කතුවැකිය

ජාතික ආරක්ෂාවේ සූදානම නිරන්තරයෙන් අවශ්‍යයි

ජාතික ආරක්ෂාව සම්බන්ධයෙන් අවධානයෙන් සිටීමේ වැදගත්කම අවධාරණය කෙරෙන සිද්ධියක් පසුගිය දින කිහිපය පුරාම අප පුවත්පත වාර්තා කළේ ය. එම සිදුවීම නම්, ඉන්දියාවේ අහමදාබාද් ජාත්‍යන්තර ගුවන් තොටුපොළේදී ශ්‍රී ලාංකිකයන් සිවු දෙනකු අත්අඩංගුවට ගැනීම ය. ගුජරාටි පොලිස් ප්‍රධානී විකාශ් සාහේ මහතා මාධ්‍යයට ප්‍රකාශ කර තිබුණේ එම ශ්‍රී ලාංකිකයන් සිවුදෙනා අයි.එස්. ත්‍රස්තවාදී සංවිධානයට සම්බන්ධ බවත් ඔවුන් ඉන්දියාවට පැමිණ ඇත්තේ මරාගෙන මැරෙන ප්‍රහාරයකට සූදානමින් බවත් ය.

1 year ago

සියලු ලෝ සතුන්ට විමුක්තිය උදාවේවා!

උතුම් වෙසක් පුර පසළොස්වක පොහොය අදය. මෝහාන්ධකාරයේ ගිලී අනේක විද දුක්ඛ දෝමනස්සයන්ට ලක්ව සසර කතරේ අතරමංව සිටින සකල සත්වයන්ට විමුක්තියේ මග ප්‍රඥාවේ ඇසින් විවර කළ අසමසම ශාස්තෘවරයාණන්ගේ උත්පත්තිය, බුද්ධත්වය හා පරිනිර්වාණය සිහිපත් කෙරෙන අසිරිමත් වෙසක් මංගල්‍යයට අපමණ සැදැහැ සිතෙන් එක්වන බොදුනු - නොබොදුනු එකී ජනයා සමග ලංකාදීපය ද මෙසේ අත්වැල් බැඳ ගනී.

1 year ago

මහ බැංකු නිලධාරීන් මෙහෙම බෙදාගැනීම හරිද?

මෙරට පෞද්ගලික අංශයේත්, රාජ්‍ය සංස්ථා සහ ව්‍යවස්ථාපිත මණ්ඩලවලත් සේවකයන්ගේ අනාගත ආර්ථික සුරක්ෂිත බව රැක දෙන ප්‍රධානම විශ්‍රාමික පාරිතෝෂිකය වන සේවක අර්ථසාධක පොලිය ගෙවීමේදී සිදු වන විශාල අසාධාරණයක් අපගේ ලංකාදීප ප්‍රධාන පුවතකින් අනාවරණය කළෙමු.

1 year ago

ඉරාන තානාපතිට පහරදීම රටේ ප්‍රතිරූපයට හානියක්

මෙරට සිටින තානාපති ප්‍රජාව සම්බන්ධයෙන් සාමාන්‍යයෙන් අසන්නට නොලැබෙන අමුතු කතාවකට පසුගියදා මාධ්‍ය සිරස්තල වෙන්වී තිබිණි. මෙරට ඉරාන තානාපති, ආචාර්ය අලි රේසා ඩෙල්කොෂ් කොළඹ නගරයේ සාප්පු සංකීර්ණයක රථ ගාලට තම මෝටර් රථය ඇතුළු කිරීමේදී තවත් රියැදුරකු සමග ඇති වූ බහින්බස් වීමකින් පසුව පහරකෑමට ලක්වීම එම සිද්ධියයි. පහරදී ඇත්තේ කොළඹ තරුණ ව්‍යාපාරිකයකු බවත්, ඔහු සිද්ධියෙන් පසුව පලා යාමට උත්සාහ දැරූ අවස්ථාවේ තානාපතිවරයා ද අනතුරට ලක් කරනු ලැබූ බවත් සඳහන්ය.

1 year ago

රේගුවේ ආදායම් අවභාවිතාව

ශ්‍රී ලංකා රේගුව රටට ආදායම් ගෙන එන ප්‍රධානම රාජ්‍ය දෙපාර්තමේන්තුවකි. රේගුවේ මාධ්‍ය ප්‍රකාශක සීවලී අරුක්ගොඩ මහතා මේ වර්ෂය ආරම්භයේදී ප්‍රකාශ කර තිබුණේ, 2023 වර්ෂය තුළදී රුපියල් බිලියන 970ක වාර්තාගත ආදායමක් ලබා ගැනීමට රේගුව සමත් වූ බවය. එය රේගු ඉතිහාසයේ ඉහළම ආදායම් වාර්තාව බව ද සඳහන් කෙරිණි.

