(මනෝප්‍රිය ගුණසේකර)

ජාතික ශිෂ්‍යභට බළකායේ 07 වැනි බලඇණීය  සංවිධානය කරන ලද 2022 ශිෂ්‍යභට දක්‍ෂතා හා සේවා ඇගැයීමේ සම්මාන ප්‍රද්‍රානෝත්සවයේදී දක්‍ෂතම ශිෂ්‍යභටවිය ලෙස ගම්පහ රත්නාවලී බාලිකා විද්‍යාලයේ සැරයන් එම්.පී.ටී. ගුණවර්ධන ශිෂ්‍යාව ද දක්‍ෂතම ශිෂ්‍යභටයා ලෙස කදාන ද මැසිනොද් විද්‍යාලයේ සැරයන් ඩබ්ලිව්.එස්.එම්. ප්‍රනාන්දු ශිෂ්‍යා ද  සම්මාන ලැබුහ.

ශිෂ්‍යභට දක්‍ෂතා හා සේවා ඇගැයීම සඳහා වේයන්ගොඩ මධ්‍ය මහා විද්‍යාලයේ පැවති උත්සවයේ ප්‍රධාන ආරාධිත අමුත්තා වශයෙන් සහභාගී වු ජාතික ශිෂ්‍යභට බළකායේ බස්නාහිර පළාත් හිටපු නියෝජ්‍ය අධ්‍යක්‍ෂ කර්නල් ජී.ඩී.ආර්. සරත්චන්ද්‍ර වේයන්ගොඩ මධ්‍ය මහා විද්‍යාලයේ විදුහල්පති සමීර සෝමරත්න සහ යොවුන් සේනාංක බස්නාහිර පළාත් අධ්‍යක්‍ෂක කර්නල් එල්.පි මෙන්ඩිස් යන මහත්වරුන්ගෙන් ඔව්හු එලෙස සම්මාන ලැබුහ.

මෙම උත්සවයේදී ශිෂ්‍යභට ඛණ්ඩබාර ගුරු මහත්ම මහත්මීන්ද ශිෂ්‍යභට නිත්‍ය කාර්‍ය මණ්ඩලයේ උපදේශකයන් වශයෙන් කටයුතු කරන යුධ, නාවික සහ පොලිස් නිලධාරීන් සඳහා සේවා ඇගයීමේ සහතික පත් මෙන්ම ජාතික ශිෂ්‍යභට තරඟාවලියේ පෞද්ගලික දක්‍ෂතා දක්වන ලද ශිෂ්‍යභට බාලක බාලිකාවන්ට සහතික පත්ද බේදා දුන්හ.