බි‍්‍රතාන්‍යයේ ඩෙවොන්හි ඬේරි මේඞ් අවන්හලට ආහාර ගැනීමට යන්නෙකුට ආහාර වලට අමතරව ලැබෙන තවත් දෙයකි වතුර විදිය හැකි පිස්තෝල.

මේ පිස්තෝල ලබාදෙනුයේ වෙනත් අවන්හල් වල ලබාදෙන පරදි ස්මාරක ලෙස නම් නොවේ.ඒවා ලබාදෙනුයේ ඬේරි මේඞ් අවන්හලට හිසරදයක් වී ඇති මුහුදු ලිහිනියන්ට පහර එල්ල කිරීමටය.

අවන්හල් හිමිකරු මාර්ක් රිඩික් පවසන ආකාරයට මුහුද අයිනේ පිහිටීම නිසාවෙන් ඬේරි මේඞ් අවන්හලට නිරන්තරයෙන් මුහුදු ලිහිණියන්ගෙන් කරදර සිදුවේ.

පාරිභොගිකයන්ට පිරිනමන ආහාර මේ මුහුදු ලිහිණියෝ විසින් ‘‘පැහැර ගනිති.‘‘.ඇතැම් අවස්ථා වලදී මේස පුටු පවා පෙරළාගෙන ආහාර පැහැරගැනීමේ යෙදෙන මේ ලිහිණියන් නිසා තමන්ට සිදුවන අලාභය සුළුපටු නොවන බව මාක් පවසයි.

ඉවසිය නොහැකිම දෙය නම් මුහුදු ලිහිණියන් තැන නොතැන නොබලා මළපහ කිරීම බව ඔහු කියයි.කරන්නටම දෙයක් නොමැති තැන සිය සේවකයෙකුගේ අදහසකට අනුව ආහාර පිළිගන්වනු ලබන සෑම පාරිභෝගිකයෙකුටම

වතුර විදිය හැකි පිස්තෝලය බැගින් ලබා දීමටත් මාර්ක් තීරණය කර ඇත.බාධා කිරීමට පැමිණෙන මුහුදු ලිහිනියෙකු වේ නම් ඔවුන්ට ජල ප‍්‍රහාර එල්ල කර පළවා හැරීමට පාරිභෝගිකයන්ට අවස්ථාව ලබා දීම මෙහි අරමුණයි.වතුර පිස්තෝල වලින් එල්ල කෙරෙන ප‍්‍රහාර නිසා මුහුදු ලිහිණියන්ට කිසිදු ආකාරයක හානියක් සිදු නොවන බව

මාර්ක් කියයි.

ඬේරි මේඞ් අවන්හල වෙත පැමිණෙන පාරිභෝගිකයෝද මේ අලූත් වැඩපිළිවෙලට එක පයින් සහයෝගය දක්වති.ඔවුන් වැඩිදෙනා ආහාර ගැනීම පසෙක තබා දැන් කරන්නේ ආක‍්‍රමණකාරී මුහුදු ලිහිණියන්ට ජල ප‍්‍රහාර එල්ල කිරීමයි.

අවට මුහුදෙන් ආහාර ලබාගන්නවාට වඩා ලෙහෙසි මාර්ග වලින් ආහාර අවශ්‍යතාව සපුරා ගැනීමට මේ මුහුදු ලිහිනියන් පුරුදුව සිටී.මිට හේතු වී ඇති කාරණය වනුයේ මුහුදු ලිහිණියන්ට ආහාර සැපැයීමට පුරුදුව සිටිනා ඇතැමුන්ගේ කි‍්‍රයාකලාපයයි.

මෙනිසාම මුහුදු ලිහිණියන්ට ආහාර ලබානොදෙන්න යැයි සදහන් කෙරෙන පුවරුද බළධාරීන් විසින් ඩෙවොන් ප‍්‍රාන්තය පුරාම සවිකිරීමට කටයුතු කර තිබේ.