(අජන්ත කුමාර අගලකඩ)
ඉන්ධන මිල ඉහළ දැමීමට සමගාමීව විදුලිය සහ ජල ගාස්තු ද ඉහළ දැමීමට බොහෝ දුරට ඉඩ ඇතැයි වාර්තා වේ.
ඩීසල්, පෙට්රල් හා භූමිතෙල් මිල ඉහළ දැමීමට සාපේක්ෂව දැවිතෙල් මිල ගණන් ද ඉහළ යන බැවින් විදුලිය ගාස්තු ද ඉහළ දැමීමට සිදුවනු ඇතැයි රජයේ ජ්යෙෂ්ඨ ඇමැතිවරයෙක් ‘ඉරිදා ලංකාදීප’යට පැවැසීය.
ලංකා ඛනිජ තෙල් සංස්ථාව දැවි තෙල් ලීටරයක් රුපියල් 80 ක පමණ මිලකට විදුලිබල මණ්ඩලයට දැනට සපයන අතර නව මිල ගණන් අනුව දැවි තෙල් ලීටරයක මිල රුපියල් 90 ක් පමණ වනු ඇතැයි ඔහු සඳහන් කළේය.
දැවි තෙල් සඳහා යන පිරිවැය වැඩිවන බැවින් විදුලිය ගාස්තු වැඩිකිරීම හැර වෙන විකල්පයක් නොමැති බව ද ඔහු සඳහන් කළේය.
මේ අතර ජල ගාස්තු වැඩි කළ යුතු බව ජල සම්පාදන හා නගර සැලසුම් ඇමැති රාවුෆ් හකීම් මහතා කැබිනට් මණ්ඩලයට යෝජනා කර ඇතැයි වාර්තා වේ.
ජනාධිපති මෛත්රිපාල සිරිසේන මහතාගේ ප්රධානත්වයෙන් පසුගිය බදාදා පැවැති කැබිනට් රැස්වීමේදී රාවුෆ් හකීම් ඇමැතිවරයා මෙම යෝජනාව ඉදිරිපත් කර ඇතැයි රජයේ ආරංචිමාර්ග කියයි.
ජල බිල වැඩිකිරීම සම්බන්ධයෙන් කාලයක සිට කතා කරන නමුත් විසඳුමක් ලැබී නැතැයි පවසා ඇති ඇමැතිවරයා ජල බිල වැඩි කිරීම පිළිබඳව සලකා බලන්නැයි නැවත ඉල්ලීමක් කර ඇත.
ඇමැති හකීම් මහතා මෙම යෝජනාව කර ඇත්තේ ඉන්ධන මිල වැඩිකළ යුතු බවට ඉදිරිපත් වූ යෝජනාව පිළිබඳව සාකච්ඡා කළ අවස්ථාවේදීය.
ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී
ශ්රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්රසිද්ධය. රට තු
ශ්රී ලංකාවේ ප්රමුඛතම මූල්ය සමාගමක් වන සියපත ෆිනෑන්ස් පීඑල්සී සිය දීප ව්යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.
විදුලිය සහ ජල ගාස්තු ඉහළ යන පෝලිමේ
wiki Friday, 18 May 2018 12:15 PM
ඔව් හොදයි 255 ක් නඩත්තු කරන්න එපැයි අපි. ඉතින් වැඩි කරන්න.
Raveendra Thursday, 24 May 2018 02:31 AM
පින්ගුත්තරයෝ 225 ම දුක කෙසේ වෙතත් සියලු සුරසැප ( කිතුල්ගස් කලන්තයද ඇතුළුව) සාමාන්ය ජනතාව බදු ගෙවපියවුකෝ.....