ශ්‍රී ලංකාවේ නව තෙල් පිරිපහදුවක් ඉදිකිරීමට ඉන්දියා ඔයිල් සමාගම සැරසේ. මේ සඳහා ආයෝජනය කිරීමට නියමිත මුදල ඇමරිකා ඩොලර් කෝටි 360කි. (රුපියල් කෝටි 47,160) ඉන්දියා ඔයිල් සමාගම, ඉන්දියාවෙන් බැහැර රටක පිහිටුවන ප‍්‍රථම තෙල් පිරිපහදුව මෙයයි. මේ සම්බන්ධයෙන් වන මූලික විමර්ශන කටයුතු දැනටමත් සිදුකර අවසන් බව ඉන්දියා ඔයිල් සමාගමේ නිලධාරියෙක් පැවසීය. ඉදිරිවැඩකටයුතු සඳහා රජය සමඟ සාකච්ඡා අරඹා ඇතැයිද, මේ වන විට සපුගස්කන්ද තෙල් පිරිපහදුව ආසන්නයේම නව තෙල් පිරිපහදුව ඉදිකිරීමට භූමියක් වෙන්කර දීමට රජය එකඟතාව පළකර ඇතැයිද හෙතෙම කීය.