LANKAQR පද්ධතියට හඳුන්වා දුන් පළමු ක්ෂණික ප්‍රතිචාර (QR) පදනම් කරගත් ගෙවීමේ ඇප් සේවාව වන කොමර්ෂල් බැංකුවේ ComBank Q+ ගෙවීමේ ඇප් පහසුකම භාවිතා කරමින් මේ වනවිට 50,000 කට අධික ගනුදෙනුකරුවන් පිරිසක් එම ඩිජිටල් ගෙවීම් විසඳුමේ පහසුව සහ ආරක්ෂාව භුක්ති විදින බව එම බැංකුව නිවේදනයක් නිකුත් කරමින් කියා සිටී.

ක්‍රෙඩිට් කාඩ්පත්, ඩෙබිට් කාඩ්පත් සහ පෙරගෙවුම් කාඩ්පත් හිමියන්ට සහ වෙළෙඳුන්ට ඉතාමත් පහසු මෙන්ම කරදරයකින් තොර ගෙවීමේ විකල්පයක් ලෙසින් ComBank Q+ ගෙවීමේ ඇප් පහසුකම නිර්මාණය කර තිබේ. මෙමගින් ඔවුන්ව ඊළඟ අදියරේ ඩිජිටල් ගෙවීම් වෙත කැඳවාගෙන ගොස් තිබෙන බවද බැංකුව සඳහන් කරයි. මෙම ඇප් පහසුකම හඳුන්වාදීමෙන් පසුව කාඞ්පත් හිමියන්ට තමන් කරන මිලදීගැනීම් සඳහා ඉතාමත් සරලව සහ ආරක්ෂාකාරීව වෙළෙන්ඳාගේQR කේතය ස්කෑන් කිරීම මගින් ජංගම දුරකතනය ඔස්සේ ගෙවීමේ අවස්ථාව ලබාදී තිබේ. කොමර්ෂල් බැංකුව මෙම ඇප් පහසුකමේ වැඩිදියුණු කිරීම් ගණනාවක්ම මේ වනවිටත් සිදුකර ඇත.

ගනුදෙනුකරුවන්ට සිය ComBank Q+ ගෙවීමේ ඇප් සේවාවට ComBank Visa, Mastercard සහ UnionPay කාඩ්පත් ඇතුළත් කරමින් LankaQR, mVisa සහ Mastercard QR ගනුදෙනු සිදුකළ හැකිවේ. මේ අනුව, ComBank Q+ ගෙවීමේ ඇප් සේවාවට උපරිම වශයෙන් කාඩ්පත් 05 ක් ඇතුළත් කළ හැකි අතර LankaQR, mVisa සහ Mastercard QR ගනුදෙනු සඳහා සහාය දක්වන ලංකාවේ එකම ගෙවීමේ ඇප් සේවාව වන්නේද ComBank Q+ ඇප් සේවාවයි. එසේම, Visa සහ MasterCard ජාලයන් හරහා විදේශීය Q+ වෙළෙඳ ගනුදෙනු සඳහාද භාවිතා කිරීමට ූ ඇප් පහසුකම සහතිකකරණය ලබාගෙන ඇත.