IMG-LOGO

2025 අප්‍රේල් මස 19 වන සෙනසුරාදා


ආර්ථික පිම්මකට කාන්තා ශ්‍රම සහභාගිත්වය නංවන්න ඕනෑ

මෙරට ශ්‍රම බළකායට කාන්තාවන්ගේ සහභාගීත්වය ප්‍රතිශතයක් ලෙස සියයට 30 ක්
විදේශ රැකියා සඳහා රට හැර යන කාන්තාවන්ගේ ප්‍රතිශතයද ඉහළ මට්ටමක
අඩු කුසලතාවක් අවශ්‍ය වතුකර සහ ඇඟලු‍ම් කර්මාන්ත ක්ෂේත්‍රවල කාන්තා ශ්‍රම බළකා සහභාගීත්වය ඉතාමත් ඉහළ මට්ටමක
ව්‍යවසාය ආරම්භ කරන කාන්තාවන්ගේ ප්‍රතිශතය අවම මට්ටමක
කාන්තා ව්‍යවසාය නගා සිටුවීමට මුදල් අමාත්‍යංශයේ නායකත්වයෙන් ආසියානු සංවර්ධන බැංකුවේ සහය
ආර්ථික ඉදිරියට රැගෙන යාමට ක්ෂුද්‍ර කුඩා හා මධ්‍ය පරිමාණ ව්‍යවසාය ඉතාමත් වැදගත්


විමුක්ති එස් රුද්‍රිගු


ආසියානු සංවර්ධන බැංකුවේ කාන්තා ව්‍යවසායකයන් සඳහා වන මූල්‍ය මුලපිරීමේ අරමුදල් දායකත්වය යටතේ ක්‍රියාත්මක වන “වී ෆයිනෑන්ස් කෝඩ්”‍ වැඩසටහන ශ්‍රී ලංකාවේ ක්‍රියාත්මක කිරීම ඊයේ (18) කොළඹ කිංග්ස්බරි හෝටලයේදී පැවැති උත්වයකදී සිදු කෙරිණි.

මෙම වැඩසටහනට සම්බන්ධ වූ ප්‍රථම දකුණු ආසියාතික රට ශ්‍රී ලංකාව විය. කාන්තාවන් ආර්ථිකමය වශයෙන් බලගැන්වීම සහ මූල්‍ය පද්ධතියට කාන්තාවන්ට ලැබෙන ප්‍රවේශය පුළුල් කිරීම එම වැඩසටහනේ අරමුණ වූවේය.

කොළඹ කිංග්ස්බරි හෝටලයේදී පැවැති උත්සවයට ප්‍රධාන අමුත්තන් ලෙස මහ බැංකු අධිපති ආචාර්ය නන්දලාල් වීරසිංහ, මුදල් අමාත්‍යාංශ ලේකම් මහින්ද සිරිවර්ධන සහ ආසියානු සංවර්ධන බැංකුවේ මෙරට නේවාසික අධ්‍යක්ෂක ටකෆුමි කඩානෝ යන මහත්වරු සහභාගී වූහ.

එහිදී ආරම්භක දේශනය මහ බැංකු අධිපති ආචාර්ය නන්දලාල් වීරසිංහ මහතා සිදුකළ අතර එහිදී ඔහු ප්‍රකාශ කර සිටියේ ශ්‍රම බළකායට කාන්තාවන්ගේ සහභාගීත්වය ඉතාමත් අඩු බවත් මෙරට ශ්‍රම බළකායට කාන්තාවන්ගේ සහභාගීත්වය ප්‍රතිශතයක් ලෙස සියයට 30 ක් බවත්ය.

