IMG-LOGO

සුරාසලට එරෙහි විරෝධතාවට ගැම්ම ගන්න කට්ටියක් හොරෙන් හොරෙන් බීලා ඇවිත්

(වියලු‍ව වාර්තාකරු)
තම නගරයේ ඉදිකිරීමට යෝජිත සුරාසලකට විරෝධය දැක්වීම පිණිස ජනතාව සමඟ මහ මඟට බැස සටන් පාඨ කියූ පිරිසක් විරෝධතාව පැවැත්වෙද්දීම ඒ අසල නවතා තිබූ වාහනයකට රිංගා මත්පැන් පානය කරමින් විටින් විට විරෝධතාවේ යෙදුණු බව කියවෙන පුවතකි.


කටගැස්ම අනුභව කරමින් පිරිස මත්පැන් පානය කරනු සියැසින් දුටු පිරිසක් පැවැසූ අන්දමට සිද්ධීය මෙසේය.


ඒ පළාතේ එක්තරා නගරයක ඉදිකිරීමට යෝජිත බව කියන මත්පැන් හලකට විරෝධය දක්වමින් ගරුතර සංඝරත්නයත් ගමේ තරුණ පිරිසත් එක්ව සංවිධානය කළ විරෝධතාවක් පැවති දිනයකි.
නගරයට රැස් වූ සිය ගණනක පිරිසක් යෝජිත මත්පැන්හලට විරෝධය දක්වමින් සටන් පාඨ කියමින් මහ මග දිගේ ඉදිරියට ඇදෙන්නට පටන් ගත් අතර ඊට බාල, මහලු‍, වැඩිහිටි, ගැහැනු පිරිමි ප්‍රදේශවාසීන් බොහෝ දෙනකුගෙන් ලැබුණේ ඉහළ ප්‍රතිචාරයකි.


මත්පැන් පානයේ ආදීනව දැක්වෙන විවිධ පුවරු අතින් ගත් පිරිස් මාර්ගයේ ඉදිරියට ඇදෙද්දී මත්පැන් පානය නොකරන්නන් පමණක් නොව මත්පැන් පානයේ නිරතවන්නන්ද ඊට සහාය දැක්වූවේ ගමේ වැඩකදී තමුන්ද ගම සමග එකට හිට ගන්නා බව පෙන්වමිනි.


විරෝධතාව ආරම්භ වී පැය කීපයක් ගතවෙද්දී ඊට එක්වූ වැඩිහිටි කීප දෙනකු එම ස්ථානයෙන් අතුරුදන් වී සිටිනු දුටු ගමේ තරුණ පිරිසක් ඔවුන් කොහේදැයි විමසද්දී ඔවුන්ට දැකගන්නට ලැබුණේ එම පිරිස විරෝධතාව පැවැත්වෙන ස්ථානයට මීටර් දෙතුන් සියයක් ඈතින් නවතා තිබූ වෑන් රථයක් තුළට වී සුළු කට ගැස්මක්ද අනුභව කරමින් මත්පැන් බෝතල් කීපයක් හිස් කරන අයුරකි.
විරෝධතාව පැවැත්වෙන ස්ථානයට යළි පැමිණි තරුණ පිරිස ගම්මුන් සමග එක්වී විරෝධතාව දිගටම කරගෙන යන්නට පටන් ගත්තේ කිසිවක් සිදු නොවූ පරිද්දෙනි.


මද වේලාවක් ගත වෙද්දී මත්පැන් පානයේ නිරත වූ වැඩිහිටි පිරිසද යළිත් තරුණ පිරිස හා එක්ව පෙරටත් වඩා  උද්‍යෙ‌ා්ගයෙන් මත්පැන්හලට විරෝධය දක්වමින් කෑමොර දෙන්නට පටන් ගත්තේ සටනේ සියලු‍ බර කරට ගත්තාක් මෙනි. 


මද වේලාවක් ඉවසා සිටි තරුණ පිරිසේ කීපදෙනකු එහි සිටි පුද්ගලයකු අමතා ‘මාමලගේ රෙදි ගලවගන්නේ නැතිව ගෙවල්වලට ගියානම් හොඳයි නේද’ කියද්දී ඔවුන් එකා දෙන්නා ත්‍රීවීල් රථවලට ගොඩවී එතනින් මාරුවන්නට වූවේ ගමේ කොල්ලන්ගේ කටවල්වල තරම දන්නා නිසා ලු‍.



අදහස් (0)

සුරාසලට එරෙහි විරෝධතාවට ගැම්ම ගන්න කට්ටියක් හොරෙන් හොරෙන් බීලා ඇවිත්

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 194 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 703 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1100 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site