IMG-LOGO

2024 අප්‍රේල් මස 12 වන සිකුරාදා


ලාදුරුවලින් බේරෙන්නෙ මෙහෙමයි

මෙරට ලාඳුරු රෝගීන් සොයාගැනීම ඉහළ ගොස් තිබේ. පසුගිය වසරේ ලාඳුරු රෝගින් 1500කට අධික සංඛ්‍යාවක් අලුතින් වාර්තා වී තිබෙන අතර එයින් 173 දෙනෙකු පාසල් දරුවන් ය. 

ලාදුරු මෙහෙම රෝගයක් 

ලාදුරු යනු මයික්‍රොබැක්ටීරියම් ලෙප්රෙ නැමති බැක්ටීරියාවකින් බෝවන පර්යන්ත ස්නායු පද්ධතියටම හානි සිදු කරන රෝගයකි. මෙම රෝගය බෝවන්නේ රෝගය බෝ කළ හැකි මට්ටමේ සිටින පුද්ගලයෙකුගේ කෙළ හෝ සෙම බිඳිති වෙනත් පුද්ගලයකුගේ ශ්වසන පද්ධතියට ඇතුළුවීමෙනි. 

ලාදුරු කොටස් 2 ක් 

ලාදුරු රෝගය බෝවන සහ බෝ නොවන ලෙස කොටස් දෙකක් තිබේ. කුමන වර්ගය වැලඳුනත් නොකඩවා නිසි ප්‍රතිකාර ගැනීමෙන් නිට්ටාවට සුව කළ හැකි ය. එමෙන්ම නිසි ප්‍රතිකාර ගන්නා රෝගියෙකුගෙන් වෙනත් අයට බෝවන්නේද නැත. ලාදුරු යනු ජානගත එනම්, පරම්පරාවෙන් පැවතෙන රෝගයක්ද නොවේ. 

රෝග ලක්ෂණ 

යම් පුද්ගලයෙකුගෙන් ලාදුරු රෝග ලක්ෂණ මතුවන්නේ එම බැක්ටීරියාව සිරුර තුළ වසර 3 - 5 ක පමණ කාලයක් පැවතීමෙන් අනතුරුවය. සමහරවිට එය වසර 20 ක් තරම් දිගු කාලයක් වුවද විය හැකිය. බැක්ටීරියාව සිරුරට ඇතුළුවූවන්ගෙන් රෝගය මතුවන්නේ 10% ක් තරම් පිරිසකටය. අනෙක් 90%කගේම රෝගකාරක බැක්ටීරියාව ප්‍රතිශක්තිය මගින් විනාශ කර දමයි. මෙම රෝගය ඕනෑම වයසක, ඕනෑම තරාතිරමක අයෙකුට වැලඳිය හැකිය. 

මෙහි මූලික ලක්ෂණය වන්නේ සමේ පැහැයට වඩා ළා පැහැයක් ඇති ලපයක් හෝ කිහිපයක් ඇතිවීමය. මෙම ලප කැසීමක් හෝ දැනීමක් නැත. සමහරවිට හිරි වැටුණු ස්වභාවයක් පෙන්නුම් කරයි. ලප ආසන්නයේ ඇති ස්නායුවල වේදනාවක් ඇතිවීම හෝ ගනවීමක් දැනිය හැකිය. අත්පාවල හිරි ගතිය ඇතිවන නිසා මස්පිඩු දුර්වල වේ. ඉක්මනින් සුව නොවන තුවාල ද ඇති වේ. 

මෙම ලප බොහෝවිට ඇතිවන්නේ මුහුණ, අත් පිටුපස, පාද හෝ පිට පෙදෙසේ ය. ලප මතුපිට වියළිබවක් හෝ රෝම නොවැවීමද දක්නට පුළුවන. 

ලාදුරුම බව දැනගන්නේ කෙහොමද? 

ලාදුරු රෝගය හඳුනා ගැනීමට රුධිර පරීක්‍ෂණ නැත. මූලික්වම හඳුනාගන්නේ සංවිදානයක් නැති ලප කැලැල් සහ හිරි තිය පරීක්‍ෂා කිරීමෙනි. එහෙත් අවශ්‍ය විටෙක පමණක් ලාදුරු දැයි සොයා ගැනීමට රෝගියාගේ ලප ගැටිතිවලින් ලබාගන්නා සාම්පලවල රෝගකාරක බැක්ටීරියාව ඇත්දැයි රසායනාගාර පරීක්‍ෂණයක් සිදු කරයි. 

