සමලිංගික විවාහ පිළිබද ගැටළුව ඕස්ට්‍රේලියා  මැතිවරණ වේදිකාවද උණුසුම් තත්ත්වයට පත් කර තිබෙන බව  විදෙස් මාධ්‍ය වාර්තා කරයි.

සමලිංගික විවාහ ආධාරකරුවන් සිඩ්නි නගරයේ වීදි ඔස්සේ විරෝධතා පැවැත්වීමට පටන් ගෙන තිබේ. අගමැති මැල්කම් ටර්න්බුල් මෙම ගැටළුව පිළිබඳ වඩාත් ප්රගතිශීලී ප්‍රතිචාරයක් දක්වනු ඇතැයි සමහර ඡන්ද දායකයෝ විශ්වාස කරති.

ඕස්ට්‍රේලියා  ෆෙඩරල් මැතිවරණ ක්‍රියාවලියේ අවසාන දින කිහිපයේ මෙම ප්‍රශ්නය ප්‍රධාන තැනක් ගෙන ඇත. මෙම මැතිවරණයෙන් තමන් බලයට පත් වුවහොත් සමලිංගික විවාහ සම්බන්ධයෙන් ජනමත විචාරණයක් පවත්වන බවට පාලක කොන්සර්වේටිව් ලිබරල් පක්ෂය පොරොන්දු වී තිබේ.

එමෙන්ම ඒ සදහා ජනමත විචාරණයක් මෙම වසර අවසානයේදී පවත්වන බවට එරට අගමැතිවරයාද ප්‍රකාශ කර තිබේ. ජනමත විචාරණයක් පැවැත්වුවද එහි ප්‍රතිපලය පමණක් නොසැහෙන බවත් ඒ සදහා පාර්ලිමේන්තු සම්මත කිරීමක් අවශ්‍ය බවත් සදහන් වේ.

එරට අගමැතිවරයා සමලිංගික විවාහ යෝජනාවට පක්ෂව ඡන්දය ප්‍රකාශ කරන බවට ප්‍රකාශ කර තිබේ.