IMG-LOGO

2025 ජුලි මස 05 වන සෙනසුරාදා


ගම්මිරිස් වගාවට දරුණු රෝග දෙකක්

(මොහොමඩ් ආසික්)

ගම්මිරිස් වගාවට විශාල තර්ජනයක්ව  පවතින ඉක්මන් මැලවීමේ රෝගය සහ කඳන් විඳින කුරුමිණියාගේ හානිය නැවතත් දිවයින පුරා ගම්මිරිස් වගාවට ව්‍යාප්ත වෙමින් පවතින බව අපනයන කෘෂිකර්ම දෙපාර්තමේන්තුවේ  පර්යේෂණ මධ්‍යස්ථානය පවසයි.

එම දෙපාර්තමේන්තුවේ මධ්‍යම පර්යේෂණ මධ්‍යස්ථානයේ ශාක ව්‍යාධි විද්‍යා අංශයේ නියෝජ්‍ය අධ්‍යක්ෂ (පර්යේෂණ) රෝහණ විජේකෝන් මහතා පවසන්නේ මේ වන විටත් බදුල්ල, රත්නපුර හා මහනුවර දිස්ත්‍රික්කවල ගම්මිරිස් වගාවන් තුළ මෙම රෝග වාර්තා වන බවයි. 

එසේම ඉදිරියේදී මෙම රෝගයන් හා පලිබෝධ හානි පාලනය නොකලොත් ගම්මිරිස් වගාවට විශාල තර්ජනයක් වෙමින් දිවයින පුරා පැතිරයාමට ඉඩකඩ පවතින බවද ඒ මහතා ප්‍රකාශ කළේය.

තදවැසි කාලවලට පසුව එන වියළි කාලයේදී ගම්මිරිස් වැල්වල පත්‍ර හා පුරුක් හැලීයාම, පත්‍ර කහපැහැවීම, කහ පැහැ වූ පත්‍රමත තද කළු පැහැති පැල්ලම් දක්නට ලැබීම, රෝගය වැළඳී සති 2ක් 3ක් අතර ගම්මිරිස් වැල් මියයාම ඉක්මන් මැලවීමේ රෝගයේදී දක්නට ලැබෙන ලක්ෂණ අතර වේ.

එසේම ගම්මිරිස් වැල් වනසන කඳන් විඳින කුරුමිණියාගේ හානියද මේ වනවිට දිවයිනේ ප්‍රදේශ කිහිපයකින් වාර්තා වී තිබෙන බව විජේකෝන් මහතා සඳහන් කළේය. 

මෙහිදී ගම්මිරිස් පත්‍ර වියළීමට ලක් වුව ද එම පත්‍ර ගම්මිරිස් වැළෙන් වෙන් නොවන අතර දුරසිට බලන විට ගම්මිරිස් වැල් පිළිස්සී ඇති ආකාරයක් දක්නට ලැබේ. ගම්මිරිස් වැලේ කඳ පලා බැලුවිට කඳේ ඇතුළත සුදු පැහැති පනුවන් අභ්‍යන්තර කොටස් කා දමා ඇති ආකාරයද දක්නට ලැබෙන බව නියෝජ්‍ය අධ්‍යක්ෂවරයා සඳහන් කළේය.

මෙම රෝග පාලනය සඳහා හානියට පත් වු ගම්මිරිස් වැල්වල කොටස් කපා පුළුස්සා දැමිය යුතු බවත් ඒ සඳහා නිර්දේශිත කෘමිනාශකයක් යෙදිය යුතු බවත් රෝහණ විජේකෝන් මහතා තව දුරටත් කීය. රෝගය පාලනයට අවශ්‍ය උපදෙස් අපනයන කෘෂිකර්ම දෙපාර්තමේන්තුවේ දිස්ත්‍රික් කාර්යාලවලින් සහ සෑම බදාදා දිනකම ගොවිජන සේවා මධ්‍යස්ථානවල සිටින අපනයන කෘෂිකර්ම ව්‍යාප්ති නිලධාරී මහත්වරුන්ගෙන් නොමිලේ ලබා ගත හැකි බවත් මේ පිළිබඳ වැඩි විස්තර 066- 2222822 හෝ 0812 388651 දුරකථන අංකය අමතා ලබා ගත හැකිබවත් නියෝජ්‍ය අධ්‍යක්ෂවරයා කීය.



අදහස් (6)

ගම්මිරිස් වගාවට දරුණු රෝග දෙකක්

lalithm Friday, 14 February 2020 02:13 PM

අර ග්‍රාම නිලධාරි කාර්යාලවල ඉඳන් නිදියගන්න කෘෂි සංවර්ධන නිලධාරීන් කියන අයට බැරිද ගමේ ගම්මිරිස්, පොල්, කෙසෙල් වගේ වගාවලට ගිහින් බලලා උදව් කරන්න. මේ අය ඉන්නේ නිකම් පඩි අරන් නිදියන්නද?

:       2       230

Kumar Friday, 14 February 2020 05:08 PM

මේ ගම්මිරිස් රෝගය ආනයනය කල එක්කද? කෑගලු දිස්ත්‍රික්කයේ සෑම ඉඩමකම ගම්මිරිස් වවල තිබෙනවා. ඒවාට රෝගය සැදුනොත් ගම්මිරිස් ආනයනය කරන්න වෙනවා.

:       0       0

warasinghe Saturday, 15 February 2020 11:11 AM

පානදුර මගේ නිවසේද මෙම රෝගය තිබෙනවා

:       0       1

kamkaru Sunday, 16 February 2020 06:55 AM

රස්සාවට එන්න ඉස්සෙලා පුළුවන් තරම් යහපලානේ ගේන්න කැන්වසින් ගියා. දැන් ඒවාට හරියන්න තමයි නිකන් ඉන්නේ විවේක ගන්න.

:       1       3

Dilan Tuesday, 18 February 2020 03:04 AM

ගම්මිරිස් තිබිලා වැඩකුත් නෑ. මීට අවුරුදු පහකට කලින් රුපියල් 1300 ට තිබුණු මිළ අද රුපියල් 500 යි. වගාව නඩත්තුවටයි අස්වැන්න නෙළන්නයි යන වියදමවත් නෑ.

:       0       1

SL Wednesday, 19 February 2020 01:28 AM

යුද්දෙන් පසුව ලංකාවේ බෝග වගාවට, මිනිසුන්ට පැතිරුණු රෝග ප්‍රමාණයේ වැඩිවීමක් තියෙනවා. මේවා බලෙන් කරන දේවල් වෙන්න බැරිද ?

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 48 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 438 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 875 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site