IMG-LOGO

2025 නොවැම්බර් මස 30 වන ඉරිදා


තේමා ගීතය මාරු වී සංවිධායකයන්ගේ රෙදි ගැලවිලා

පෝද්දල සරත් ආනන්ද ගමගේ


පසුගියදා පැවැත්වූ ජනාධිපතිවරණ ප්‍රචාරක රැලියක් ඇමතීම සඳහා ජනප්‍රිය දේශපාලන පක්ෂයක උපප්‍රධාන නායකයකු පැමිණෙන අවස්ථාවේ එම පක්ෂයේ ජනාධිපති අපේක්ෂකයා වෙනුවෙන් නිර්මාණය කළ ගීතය වෙනුවට වෙනත් අපේක්ෂකයකුගේ ගීතයක් ප්‍රචාරය වීමෙන් එම කථිකයා ඇතුළු සංවිධායකයන් අපහසුතාවට පත්වූ පුවතක් දකුණු පළාතේ ප්‍රසිද්ධ නගරයකින් වාර්තා වේ. 
එම පක්ෂයේ ආන්දෝලනාත්මක ප්‍රකාශ කරන රටේ ජනප්‍රිතම කථිකයකු සහභාගීවීමට නියමිතව තිබූ මෙම රැලිය මහත් උත්කර්ෂවත් ලෙස සංවිධානය කිරීමට සංවිධායකයන් මහත් වෙහෙසක් ගෙන තිබිණි. ඒ නිසා එහි ශබ්ද විකාශන කටයුතු පවරා තිබුණේ ද ප්‍රදේශයේ ජනප්‍රිය ශබ්ද විකාශන උපකරණ ලබාදෙන ජනප්‍රිය ආයතනයකටය.
රැලිය ආරම්භ කිරීමට කථිකයා පැමිණීමට මොහොතකට කලින් එහි සංවිධායකයකු ශබ්දවාහිනී යන්ත්‍ර ක්‍රියාකරු ළඟට පැමිණ”‍අපේ සින්දුව තියෙන්නෙ මේ පෙන් එකේ. සහෝදරය එනකොට ඒ සින්දුව දාන්න”‍ යැයි කියමින් ගීතය අඩංගු පෙන් එක ඔහුට ලබාදී ඇත. ”‍ඒ සිංදුව විතරද තියෙන්නෙ”‍ කියමින් ඔහු විමසනවිට ‘‘ඔව්! ඔව්! ඒක තමයි තියෙන්නෙ”‍ කියමින් සංවිධායක එතැනින් ඉවත්වී ඇත.


ඊට මොහොතකට පසු කථිකයා පැමිණ ඇත. ඒ සමගම ගීතය වාදනය වීම නිසා ගීතයට ගරු කිරීමට සියලු‍ දෙනා නැගී සිට ඇති අතර වාදනය වී ඇත්තේ විරුද්ධ අපේක්ෂකයාගේ ජනප්‍රිය ගීතයයි. එම සිදුවීමෙන් සියලු‍ දෙනාම තුෂ්නිම්භූතවී ඇති අතර සංවිධායකයෙකු පැමිණ ශබ්ද විකාශනකරුට බැණ වැදී ගීතය නතර කර ඇත.
පසුව ගීතය නොමැතිව රැස්වීම පවත්වා ඇත. සංවිධායකයන් ශබ්ද විකාශනකරුට දෝෂාරෝපණය කළද ඔහුට අවසන් මොහොතේ පෙන් එක ලබාදීම නිසා කලින් වාදනය කර ගීතය තෝරා ගැනීමට නොහැකිවී ඇති බව තහවුරු වී ඇත.
එම ප්‍රදේශය, එම පක්ෂය හා කථිකයාගේ නම කියමින්  ‘කොහොම ද රැස්වීම’ කියා එම පක්ෂයේ ක්‍රියාකාරීන්ගෙන් විමසන විට මව්පියන් සිහිකරන ද බවද තතු දන්නෝ පවසති.

 



අදහස් (0)

තේමා ගීතය මාරු වී සංවිධායකයන්ගේ රෙදි ගැලවිලා

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී  ලංකා ඉන්ෂුවරන්ස් ලයිෆ්, 2025  SLIM  ජාතික විකුණුම් සම්මාන රාත‍්‍රියේදී  (SLIM National Sales Awards) සම්මානයන්ගෙන් පිදුම් ලබයි. 2025 නොවැම්බර් මස 21 214 1
ශ‍්‍රී ලංකා ඉන්ෂුවරන්ස් ලයිෆ්, 2025 SLIM ජාතික විකුණුම් සම්මාන රාත‍්‍රියේදී (SLIM National Sales Awards) සම්මානයන්ගෙන් පිදුම් ලබයි.

ශ‍්‍රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ‍්‍රී ලංක

ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න. 2025 නොවැම්බර් මස 17 266 0
ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න.

දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්‍යභාරයක් නේද? හවසට වැඩ ඇරිලා ගෙදර යන ගම

නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි. 2025 නොවැම්බර් මස 04 1178 0
නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි.

2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්

Our Group Site