ශ්රී ලංකා නාවික හමුදාවේ මැරයින් බළකායේ ගොඩබිම් හා මුහුද ආශ්රිත මෙහෙයුම් කටයුතු සඳහා රළු මාර්ගවල ගමන් කිරීමේ හැකියාව සහිත, යුද කටයුතු සඳහා භාවිත කළ හැකි ‘කොම්බැට් ඕල්ටරේන් වෙහිකල්’ (Combat All Terrain Vehicle) රථ පෙළක් දේශීය තාක්ෂණයෙන් නිෂ්පාදනය කර ශ්රී ලංකා නාවික හමුදාව වෙත බාරදීම පසුගියදා සිදු විය.
ආරම්භයේදී ශ්රී ලංකා නාවික හමුදාවේ මැරයින් බළකායේ අවශ්යතාව සඳහා මෙයින් රථ තුනක් නිෂ්පාදනය කර බාරදීම පසුගියදා සිදු විය.
ශ්රී ලංකාවේ ප්රමුඛතම වාහන නිෂ්පාදන සහ එකලස් කරන සමාගමක් වන අයිඩියල් මෝටර්ස් පෞද්ගලික සමාගම ඉන්දියාවේ මහින්ද්රා ඇන්ඩ් මහින්ද්රා සමාගමේ (Mahindra and Mahindra – India) තාක්ෂණික දායකත්වයෙන් මෙම ATV රථ දේශීයව නිෂ්පාදනය කර ඇති අතර, මේ සඳහා එන්ජිම, ගියර් පද්ධතිය සහ චැසි පද්ධතිය ඉන්දියාවේ මහින්ද්රා සමාගම මගින් ලබාගෙන ඇත.
අනිකුත් සියලුම යෙදවුම් සහ වාහන නිර්මාණය දේශීය ඉංජිනේරුවන් අතින් නිමවා සකස් කර ඇති මෙම රථය ඕනෑම රළු මාර්ගයක ගමන් කළ හැකි බව පරීක්ෂණ ධාවනවලින් තහවුරු වී ඇතැයි අයිඩියල් මෝටර්ස් සඳහන් කරයි.
මෙම එක් වාහනයක් ශ්රී ලංකාවට ආනයනය කරන්නේ නම් රුපියල් මිලියන 20ක පමණ මුදලක් වැය වන අතර දේශීයව නිෂ්පාදනය කළ මෙම වාහනය රුපියල් මිලියන 8කට ආසන්න මුදලකට ලබාදිය හැකි බව අයිඩියල් මෝටර්ස් සමාගම සඳහන් කරයි. මෙම වාහන සඳහා වසර තුනක වගකීමක් අයිඩියල් මෝටර්ස් සමාගම විසින් ලබාදෙන අතර ධාවනයේදී ඇතිවන කිසියම් ගැටලුකාරී තත්ත්වයන්ට පැය 24 පුරා ක්රියාත්මක ආපදා සේවයක් අයිඩියල් මෝටර්ස් මගින් ක්රියාත්මක කරනු ඇත.
මෙම රථ විශේෂයෙන් වෙරළ ආශ්රිත අවේක්ෂණ කටයුතු සහ ගොඩබිම ආශ්රිත වනාන්තර යාබද අවේක්ෂණ කටයුතු සඳහා නාවික හමුදාව භාවිත කිරීමට නියමිතය.
ඉදිරියේදී ශ්රී ලංකා ආරක්ෂක අංශයන් වෙත අවශ්ය මෙවැනි විශේෂිත වාහන නිෂ්පාදනය කිරීමට දැනටමත් සාකච්ඡා ආරම්භ කර ඇති අතර මෙමගින් ශ්රී ලංකාවේ ආරක්ෂක අංශවල විශේෂ වූ අවශ්යතාවන් පරිදි දේශීයව නිෂ්පාදනය කරන වාහන හඳුන්වාදීමට කටයුතු කරනු ඇත. එමගින් වර්තමාන අසීරු ආර්ථික අවස්ථාවලදී මෙවැනි වාහන ආනයනය කිරීමට වැයවෙන විදේශ විනිමයන් රට තුළ ආරක්ෂා කර ගැනීමට අවස්ථාව සැලසෙන අතර, දේශීය කර්මාන්ත නගාසිටුවීමටද ඉමහත් පිටුවහලක් වනු ඇත.
