IMG-LOGO

2025 නොවැම්බර් මස 30 වන ඉරිදා


අඩුවට පොල් කඩා බඩට ගහලා

බෙන්තොට ජේ. ඉඳුරුවගේ


පොල් කැඩීම සඳහා එක් ගසකට පියා අයකරන කුලියට වඩා අඩු කුලියකට පුතා පොල් කඩන්නට වීමෙන් වසර ගාණක් තිස්සේ පියාට හිමිව තිබූ පොල් මුරයක් පමණක් නොව පියාගේ රැකියාව ද අහිමිවෙමින් තිබීමේ සිද්ධියක් බෙන්තොටට නුදුරු වෙරළබඩ ගම්මානයකින් අසන්නට ලැබිණි.
පියා ගමේ පළපුරුදු පොල් කැඩුම්කරුවෙකි. ගමේ සියලු‍ දෙනා පොල් කඩවා ගන්නේ ඔහු ලවා ය.
පුතා ද එම රස්සාව පුරුදුව සිටියත් පියා එයට කැමැත්තක් දැක්වූයේ නැත. එනිසා පියා තමා දන්නා හඳුනන මහත්මයෙකුගේ කාර්මික ආයතනයක පුතාට සුළු රැකියාවක් සොයා දුන්නේය. එහෙත් නාස්තිකාරයෙකු වූ පුතා රැකියාවෙන් ලැබෙන මුදලින් කීයක්වත් නිවසට නොදුන්නා පමණක් නොව පියාගෙන් ද සල්ලි ඉල්ලා කරදර කරන්නෙක් විය.
මාස කීපයක් පමණක් කාර්මික ආයතනයේ සේවය කළ පුතා පඩි මදියැයි කියමින් එයින් ඉවත් විය. ඉන්පසු මාස කීපයක්ම රැකියා විරහිතව සිටි පුතා පියාට හොරෙන් සුළු වශයෙන් පොල් කැඩීමේ රස්සාව පටන් ගත්තේ තමන්ගේ වියදම් සොයා ගැනීමට මගක් වශයෙනි.
දිනක් පියා වසර ගණනාවක් තිස්සේ ඔහු විසින් පොල් මුරය ලබාගත් ගස් 50 ක් පමණ ඇති ගෙවත්තක නියමිත දින පොල් කැඩීමට ගොස් වතු හිමියාට ඒ බව දැන්වීය.
වතු හිමියා අන්දුන් කුන්දුන් වූයේ පියා අසනීප නිසා පියා කිව්වා කියා පුතා ඊට පෙර දින එම ගෙවත්තේ පොල් කඩා දී තිබූ බැවිණි.
වතු හිමියා ඒ බව පියාට පැවසූ විට පියාද පුතාගේ හැටි දන්නා නිසා කිසිවක් නොකියා අසා සිටියේය.


‘‘හා කමක් නෑ මහත්තයා එහෙනම් ඊළඟ මුරේට මං එන්නම්’’ කියා පියා ආපසු හැරෙද්දී...  ‘‘නෑ නෑ දිගටම පොල් මුරේට පුතාවම එවන්නකෝ, ඌ වඩා ඉක්මනින් පොල් ටික කඩල දානවා විතරක් නෙවෙයි පොල් කඩන්න ගහකට ගන්න ගානත් අඩුයි’’ යැයි පැවසීය.
පුතා පොල් ගහක පොල් කැඩීමේ කුලිය ලෙස ලබාගෙන තිබුණේ පියා අය කළ ගාස්තුවෙන් බාගයක් බවද හෙළි විය.
‘‘හොඳයි මහත්තයා’’ කියමින් පියා ද එය අනුමත කර එහෙනම් ඌටම කියල පොල් කඩා ගන්න යැයි කියමින් අවුරුදු ගණනක් හිමිකම් කියූ පොල් මුරය අහිමිව දුකෙන් ආපසු හැරුණේ ය.
කෙසේ හෝ දැන් පුතා පියා අයකරන ගානට අඩුවෙන් පොල් කඩන නිසා පුතාට ඉල්ලු‍ම වැඩිවීමෙන් පියාට රැකියාව ද අහිමි වෙමින් පවතී.



අදහස් (0)

අඩුවට පොල් කඩා බඩට ගහලා

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී  ලංකා ඉන්ෂුවරන්ස් ලයිෆ්, 2025  SLIM  ජාතික විකුණුම් සම්මාන රාත‍්‍රියේදී  (SLIM National Sales Awards) සම්මානයන්ගෙන් පිදුම් ලබයි. 2025 නොවැම්බර් මස 21 208 1
ශ‍්‍රී ලංකා ඉන්ෂුවරන්ස් ලයිෆ්, 2025 SLIM ජාතික විකුණුම් සම්මාන රාත‍්‍රියේදී (SLIM National Sales Awards) සම්මානයන්ගෙන් පිදුම් ලබයි.

ශ‍්‍රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ‍්‍රී ලංක

ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න. 2025 නොවැම්බර් මස 17 263 0
ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න.

දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්‍යභාරයක් නේද? හවසට වැඩ ඇරිලා ගෙදර යන ගම

නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි. 2025 නොවැම්බර් මස 04 1171 0
නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි.

2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්

Our Group Site