කාන්තා ශ්‍රම බළකා සහභාගීත්වය සියයට 30ක අවම මට්ටමක පැවතුණත් අඩු කුසලතාවක් අවශ්‍ය වතුකර සහ ඇඟලු‍ම් කර්මාන්ත ක්ෂේත්‍රවල කාන්තා ශ්‍රම බළකා සහභාගීත්වය ඉතාමත් ඉහළ මට්ටමක පවතින බව මහ බැංකු අධිපති ආචාර්ය නන්දලාල් වීරසිංහ මහතා ප්‍රකාශ කළේය. එසේම විදේශ රැකියා සඳහා රට හැර යන කාන්තාවන්ගේ ප්‍රතිශතයද ඉහළ මට්ටමක පවතින බව ඔහු පැවැසුවේය.

ඇතැම් කර්මාන්තවල කාන්තා ශ්‍රම බළකා සහභාගීත්වය සියයට 30 ක ප්‍රතිශතයට වඩා ඉතාමත් අවම බවත් විශේෂයෙන් ව්‍යවසාය ආරම්භ කරන කාන්තාවන්ගේ ප්‍රතිශතය අවම මට්ටමක පවතින බවත් මහ බැංකු අධිපතිවරයා පැවැසුවේය. ඒ හේතුවෙන් කාන්තා ව්‍යවසාය නගා සිටුවීම සඳහා මුදල් අමාත්‍යාංශයේ නායකත්වයෙන් ආසියානු සංවර්ධන බැංකුව ලබාදෙන මෙම සහායට ස්තුතිවන්ත වන බවද ඔහු ප්‍රකාශ කළේය.

ශ්‍රී ලංකාවේ ආර්ථික පරිවර්තනය දෙස බලන විට ශ්‍රම බළකා සහභාගීත්වය ඉහළ නංවා ගැනීමට මෙරටට ජන විකාශනයෙන් කිසිදු වාසියක් අත් නොවන බව පෙනී යන්නේ යැයි මහ බැංකු අධිපතිවරයා පැවැසුවේය. ආර්ථික වර්ධනය සහ ඵලදායීතාව ඉහළ නංවා ගැනීමට ශ්‍රම බළකා සහභාගීත්වය වැඩිකර ගැනීමට ශ්‍රී ලංකාවට කළ හැක්කේ කාන්තාවන් මෙරට ශ්‍රම බළකායට සහභාගීවීම ඉහළ නංවා ගැනීම බව ආචාර්ය නන්දලාල් වීරසිංහ මහතා ප්‍රකාශ කළේය.

ඒ සඳහා ව්‍යවසායකත්වයට සහ ආර්ථික සංවර්ධනයට කාන්තාවන් වැඩි වශයෙන් සහභාගී කරවා ගත යුතු බවද ඔහු පැවැසුවේය. කාන්තාවන්ට මෙරට මූල්‍ය පද්ධතියට ප්‍රවේශය පුළුල් කරන ප්‍රථම මුලපිරීම මෙය බවත් මෙය ජාතික වැදගත්කමක් ඇති අවස්ථාවක් බවත් මහ බැංකු අධිපතිවරයා ප්‍රකාශ කළේය. පුද්ගලයන් සහ ව්‍යාපාර බලගැන්වෙන වඩාත් තත්වයෙන් උසස් අන්තර් සබඳතා සහිත මූල්‍ය පද්ධතියක් නිර්මාණය කිරීම මහ බැංකුවේ දැක්ම බෙදාහදා ගැනීමට හැකිවීම පිළිබඳව ආඩම්බර වන බවද ඔහු පැවැසුවේය.

එමගින් මෙරට ආර්ථික වර්ධනයට මෙන්ම සංවර්ධනයට කාන්තාවන් සක්‍රීයව සම්බන්ධ කරගත හැකිබව මහ බැංකු අධිපතිවරයා ප්‍රකාශ කළේය. එසේ නොමැතිව ශ්‍රී ලංකාවට ශ්‍රම බළකා ඉලක්කය සපුරාගත නොහැකි බවද ඔහු පැවැසුවේය. ශ්‍රී ලංකාව මුහුණදෙන වත්මන් ආර්ථික අභියෝග හමුවේ මෙරට ආර්ථික ඉදිරියට රැගෙන යාම සඳහා ක්ෂුද්‍ර කුඩා හා මධ්‍ය පරිමාණ ව්‍යවසාය ඉතාමත් වැදගත් කාර්ය භාර්යයක් ඉටුකරන බව තමාගේ විශ්වාසය යැයි මහ බැංකු අධිපතිවරයා ප්‍රකාශ කළේය.

