කාර්යබහුල ජීවන රටාවත්, පෝෂ්යදායී ආහාර නොගෙන පිටි, තෙල්, සීනි,ලුණු අධික ක්ෂණික ආහාර රටාවට හුරු වීම නිසා අද ගොඩක් දෙනා තරබාරු, ස්ථුලතාවෙන් පීඩා විඳිති. මෙය ස්ත්රී පුරුෂ දෙපාර්ශවයටම පොදු ප්රශ්නයක් වන අතර කෙට්ටු වීම සඳහාද නොයෙක් ක්රම අත්හදා බලති. ඒ අතර ආහාර පාලනයේදී අනුගමනය කරන වැරැදි පියවර ගැන සඳහනක් නොකරම බැරිය. බර අඩු කර ගැනීමට බොහෝ දෙනා කෑම වේල් මඟ හැරීම, පැය ගණන් එක දිගට ආහාර නොගෙන සිටීම වැනි දෑ අද වනවිට ජනප්රිය පුරුදු බවට පත්ව ඇත.
නොකා, නොබී කෙට්ටු වෙන්න පුළුවන්ද?
පැය ගණනක් යනතුරු කිසිවක් ආහාරයට නොගෙන සිටීම හිතකර ක්රියාවලියක් නොවේ. දිගු වේලාවක් නිරාහාරව සිටීමෙන් ආමාශයේ හට ගැණෙන ගැස්ට්රික් යුෂ ඔබව තවත් පීඩාවට පමුණුවයි. ශරීර බර අඩු කර ගත යුත්තේ නිරාහාරව හිඳ නොව ගන්නා ආහාර ප්රමාණය අඩු කිරීමෙනි. එයද එකවර සිදු නොකළ යුතු අතර පියවරෙන් පියවර අඩු කිරීම හොඳය.
වතුර පානය කිරීමේ රහස
ඔබට මෙය නුපුරුදු අත්දැකීමක් නොවේ. බඩ පුරවා ගැනීමට අවශ්ය නම් ආහාර අනුභවයට පෙර ඔබ හොඳින් වතුර වීදුරුවක් පානය කරන්න. එවිට බඩ පිරී ඇති බවක් දැණෙන නිසා ආහාර ගන්නා ප්රමාණය අඩු කළ හැකිය.
හාමතේ හිඳ තුන් ගුණයකින් කෑම ගැනීම
ශරීර බර අඩු කිරීමට පැය ගණන් දුක් විඳ නිරාහාරව සිට ඉන්පසු ආහාර නොගෙන සිටි පැය ගණනටත් එක්කම කෑම ගන්නවානම් එහි අවාසියත් ඔබටමයි. නිරාහාරව සිටිද්දී වැඩි කෑම ප්රමාණයක් ආහාරයට ගත හැකි වීම ඔබට අවාසියක් මිස වාසියක් නම් නොවෙයි.
අහිතකර ආහාර මොනවාද?
ඔබ ස්ථුල අයකු නම් පිටි සහිත බේකරි නිෂ්පාදන, තෙල්-සීනි-ලුණු අඩංගු ක්ෂණික ආහාර නිතිපතා භාවිතය නම් සුදුසුම නැත. කෙට්ටු වීම කෙසේ වෙතත් ඉහත ආහාර ලැයිස්තුව හෘදයාබාධ, අධි රුධිර පීඩනය වැනි බෝ නොවන රෝගවලට ඔබ ගොදුරු කරවනු ඇත.
ඔබේ කෑම පිඟාන
ඔබ ආහාරයට ගන්නා බත් ප්රමාණය ක්රමයෙන් අඩු කරන්න. සරලව කියනවා නම් බත් අඩුවෙන් ආහාරයට ගෙන එළවළු, පළා වර්ග වැඩිපුර සහ මස්,මාළු යනාදියද යම් ප්රමාණයකින් එකතු කර ගැනීම සුදුසුය.
කෙට්ටු වෙන්න පියවරෙන් පියවර
පෝෂ්යදායී සමබල ආහාර වේලක් ගන්න.
අහිතකර ආහාර ඉවතලා හිතකර ආහාරවලට යොමු වන්න.
ඉහතින් දැක්වූ පරිදි නිවැරැදි ආහාර පාලන ක්රමයකට හුරු වීම සුදුසුය.
හොඳින් ජලය පානය කරන්න.
දිනකට විනාඩි 20ක්වත් ව්යායාමයක නිරත වීම අමතක නොකළ යුතුය.
තමන්ගේ සිත සැමවිටම සතුටින් තබා ගන්න. මන්ද මනසේ සුවපත්භාවයද මෙයට ප්රධාන වන බැවිනි.
ආහාරවලින් පමණක් ශරීර බර අඩු කළ නොහැකිය. ඒ සඳහා ක්රමවත් ව්යායාම් ක්රම, අපේ සිතුවිලිවල ධනාත්මකභාවයද එකතු විය යුතු අතර ඒවා සියල්ල සපිරුණු විටෙකදී පහසුවෙන්ම අපේ ඉලක්ක වෙත ළඟා වීමට හැකිවනු ඇත.
-සටහන- මාධවී ධර්මරත්න
ටීනියා දිලීර ආසාදනය රට පුරා වේගයෙන් ව්යාප්තවෙමින් තිබෙනවා. හිතුමතේ ඔසුහල්වලින් ඖෂධ වර්ග රැගෙන ආලේප කිරීමට වැඩිදෙනා පුරුදුවීම හේතුවෙන් ටීනියා මර්ද
පිළිකා රෝගය කලින් කඳුනා ගනීමෙන් නිට්ටාවටම වුව සුව කරගත හැකි රෝගයකි.. එහෙත් නොසැලකිලිමත්කමෙන් හෝ නොදැනුවත්බවින් සිටියහොත් එසේ සුව කරගත හැකි අවස්ථා මග
පුද්ගලයකු කායිකව හෝ මානසිකව රෝගී වූ විට හොඳම විසඳුම නිසි ප්රතිකාරයක් සඳහා යොමුවීමයි. එහෙත් ඖෂධ ප්රතිකාර ගත් පමණින්ම රෝගයක් සුවවෙන්නෙ නැහැ. ඒ සඳහා තව
මෙරට ලාඳුරු රෝගීන් සොයාගැනීම ඉහළ ගොස් තිබේ. පසුගිය වසරේ ලාඳුරු රෝගින් 1500කට අධික සංඛ්යාවක් අලුතින් වාර්තා වී තිබෙන අතර එයින් 173 දෙනෙකු පාසල් දරුවන් ය.
අලුත උපන් බිළිඳාගේ පූර්ණ පෝෂණයට අවශ්යය වන එකම ආහාර වේල වන්නේ මව්කිරි ය. එම නිසා දරුවාගේ වැඩීමට, බුද්ධිවර්ධනයට හා ප්රතිශක්තිකරණය සඳහා මුල් මාස හය නිව
පසුගිය කාලයේ පැතිර ගිය ඔමික්රෝන් රෝගයේ ම අනු ප්රභේදයක් වන න්භග 1 ප්රභේදය මේ වනවිට ලෝකය පුරාම ඉතා ශීඝ්රයෙන් පැතිර යමින් තිබේ. එම රෝගය මෙරටටත් පැමිණ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
කෙට්ටු වීමේ කෙටිම ක්රමය