595
ඡායාරූපය
අයිඩියල් ව්යාපාර සමූහයේ නිර්මාතෘ හා සභාපති නලීන් වෙල්ගම, අධ්යක්ෂ චමින්ද වනිගරත්න යන මහත්වරුන් විසින් නාවික හමුදාපති වයිස් අද්මිරාල් ප්රියන්ත පෙරේරා මහතා වෙත ‘කොම්බැට් ඕල්ටරේන් වෙහිකල්’ රථ නිල වශයෙන් බාරදුන් අයුරු ඡායාරූපයෙන් දැක්වේ. එම අවස්ථාවට එක්වූ නාවික හමුදාවේ රියර් අද්මිරාල් පී.ඒ.ජේ.එන්. පොන්නම්පෙරුම, රියර් අද්මිරාල් ආර්.ඒ.පී.පී. රත්නායක, කොමදෝරු ඩී.එස්.පී.කේ. ද සිල්වා, නාවික හමුදා මැරයින් බළකායේ අධ්යක්ෂ කොමදෝරු පී.එස්.කේ. පිටිගල යන මහත්වරු ද ඡායාරූපයේ වෙති.
මෙරට නව රැකියා අවස්ථා ඇති කිරීමටත්, පෞද්ගලික අංශයේ වර්ධනය පුළුල් කිරීමටත් සහාය වීමට ඇමෙරිකානු ඩොලර් බිලියනයක සහායක් ශ්රී ලංකාවට ලබාදීමට ලෝක බැංකුව
මෙම වසරේ පළමු කාර්තුවේදී ශ්රී ලංකා රජය සැලකිය යුතු අයවැය හිඟයක් වාර්තා කර තිබෙන බවත් එම හිඟය රුපියල් බිලියන 489 ක් බවත් මුදල් අමාත්යංශය පසුගියදා නිකුත
සමෘද්ධි ප්රජාමූල බැංකු හා සමෘද්ධි ප්රජා මුල බැංකු සමිති රජයේ විගණනයට යටත් කිරීමේ සංශෝධන පාර්ලිමේන්තුවට ඉදිරිපත් කිරීමට කැබිනට් අනුමැතිය ලැබී ඇත.
මන්නාරම් ද්රෝණියේ ගවේෂණ බිම් කොටස් හතරක ඛනිජතෙල් හා ස්වාභාවික වායු ගවේෂණය සහ නිෂ්පාදනය සඳහා ආයෝජන යෝජනා කැඳවීම සහ අලෙවිකරණ උපදේශකයකුගේ සේවය ලබා ගැන
විනිමය පත්ර ආඥාපනත සඳහා වූ සංශෝධන සඳහා කැබිනට් අනුමැතිය ලැබී තිබේ.
ලංකා විදුලිබල මණ්ඩලය විසින් සකස් කරන ලද 2023-2032 දිගුකාලීන සම්ප්රේෂණ සැලැස්ම යටතේ හඳුනාගනු ලැබ ඇති ඉහළ ප්රමුඛතා සම්ප්රේෂණ සංවර්ධන ව්යාපෘති මාලාවක් ක
ශ්රී ලංකාවේ විශිෂ්ටතම මට්ටමේ ජාත්යන්තර සරසවිය වූ NSBM හරිත සරසවිය ජාතියේ පහන් ටැඹ ලෙස විරුදාවලිය ලත් ලංකා බැංකුව සමග රුපියල් බිලියන 7.3ක් හෙවත් රුපියල්
රටක් දියුණු වීමට නම්, ජනතාව තුළ නිවැරදි මුල්ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක්ර
අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්ය ප
අයිඩියල් මෝටර්ස් දේශීයව නිපදවූ ATV රථ ශ්රී ලංකා නාවික හමුදාවට
Kumar (Gulf) Monday, 13 March 2023 11:25 PM
ශ්රී ලංකා ආරක්ෂක හමුදාවට මිලියන 2 කට නිෂ්පාදනය කරන්න තිබුණා, මේ සමාගම MR Junta එක්ක සම්බන්ධ මාෆියාවක් වෙන්න ඇති.
උදිතා Sunday, 19 March 2023 01:21 PM
අමුඩෙ ගහගන්න දියලනුවක්වත් නැති වුනාට දර්ශන වලින් නම් කිසිම අඩුවක් නැත ! අනිත් රටවල නාවික හමුදාවට දෙන්නේ , නැව් .. බෝට්ටු වගේ දේවල් !