කාන්තාවන් බලගැන්වීම ආර්ථිකමය වශයෙන් පමණක් නොව උසස් සමාජයක් ගොඩ නැගීමටද දායක වන බව අධිපතිවරයා පැවැසුවේය. මූල්‍ය වෙත ප්‍රවේශය ලැබුණු විට ආර්ථික අනාගතය පාලනය කිරීමට, පවුලේ ඕනෑඑපාකම් සඳහා ආයෝජනය කිරීමට මෙන්ම ව්‍යාපාර සහ ප්‍රජාව තුළ ආයෝජනය කිරීමට කාන්තාවන්ට හැකියාව ලැබෙනු ඇතැයි ආචාර්ය වීරසිංහ මහතා පැවැසුවේය.

ආර්ථිකමය වශයෙන් කාන්තාවන් බලගැන්වීමෙන් වාසි රැසක් රටකට අත්වන බව අතීතය සාක්ෂි දරණ බවත් මෙරට කුඩා මධ්‍ය පරිමාණ ව්‍යවසායන්ගෙන් වැදගත් කොටසක් නියෝජනය කරන කාන්තා ව්‍යවසායන්ට අවශ්‍ය සහාය හිමිවිය යුතු බවද මහ බැංකු අධිපතිවරයා ප්‍රකාශ කළේය.



අදහස් (0)

ආර්ථික පිම්මකට කාන්තා ශ්‍රම සහභාගිත්වය නංවන්න ඕනෑ

ඔබේ අදහස් එවන්න

 

 
 

ව්‍යාපාරික විත්ති

රටේ සංසරණය වන මුදල් වලින් රුපියල් ට්‍රිලියනයක් බැංකු පද්ධතියට එන්නේ නැහැ
2025 අප්‍රේල් මස 11 399 0

වසරකට රට තුළ සංස්කරණය වන මුදල් වලින් අතිවිශාල ප්‍රමාණයක් බැංකු පද්ධතියට නොපැමිණෙන බවත්, එම මුදල් ආර්ථිකය වෙත ගෙන්වා ගැනීමට නම් ජනතාව ඩිජිටල් ගනුදෙනු


සූර්ය විදුලිය ජාතික පද්ධතියට නොගන්නවාට සූර්ය බලශක්ති කර්මාන්ත සංගමයේ දැඩි විරෝධය
2025 අප්‍රේල් මස 11 139 0

මෙරට සූර්ය බලශක්තිය මගින් නිපදවනු ලබන විදුලිය ඊයේ (10) සිට එළැඹෙන 21 වැනිදා දක්වා ජාතික විදුලිබල පද්ධතියට නොගැනීමට ලංකා විදුලි බල මණ්ඩලය ගෙන ඇති තීරණයට සූ


මාස 6 කට පසුව ඩොලරයේ විකුණුම් මිල රු.300 සීමාව පසුකරයි
2025 අප්‍රේල් මස 11 143 0

මාස 6 කට පසුව ප්‍රථම වතාවට ඇමෙරිකානු ඩොලරයේ විකුණුම් මිල ඊයේ (10) රුපියල් 300 සීමාව පසු කළේය. ශ්‍රී ලංකා මහ බැංකුව ඊයේ (10) නිකුත් කළ දෛනික විනිමය අනුපාතිකයට අන


