ගේ පරිප්පු මෙහෙයුම
2024 ජුලි මස 12 460 1

එක්දහස් නවසිය අසූහතේ වසර එළඹුණේ ශ්‍රී ලංකාවට දුෂ්කර කාල පරිච්ඡේදයක් උදා කරමිනි. උතුරේ ත්‍රස්තවාදී සංවිධාන තම ප්‍රහාර උච්ච කර තිබූ අතර උතුරේ ත්‍රස්තව


ජනපති අපේක්ෂක අභියෝග
2024 ජුලි මස 12 160 0

මේ රටේ පුරවැසි අප ගත කරමින් සිටින්නේ රටේ දේශපාලනයේ තීරණාත්මක කාලයක්ය. මීළඟ ජනාධිපතිවරණයේ දින වකවානු ප්‍රකාශයට පත් කිරීමේ කාලය ආරම්භ වෙමින් පවතී. ලබන 17


දුම්රිය වැඩ වර්ජනය ජාතික ඇසකින් බලමු
2024 ජුලි මස 12 154 0

දුම්රිය ස්ථානාධිපති සංගමය මගින් දියත් කෙරුණු එක් දින වැඩ වර්ජනය අඛණ්ඩ වැඩ වර්ජනයක් දක්වා දිග් ගැස්සීමත් සමඟ දුම්රිය මගීහු බලවත් පීඩනයකට පත්ව සිටිති.


ආර්ථිකය වැටීමට හේතු සාධක
2024 ජුලි මස 11 119 1

ණය ප්‍රතිව්‍යුහගතකරණය සහ ණය කළමනාකරණය සම්බන්ධයෙන් කතා කිරීමට පෙර ලංකාවේ බදු සම්බන්ධයෙන් අවධානය යොමු කළ යුත්තේ ජනතාවට මේ අවස්ථාවේ ඇති බරපතළ ප්‍රශ්නය


මේවාටත් කැමතිවනු ඇති

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 902 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1785 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 3744 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

Our Group Site