IMG-LOGO

2025 මැයි මස 09 වන සිකුරාදා


ගිංගඟ පහළ නිම්නයේ ප්‍රදේශ රැසක් තවමත් ජලයෙන් යටවෙලා

 

(ජේ.කේ.එල් චාමින්ද)
 
ගිංගගේ ජලය බැසයමින් පැවතියද තවමත් ගිංගඟ පහළ නිම්නයේ පහත් බිම් රැසක් ජලයෙන් යටවී ඇති බැව් එම ප්‍රදේශවල ජනතාව පවසති. ගිංගඟ පහළ නිම්නයට අයත් හෝළුවාගොඩ, ඕපාත, යන ප්‍රදේශවල පහත්බිම් රැසක් තවමත් ජලයෙන් යටවී ඇති අතර ජලය බැසයාම සිදුවන්නේ ඉතා සෙමින් බැව් එම ප්‍රදේශවල ගොවීහු පවසති.

හෝළුවාගොඩ ඇළ මාර්ගයේ ජලය බැස යාම  ඉතා සෙමින් සිදුවන බව පවසන ගොවීහු මහමෝදර මෝය කට නිසි අයුරින් විවර කර නොමැති බවද  පවසති.

අස්වැන්න නෙළාගැනීමට ආසන්නව පැවති ඕපාත, හෝළුවාගොඩ, මිපාවල, වක්වැල්ල,කුරුන්ද, කපුහෙම්පල ආදි ප්‍රදේශවල කුඹුරු අක්කර සිය ගණනක් තවමත්  ජලයෙන් යටවී ඇති බවද, මෙම තත්වය නිසා තමන් දැඩි අසරණ තත්වයට පත්ව ඇති බවද පවසන ඔවුහු වගාහානි සඳහා කඩිනමින් වන්දිමුදල් ලබාදීමට කටයුතු කරන ලෙස ඉල්ලා සිටිති.

මේ වනවිට ගිංගගේ ජලය බැස යමින් පවතින බවත්  බද්දේගම ජල මාපකයේ ජල මට්ටම අද  (29) උදෑසන වනවිට  මීටර් 3.83 ක් හා තවලම ජල මාපකයේ ජල මට්ටම මීටර් 2.33ක් ලෙස සටහන්ව තිබු බව ගිංගඟ වාරිමාර්ග  ඉංජිනේරු  නිලංග සුභසිංහ මහතා පවසයි. හෝළුවාගොඩ ප්‍රදේශයේ  ජලය බැසයන මහමෝදර මෝය කට අඩි 60ක් පමණ පුළුල්කොට ඇති බවද  වාරිමාර්ග ඉංජිනේරුවරයා  වැඩිදුරටත් සඳහන් කළේය.

ගාල්ල  හා මාතර දිස්ත්‍රික් වාරිමාර්ග අධ්‍යක්ෂක  එල්. එච්. සුරියබණ්ඩාර මහතා  මෙසේ කිවේය.
 
“මහමෝදර මෝයකට උපරිම කපලා තියෙනවා .මුහුදෙන්  වැලි වදිනවා මෙහේ වතුර අඩුවෙන්න අඩුවෙන්න පිඩනය අඩුවනවිට  වැලිගොඩ තල්ලුකරන්න බැහැ. වෙරළෙන් තල්ලුකරන්න  එන වැලි මෙහෙන් තල්ලුකරගන්න ශක්තියක් නැත්නම්  මෝය කට වැහෙනවා.එය ස්වාභාවික දෙයක්. ගංගේ වතුර පාර හොදට තිබියදි  මෝයකට කඩාගෙන හොදට වතුර බැස්සා .දැන් මහමෝදර කළපුවෙත් වතුර අඩුවෙලා.වේගයෙන් ජලය අඩුවේගෙන යනවා. පැයකට සෙන්ටිමිටර්  දෙක තුනක් ජලය අඩුවෙනවා. එදිනෙදා ජනතාවගේ ජන ජිවිත යථා තත්වයට පත්වෙලා  තියෙනවා” යැයි අධ්‍යක්ෂකවරයා සඳහන් කළේය.

ගොවීන්ගේ වගාහානි සම්බන්ධව කෘෂිරක්ෂණ මණ්ඩලයේ අධ්‍යක්ෂකවරයා සමග තමන් සාකච්ඡා කළ බවත් ඉදිරියේ සියලුම ගොවින්ට වගා හානි සඳහා වන්දිලබාදීමට කටයුතු කරන බවට  ඔහු පොරොන්දු වූ බවත් ගාල්ල දිස්ත්‍රික් එක්සත් ජාතික පක්ෂ මන්ත්‍රී විජේපාල හෙට්ටිආරච්චි මහතා පැවසීය.
 


 



අදහස් (0)

ගිංගඟ පහළ නිම්නයේ ප්‍රදේශ රැසක් තවමත් ජලයෙන් යටවෙලා

ඔබේ අදහස් එවන්න

 

 
 

වීඩියෝ දර්ශන




ගල්කිස්සේ වෙඩි තැබීමකින් අයෙක් මරුට
2025 මැයි මස 05 2344 6

ගල්කිස්සේ වෙරළ පාර, ගාලු පාර අසල මීට සුළු මොහොතකට ඉහතදී සිදු වූ වෙඩි තැබීමකින් පුද්ගලයකු මියගොස් ඇතැයි ගල්කිස්ස පොලිසිය කියයි.


‘ලූනූ බිකටත් පොර බදින්නේ නැතිව රට හදන්න එක්වන්න‘
2025 මැයි මස 02 990 12

ලූනු බිකටත් පොර බදින්නේ නැතිව රට ගොඩ නගන ගමනට එකතු වන්නැයි වෘත්තිය සමිති ව්‍යාපාරයට ආරාධනා කරන බව ජාතික ජන බලවේගයේ නායක ජනාධිපති අනුර කුමාර දිසානායක



මේවාටත් කැමතිවනු ඇති

First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න 2025 අප්‍රේල් මස 29 1246 1
First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න

රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර

HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා. 2025 අප්‍රේල් මස 29 316 2
HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා.

අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප

ඩුබායි හි පැවති ගෝලීය නොබෙල් සාම සමුළුවේදී මහාචාර්‍ය මොහාන් මුණසිංහ මහතාට ගෞරවය හිමිවේ 2025 අප්‍රේල් මස 18 1342 0
ඩුබායි හි පැවති ගෝලීය නොබෙල් සාම සමුළුවේදී මහාචාර්‍ය මොහාන් මුණසිංහ මහතාට ගෞරවය හිමිවේ

2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස

Our Group Site