2025 දෙසැම්බර් මස 26 වන සිකුරාදා
යොහාන් භාසුර
ඇඟලුම් කර්මාන්තයේ නියැලෙන ඉතාලි සමාගමක් වන ‘බෙන්ජි’ සමාගම සහ ශ්රී ලංකා ආයෝජන මණ්ඩලය ඩොලර් මිලියන 35 ක ව්යාපාර පුළුල් කිරීමේ ගිවිසුමක් පසුගියදා අත්සන් කළේය.
එම සමාගමේ මව් සමාගම වන ඔනිවර්ස්, දේශීය ව්යාපාරික පරිසර පද්ධතිය පිළිබඳ පුළුල් අවබෝධය සහ රට තුළ ව්යාපාර සාමාන්යකරණය කිරීම පිළිබඳ විශ්වාසය අලුත් කරගනිමින් ශ්රී ලංකාව තුළ වැඩි ආයෝජනයක් කිරීමට තීරණය කර තිබේ.
මෙම නව ප්රාග්ධන එකතු කිරීම සමඟ වැඩි ධාරිතාවක් සහ වැඩිදියුණු කළ ගුණාත්මකභාවයක් සහිත නව තාක්ෂණය මත පදනම් වූ යන්ත්ර නිෂ්පාදනය සඳහා එක්කිරීමට කටයුතු කරයි. ඒත් සමඟම ‘බෙන්ජි’ සමාගම නිෂ්පාදනයේ සියයට 35 ක වර්ධනයක් බලාපොරොත්තු වෙයි.
බෙන්ජි සමාගමේ ප්රධාන විධායක නිලධාරී සහ කළමනාකාර අධ්යක්ෂ ජෝර්ජියෝ ටොන්ට්රයෝර් මහතා පැවසුවේ නව ආයෝජන ආකර්ෂණය කර ගැනීමේදී ශ්රී ලංකාවේ මානව සම්පත් වඩාත් වැදගත්කම සාධකය බවයි. ලොව වඩාත් ප්රචලිත සමාගමක් වන ‘ඔනිවර්ස්’ සමූහයේ සියලුම සමාගම්වල වර්තමානය වන විට පුද්ගලයෝ 15,000 ක් පමණ සේවය කරති. වර්තමානය වන විට බෙන්ජි සමාගම ‘බ්රා කප්’ මිලියන 30 ක් නිෂ්පාදනය කරන අතර චීනයෙන් බ්රා කප් ආනයනය බිංදුව දක්වා අඩු කරමින් බෙන්ජි සමාගමෙන් ‘බ්රා කප්’ ඇණවුම් කිරීමට ලොව පුරා ඉල්ලුම්කරුවන් එම සමාගම වටා රොක්වෙමින් සිටී.
ඒ හේතුවෙන් මෙම ආයෝජනය විදේශ විනිමය ගලා ඒම වැඩි කරනවා පමණක් නොව ඩොලර් රටින් පිට වීම ද අඩු වන බව ශ්රී ලංකා ආයෝජන මණ්ඩලය සඳහන් කළේය.
2025 දෙසැම්බර් මස 18
528
2
ශ්රී ලංකාවේ අංක 1 සන්නිවේදන සම්පාදකයා වන ඩයලොග් ආසිආටා පීඑල්සී, මෙරට ඩිජිටල් තාක්ෂණික ගමන්මගේ සුවිශේෂී සන්ධිස්ථානයක් සනිටුහන් කරමින්, 5G යුගයක් සඳහා
2025 දෙසැම්බර් මස 16
269
0
සියපත ෆිනෑන්ස් පීඑල්සී සිය දීපව්යාප්ත ශාඛා ජාලය තවදුරටත් පුළුල් කරමින් 60 වැනි ශාඛාව කෑගල්ල දිස්ත්රික්කයට අයත් වරකාපොළ නගරයේ විවෘත කොට ඇත.
2025 දෙසැම්බර් මස 04
1068
2
’දිට්වා’ සුළි කුණාටුව හේතුවෙන් ඇති වූ ආපදා තත්ත්වය හමුවේ, රට යළි ගොඩනැගීමේ ජාතික මෙහෙවරට කඩිනමින් සහාය පළ කරමින්, HUTCH සමාගම ’Rebuild Sri Lanka’ අරමුදල වෙත රුපියල්
ඉතාලි ‘බෙන්ජි’ සමාගමෙන් ඩො.මි. 35 ක ආයෝජනයක්