1 year ago

පාසල් දරුවන්ගේ උදේ ආහාරය සුළුවට නොතකමු

සකල සිරින් පිරි ශ්‍රී ලංකාවේ පාසල් සිසුන්ගෙන් ලක්ෂ 6ක පිරිසක් උදෑසන ආහාර වේල නොගෙන පාසල් පැමිණෙන බව අප පුවත්පත ඉකුත්දා වාර්තා කළේය. පාඨලී චම්පික රණවක මහතාගේ ප්‍රධානත්වයෙන් යුත් ක්‍රම සහ විධි පිළිබඳ පාර්ලිමේන්තු කාරක සභාවේදී මේ බව අනාවරණය වූ බවද එම ප්‍රවෘත්තියේ වැඩිදුරටත් සඳහන්ය.

1 year ago

ගුවන්තොටේ අසංවර වූ දේශපාලකට දඬුවම් නැද්ද?

ආණ්ඩුවේ මැති ඇමැති ධුරයක් හෙබවීම රටේ පොදු නීතියට ඉහළින් සිටීමට ලබා දෙන වරප්‍රසාදයක් වශයෙන් සලකන දේශපාලකයන් අපේ රටට අඩුවක් නැත. දේශපාලන බලයෙන් හිස උදුම්මවාගෙන කටයුතු කරන මේ මන්ත්‍රීලා ඇමැතිලා තමන්ට පමණක් නොව තමන්ගේ පවුලේ අය සම්බන්ධයෙන් වුවද නීතියට වැඩ කිරීම සලකන්නේ මදි පුංචිකමක් හැටියටය. එවිට ඔවුන්ගේ කට පමණක් නොව අතපය ද ක්‍රියාත්මක වෙයි. බලය තිබියදී මොළය නැතිව හැසිරෙන මේ සමහර දේශපාලනඥයන් ආණ්ඩුවේ ප්‍රතිරූපයට ද සිදුකරන්නේ මහත් හානියකි.

1 year ago

අනුරපුර සිද්ධියෙන් කියැවුණේ සමාජයේ සදාචාර පිරිහීමක්

“විනයෝ නාම ශාසනස්ස ආයු” යනුවෙන් බුදුපියාණෝ වදාළහ. එහි අර්ථය නම්, “ශාසනය පවතින්නේ විනය පවතින තුරු” යන්නය. මෙම අර්ථය සමාජයේ සෑම ක්ෂේත්‍රයකටම අදාළව මැනවින් ගළපාගත හැකිය. අදාළ බුදු වදන උපුටා ගනු ලැබුවේ අප පුවත්පත ඊයේ වාර්තා කළ ප්‍රධාන ප්‍රවෘත්තිය සම්බන්ධයෙනි.

1 year ago

මන්ත්‍රීන් වගකීම පැහැර හැරීම තනතුර බාල්දු කිරීමක්

පාර්ලිමේන්තුව වරින් වර රටේ ප්‍රධාන මාතෘකාවක් බවට පත්වෙයි. හොඳ සහ නරක මාතෘකා දෙවර්ගයම සම්බන්ධයෙන් පාර්ලිමේන්තුව ජනතාවගේ විමසුමට ලක්වුණත් බොහොමයක් අවස්ථාවල නරක මාතෘකා හොඳ මාතෘකා අබිබවා යාම වර්තමානයේ දී නිරතුරුව දැකිය හැකිය.

1 year ago

වරප්‍රසාද ආශාවට කෙරෙන ගැසට් සංස්කෘතියට තිත තබමු

ශ්‍රී ලංකාවේ අමාත්‍ය මණ්‍ඩලය විවිධ මට්ටමේ වාර්තා තැබීම් අතින් කැපීපෙනෙයි. එහෙත් මේ ඇතැම් වාර්තා හොඳ මට්ටමේ නොව නරක මට්ටමේ ඒවා වීම ඛේදවාචකයකි. එයින් එකක් වූයේ වරක් ශ්‍රී ලංකාවේ ඡන්දදායකයන්ගේ සංඛ්‍යාවට කිසිසේත් නොගැළපෙන අමාත්‍යවරුන් විශාල සංඛ්‍යාවකින් සමන්විත වූ අමාත්‍ය මණ්ඩලයක් තිබීමය. එසේම අති සුඛෝපභෝගී යානවාහන භාවිතය අතින් අමාත්‍යවරුන් කප් ගසා සිටීමය.

1 year ago