වින්ඩ්ෆෝර්ස් මාලදිවයිනේ 366kWp සූර්ය බල ව්‍යාපෘතියේ වැඩ නිමකරයි
2025 අප්‍රේල් මස 11 133 0

මෙරට ප්‍රමුඛතම පුනර්ජනනීය බලශක්ති සමාගමක් වන වින්ඩ්ෆෝර්ස් පීඑල්සී සමාගම මාලදිවයිනේ කොකූන් දූපත්හිදි ආරම්භ කළ වහල මත පිහිට වූ සූර්ය බලශක්ති ව්‍යාපෘ


ජෙට්වින්ග් සමූහය රු. මි.356කට ඩ්‍රීම් බීච් රිසෝට් මිලට ගනී
2025 අප්‍රේල් මස 11 39 0

කොළඹ කොටස් හුවමාරුවේ ලැයිස්තුගත හෝටල් සමාගමක් වන The Lighthouse Hotel PLC අම්බලන්ගොඩ පිහිටි ඩ්‍රීම් බීච් රිසෝට් හෝටලයේ සියයට 100ක කොටස් හිමිකාරීත්වය අත්පත් කරගත් බව


ව්‍යාපාර විශ්වාස පහළ ගිහින්
2025 අප්‍රේල් මස 11 23 0

ආර්ථිකයේ දිගු කාලීනව ඉහළ යෑමත් පැවැතිවත් එයට සාපේක්ෂව කෙටි කාලීනව පහත යෑමක් සිදුවුණු බව ප්‍රකට ව්‍යාපාරික සඟරාවක් වන එල්එම්ඩී වාර්තා කරයි.


මේවාටත් කැමතිවනු ඇති

ඩුබායි හි පැවති ගෝලීය නොබෙල් සාම සමුළුවේදී මහාචාර්‍ය මොහාන් මුණසිංහ මහතාට ගෞරවය හිමිවේ 2025 අප්‍රේල් මස 18 164 0
ඩුබායි හි පැවති ගෝලීය නොබෙල් සාම සමුළුවේදී මහාචාර්‍ය මොහාන් මුණසිංහ මහතාට ගෞරවය හිමිවේ

2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස

ශ්‍රී ලංකාවේ ඉංජිනේරු   සහ බලශක්ති සේවා  සඳහා Hayleys Fentons  සහ Hayleys Solar  ආයතනයේ  දායකත්වය 2025 අප්‍රේල් මස 11 228 0
ශ්‍රී ලංකාවේ ඉංජිනේරු සහ බලශක්ති සේවා සඳහා Hayleys Fentons සහ Hayleys Solar ආයතනයේ දායකත්වය

හේලීස් ෆෙන්ටන්ස් ලිමිටඩ් හි කළමනාකාර අධ්‍යක්ෂක හසිත් ප්‍රේමතිලක මහතා සහ හේලීස් සෝලාහි අධ්‍යක්ෂක/ප්‍රධාන විධායක නිලධාරී රොෂේන් පෙරේරා මහතා සමඟ කතාබ

ශ‍්‍රී ලංකා ඉන්ෂුවරන්ස් ලයිෆ් 2024 වසර සඳහා රු. බිලියන 30.7 ක දැවැන්ත බදු පෙර ලාභයක් වාර්තා කරයි. 2025 අප්‍රේල් මස 10 395 0
ශ‍්‍රී ලංකා ඉන්ෂුවරන්ස් ලයිෆ් 2024 වසර සඳහා රු. බිලියන 30.7 ක දැවැන්ත බදු පෙර ලාභයක් වාර්තා කරයි.

අප්‍රේල් 01, 2025 කොළඹ දීග ශ‍්‍රී ලංකා ඉන්ෂුවරන්ස් ලයිෆ් 2024 වසර විශිෂ්ට ලෙස නිමා කළ අතර, රුපියල් බිලියන 30.7 ක බදු ගෙවීමට පෙර ලාභයක් වාර්තා කරන ලදී.

Our Group Site