දරුවන් අතර වැඩිවෙලාද? 

ලාදුරු රෝගය වැලඳී ඇතැයි සොයාගෙන ඇති දරුවන්ගෙන් වැඩි ප්‍රතිශතය අවුරුදු 10 - 12 අතර පසුවන්නන් ය. දරුවෙකුට අවුරුදු පහේදී හෝ හයේදී රෝග ලක්ෂණ මතුවීමෙන් කියැවෙන්නේ එම නිවෙස තුළ හෝ දරුවා ඇසුරු කරන පුද්ගලයින් අතර ලාදුරු රෝගියකු සිටිනබවය. කෙසේ වෙතත් දරුවාගේ සමේ සැක සහිත ගැටිත්තක් හෝ ලපයක් ඇත්නම් සුදුසුකම් ලත් වෛද්‍යවරයෙකුගෙන් ප්‍රතිකාර ගැනීම වඩාත් සුදුසුය. ප්‍රතිකාර ගන්නා කාලයේදී දරුවාට සාමාන්‍ය ජීවිතයක් ගත කළ හැකි අතර දිනපතා පාසල් යැවිමද ගැටලුවක් නොවේ. මෙහිදී දරුවාගේ පවුලේ ලාදුරු රෝගීන් හඳුනාගෙන ප්‍රතිකාර කිරීම වැදගත් වේ.

ප්‍රතිකාර කරන හැටි 

ලාදුරු සාර්ථකව සුවකළ හැකි ඖෂධ අපේ රටේද ඇත. ලෝක සෞඛ්‍ය සංවිධානය මගින් රෝගකාරක බැක්ටීරියාව සම්පූර්ණයෙන් ම විනාශ කළ හැකි ප්‍රතිජීවක ඖෂධ නොමිලයේ ලොව පුරා රටවල්වලට ලබාදෙයි. අපේ රටේද එම ඖෂධ භාවිත කරන අතර එමගින් මෙවනවිටත් දහස් ගණනක් රෝගීන්ට සුවය ලබා දී තිබේ. 

බෝ නොවන වර්ගයේ ලාදුරු රෝගය වැලඳුණු රෝගියෙකුට ඖෂධ වර්ග 2ක් මාස 6ක කාලයක් ලබාදෙන අතර බෝවන වර්ගයේ රෝගයට ඖෂධ වර්ග 3 ක් වසරක කාලයක් ලබාදෙයි. නොකඩවා ප්‍රතිකාර ගැනීමෙන් ස්නායු දුර්වලතාවක් රහිතව රෝගය සුව කර ගත හැකිය. 

බෝවෙන්නෙ නැති වෙන්නෙ කොහොමද?

ලාදුරු රෝගයට නිසි ප්‍රතිකාර ගන්නා රෝගයෙකුගෙන් තවත් අයෙකුට බෝවන්නේ නැත. එමෙන්ම මෙම ප්‍රතිකාර නිසා බරපතළ අතුරු ආබාධ ඇතිවීමද අවම මට්ටමක පවතී. සායනවලදී රුධිර පරීක්ෂණ මගින් අතුරු ආබාධ කල්තබා හඳුනා ගැනීම සහ ඊට පිළියම් යේදීම ඊට හේතුවයි. එමෙන්ම ප්‍රතිකාර ලබාගන්නා අවදියේ දී සාමාන්‍ය ජීවිතයක් ගත කිරීමට ද පුළුවන. 

ගැබිනි මවක් පරෙස්සම් වෙන හැටි 

ගර්භිණී මවකගෙන් කලලයට රෝගය ආසාදනය නොවේ. මවු කිරිවලින් දරුවාට රෝගය බෝ වන්නේද නැත. ගැබිනි මවුවරුන්ට හා කිරිදෙන සමයේ දී පවා ප්‍රතිකාර ලබාගැනීම ගැටලුවක් නැත. 

බෝවෙන්න පුළුවන්ද? 

