ශ්‍රී ලංකා සහතික ලත් පරිපාලන ගණකාධිකාරී (සීඑම්ඒ ශ්‍රී ලංකා) විභාගය සඳහා මීළඟ කණ්ඩායම බඳවා ගැනීමේ ලියාපදිංචිය පසුගිය 15 වැනිදා අවසන් විය.

විභාගය මැයි මාසයේ දී පැවැත්වීමට නියමිතය.

උසස් පෙළ විභාගයේ ඕනෑම විෂය ධාරාවකින් විෂයයන් තුනක් සමත් සිසුනට මෙම විභාගයට පෙනී සිට ගණකාධිකරණ වෘත්තියට පිවිසිය හැකි බව සීඑම්ඒ ශ්‍රී ලංකා ආයතනය කියයි.

පිළිගත් වෘත්තියක් සඳහා පිවිසීමේදී සීඑම්ඒ සුදුසුකම් සපුරා තිබීම වැදගත් බවත් ව්‍යාපාරික ගණකාධිකරණ ක්ෂේත්‍රයේ ගෞරවාන්විත වෘත්තීය සුදුසුකමක් ලෙස සීඑම්ඒ වැදගත් වන බවත් එම ආයතනය පෙන්වා දෙයි. වැඩි විස්තර සඳහා 0766 375 456 (ශානිකා), 0766 047 080 (ලක්මාලි) හෝ ලේකම්, 29/24, විශාඛා පාර, කොළඹ 4 ලිපිනයෙන් ලබාගත හැක.

සීඑම්ඒ ආයතනය පසුගිය වසරේ සියලු අංශයන්ගෙන් දස්කම් දැක්වූ සිසුවාට රන් පදක්කම් පිරිනැමූ අතර සභාපති මහාචාර්ය ලක්ෂ්මන් ආර්.වටවල හා විදේශ නියෝජ්‍ය ආමාත්‍ය හර්ෂ ද සිල්වා යන මහත්වරු ඊට එක්වූහ.