IMG-LOGO

2025 නොවැම්බර් මස 29 වන සෙනසුරාදා


මහ රෑ පොලිසියට ලණු දී ඉල්ලන් කාලා

කරන්දෙණිය එම්. සුසිල් ප්‍රියන්ත


එක එක්කෙනාට එක එක විනෝදාංශ තිබේ. ඒ ඒ විනෝදාංශය ඒ ඒ අයගේ රුචිකත්වය අනුව සිදුවේ. මේ අයගේ මේ විනෝදාංශයනම් අපි කවර කලෙකවත් නෑසුවෙමු.
මේ ඒ අපූරු විනෝදාංශය පිළිබඳව අම්බලන්ගොඩ පොලිසියෙන් ඇසෙන කතාවකි.
බොහෝ රාත්‍රීවලදී අම්බලන්ගොඩ පොලිසියට පොලිස් හදිසි ඇමතුම් ඒකකයෙන් ඇමතුම් ලැබෙන්නේය. ඒ සිය බල ප්‍රදේශයේ සිදුව ඇතැයි කියන අපරාධ සම්බන්ධයෙනි.
අම්බලන්ගොඩ පොලිසිය බොහෝම සීරුමාරුවට ඒ ඇමතුම් ඔස්සේ දුවන්නේ කාරණා කිහිපයක්ම නිසාය.
එහෙයින් එන හදිසි පොලිස් ඇමතුමක්ම අත නෑර අම්බලන්ගොඩ පොලිසියේ නිලධාරීහු පරීක්ෂණවලට යති. ඇතැම් දිනවල පොලිස් හදිසි ඇමතුම් අංශයෙන් මේ පොලිසියට සිය බල ප්‍රදේශයේ අපරාධයක් සිදුවූ බවට තොරතුරු එන්නේ යක්කු ගස් නගින වෙලාවටය. ඒ වෙලාවට යම් අපරාධයක් ඇත්තටම සිදුව ඇතැයි සිතා අම්බලන්ගොඩ පොලිස් නිලධාරීන් සිද්ධියවූ තැනට යන්නේ පිම්මේය. එම ස්ථානයට ගොස් කෙතරම් විපරම් කර බැලු‍වත් මොනවත්ම සිදුවීමක් නැත්තේය.


දිගින් දිගටම පොලිස් හදිසි ඇමතුම් අංශයෙන් මේ ආකාරයට හදිසි ඇමතුම් පැමිණියත් බොහෝ ඒවා බොරුය. අම්බලන්ගොඩ පොලිසියට මෙය මහත් හිසරදයක්ව තිබුණේය. ඒ අනුව මේ බොරු තොරතුරු දෙන අය සොයා බැලීමට අම්බලන්ගොඩ පොලිසිය යුහුසුලුව කටයුතු කළේය. එහිදී එකම දුරකතනයකින් මේ ඇමතුම් එන බව අනාවරණය විය. එම දුරකතන අංකය හිමි දුරකතන හිමියා සොයා ගෙන අම්බලන්ගොඩ පොලිසිය ඔහුගේ නිවසට ගියේය. 
සිද්ධියක් නැතත් තමා මෙසේ රෑට රෑට 1919 අංකයට කතා කරන්නේ විනෝදයට බව ඔහු එහි ගිය පොලිස් නිලධාරීන්ට කීවේය. තමා දුන් තොරතුරට එන පොලිස් නිලධාරීන් දිහා හොරෙන් බල බලා සතුටු වන බවද හේ කීවේය. ඔහුගේ මේ සතුට දෙගුණ තෙගුණ කරන්න අම්බලන්ගොඩ පොලිසියෙන් අසත්‍ය තොරතුරු ලබාදීමේ චෝදනා මත ඔහුට නඩුවක් බලපිටිය අධිකරණයේ දැමීමට කටයුතු කරමින් සිටින්නේලු‍.



අදහස් (0)

මහ රෑ පොලිසියට ලණු දී ඉල්ලන් කාලා

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී  ලංකා ඉන්ෂුවරන්ස් ලයිෆ්, 2025  SLIM  ජාතික විකුණුම් සම්මාන රාත‍්‍රියේදී  (SLIM National Sales Awards) සම්මානයන්ගෙන් පිදුම් ලබයි. 2025 නොවැම්බර් මස 21 196 1
ශ‍්‍රී ලංකා ඉන්ෂුවරන්ස් ලයිෆ්, 2025 SLIM ජාතික විකුණුම් සම්මාන රාත‍්‍රියේදී (SLIM National Sales Awards) සම්මානයන්ගෙන් පිදුම් ලබයි.

ශ‍්‍රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ‍්‍රී ලංක

ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න. 2025 නොවැම්බර් මස 17 257 0
ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න.

දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්‍යභාරයක් නේද? හවසට වැඩ ඇරිලා ගෙදර යන ගම

නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි. 2025 නොවැම්බර් මස 04 1157 0
නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි.

2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්

Our Group Site