නිස් ප්‍රතිකාර නොගන්නා රෝගියකු සතියකට අවම වශයෙන් පැය 20ක්වත් මාස තුන හතරකවත් සමීප ඇසුරක් නිසා ලාදුරු විසබීජය ශරීරගත වේ. ලාදුරු රෝගියකු සම මිනිත්තු 15-20ක් පමණ සමීපව කතාබහ කිරීමෙන් ලාදුරු රෝගය බෝ නොවේ. නිවෙසෙහි ලාදුරු රෝගය බෝ කළ හැකි මට්ටමේ රෝගියකු සිටී නම් එම රෝගියාගෙන් රෝගය බෝ වීමේ අවදානම නිවෙසේ ජීවත්වන පුද්ගලයන්ට තිබේ. 

රෝගය පාලනය කරන ක්‍රමය 

ලාදුරු රෝගීන් හඳුනාගෙන ඉක්මනින් ප්‍රතිකාර සඳහා යොමු කිරිම රෝගය පාලනයට ඇති හොඳම විසඳුමයි. 

තොරතුරු සැපයීම -ලාදුරු මර්දන ව්‍යාපාරයේ වෛද්‍ය නිලධාරිනී නදීසරා සෙනෙවිරත්න 

සටහන: උදේශිකා නෙලුම්දෙනිය 

 



අදහස් (0)

ලාදුරුවලින් බේරෙන්නෙ මෙහෙමයි

ඔබේ අදහස් එවන්න

සුව දිවියට අත්වැලක්

මුලින් හැඳුනා ගැනීමෙන් පිළිකාව පරදන මග
2024 මාර්තු මස 21 393 0

පිළිකා රෝගය කලින් කඳුනා ගනීමෙන් නිට්ටාවටම වුව සුව කරගත හැකි රෝගයකි.. එහෙත් නොසැලකිලිමත්කමෙන් හෝ නොදැනුවත්බවින් සිටියහොත් එසේ සුව කරගත හැකි අවස්ථා මග


බෙහෙත්වල ගුණ නැති කරන කෑම බීම ගැන දන්නවාද?
2024 මාර්තු මස 06 1135 0

පුද්ගලයකු කායිකව හෝ මානසිකව රෝගී වූ විට හොඳම විසඳුම නිසි ප්‍රතිකාරයක් සඳහා යොමුවීමයි. එහෙත් ඖෂධ ප්‍රතිකාර ගත් පමණින්ම රෝගයක් සුවවෙන්නෙ නැහැ. ඒ සඳහා තව


ලාදුරුවලින් බේරෙන්නෙ මෙහෙමයි
2024 පෙබරවාරි මස 20 656 0

මෙරට ලාඳුරු රෝගීන් සොයාගැනීම ඉහළ ගොස් තිබේ. පසුගිය වසරේ ලාඳුරු රෝගින් 1500කට අධික සංඛ්‍යාවක් අලුතින් වාර්තා වී තිබෙන අතර එයින් 173 දෙනෙකු පාසල් දරුවන් ය.


මව රැකියාවට ගියත් මුල් මාස හය දරුවාට මව්කිරි පමණක් ලබා දෙන්නේ කොහොමද
2024 ජනවාරි මස 20 536 0

අලුත උපන් බිළිඳාගේ පූර්ණ පෝෂණයට අවශ්‍යය වන එකම ආහාර වේල වන්නේ මව්කිරි ය. එම නිසා දරුවාගේ වැඩීමට, බුද්ධිවර්ධනයට හා ප්‍රතිශක්තිකරණය සඳහා මුල් මාස හය නිව


උණ දවස් දෙකකට වඩා වැඩි නම් බෙහෙත් ගන්න
2024 ජනවාරි මස 10 534 0

පසුගිය කාලයේ පැතිර ගිය ඔමික්‍රෝන් රෝගයේ ම අනු ප්‍රභේදයක් වන න්‍භග 1 ප්‍රභේදය මේ වනවිට ලෝකය පුරාම ඉතා ශීඝ්‍රයෙන් පැතිර යමින් තිබේ. එම රෝගය මෙරටටත් පැමිණ


අධික පරිණගක භාවිතයෙක් ඇසට සිදුවන හානි
2023 දෙසැම්බර් මස 29 1075 0

මේ වනවිට පරිගණක භාවිතය ඉතා බහුල වී තිබේ. දෛනික ක‍්‍රියාකාරකම් මෙන්ම රැකියාවල කටයුත ද ඉතා පසු කරන මෙවලමක් වන පරිගණකය වැඩ පහසු කරනවා වුවත් එය පුද්ගල කායි


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 93 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 1331 0
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1290 2
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site