IMG-LOGO

2024 පෙබරවාරි මස 21 වන බදාදා


අනුන් වෙනුවෙන් දිවි පිදූ විරුවකුට බුහුමන් පිදුණු වගයි

 

අරණායක සාමසර කන්ද නාය යෑමේ ඛේදවාචකය සිදුවු අවස්ථාවේදී පළමු නාය යෑමෙන් පසු පවුල් 70 ක් පමණ එම ප‍්‍රදේශයෙන් ඉවත් කරමින් දිවි බේරාදුන් නමුත් දෙවනි නාය යාමට හසුවී සිය සොහොයුරා සමග ජිවිතය පූජාකළ අරණායක ප‍්‍රාදේශීය ලේකම් කාර්යාලයේ එළඟිපිටිය ග‍්‍රාම නිලධාරි වසම භාරව කටයුතු කළ ආර්ථික සංවර්ධන නිලධාරි එරංග විකුම්සිරි මහතා වෙනුවෙන් මෙවර ජාතික විරු ජන සම්මාන උ​ෙළලේ ප‍්‍රධානතම ගෞරව සම්මානය වන වීර බුදල්නා ස්වර්ණ සම්මානය පිරි නැමුණු අතර එය එරංග වෙනුවෙන් ලබාගත්තේ ඔහුගේ බිරිඳ වන දිස්නා චතුමාලිය. සිය සෙනෙහෙබර සැමියා වෙනුවෙන් සම්මානය ලබාගත් දිස්නා, සම්මානයද තුරුලුකර ගනිමින් දිව ගියේ ඇගේ සුරතල් ආදිත්‍ය පුතු ළඟටය. සුරතල් පුතු සිය පපුවේ හොවාගත් ඈ බොහෝ වෙලාවක් යනතුරු ඉකිබින්දාය.

 

පසුගිය වසරේ අරණායක සාමසර කන්ද නාය යෑමේ විපතේදී සිය රාජකාරිය ඉක්මවා මනුෂ්‍යත්වයේ නාමයෙන් කැපවු ශ්‍රේෂ්ඨ මිනිසුන් අතරට එරංග විකුම්සිරි එක්වූයේ වීර බුදල්නා ස්වර්ණ සම්මානයෙන් පිදුම් ලබමින්් සිය බිරිඳට, පුතුට, මව්පියන්ට සහෝදර සහෝදරියන්ට පමණක් නොව මුළු මහත් රාජ්‍ය සේවයටම ගෞරව අභිමානයක් ගෙන දෙමිනි.  


ඇස් දෙකෙන් කඩා හැළෙන කඳුළු කැට ඇගේ දෙකම්මුල් දිගේ ගලා එන්නේ වක්කඩ කැඩුවා වාගේ. ඒවා ඈ තුරුලේ හිඳින පුංචි ආදිත්‍ය පුතුගේ හිස මතට වැටෙයි. සාරි පොටෙන් තම දෙනෙතින් ගලා එන කඳුළු පිස දමමින් සුරතල් පුතු ඇකයේ හොවාගත් දිස්නා චතුමාලි කඳුළු අතරින් සිනාසෙමින් නැවතත් සිය සෙනෙහෙබර සැමියා ගැන කතා කළාය.  


‘‘එරංගට සම්මානයක් ලැබෙනවා කියලා මට ලිපියක් ඇවිත් තිබුණා. නමුත් මම ඒ ගැන වැඩිය හිතුවේ නෑ. එරංග නැතුව මට මේ කිසිදෙයක් දැන් වැඩක් නෑ. පස්සේ ගෙදරින් කිව්වා දරුවා වෙනුවෙන් ගිහිල්ලා මේ සම්මානය ගන්න කියලා. මම කොළඹ නෙළුම් පොකුණ රඟහලට ගිහිල්ලා මට වෙන්කරල තිබුණ පුටුවේ වාඩිවුණා. ඒ උත්සවයට ඇවිල්ලා හිටියේ කතානායක තුමා, ආරක්ෂක ඇමතිතුමා, හමුදාවේ, පොලිසියේ අය. මට වාඩිවෙන්න තිබුණු තැන මම අසල ගොඩක් හිටියේ පොලිසියේ හමුදාවේ අය. විශාල සෙනඟක් ඉදිරියේ එරංගගේ නම කියල නිවේදනය කළා. ජීවිත හැත්තෑවක් බේරාගත්ත එරංග වෙනුවෙන් සම්මානය ගන්න ආරාධනා කළේ මට. මට ඒ වෙලාවේ එරංග ගැන ඇතිවු​ෙණ් ලොකු සතුටක්. එයා කරපු වීර ක‍්‍රියාව ගැන අගයමින් සම්මානය මම අතට ගන්න කොට මට දරාගන්න බැරිව අැඬුණා. දුක සතුට වාගේම ලොකු පාළුවකුත් මට ඇති වුණා. එරංගත් එක්කම ගිහින් මේ සම්මානය ගන්න තිබුණා නම් කියන්න බැරි සතුටක් දැනෙයි. එහෙම වුණා නම් මේ සම්මානේ ගන්නේ මමයි එරංගයි චූටි පුතයි තුන්දෙනාම ගිහිල්ලා. අනුන්ගේ ජීවිත රකින්න ගිහිල්ලා මට එරංග නැති වුණා වගේම මාගේ පුංචි පුතාට තාත්තා කෙනෙක් නැති වුණා. ඒත් එරංග කරපු වීරකම හින්දා අද ගොඩක් දරුවන්ට ඒ අයගේ තාත්තලාගේ ජීවිත බේරා දෙන්න එයාට පුළුවන් වුණා. ඒ හින්දා තමයි එයත් පස්කන්දට යටවුණේ. ඒත් එයා නැතුව සම්මානය අතට ගත්තට මගේ හිතට මොකක්දෝ වාගේ තනිකමක් දැනුණා.”  


‘‘මම සම්මානය අරගෙන දුවගෙන ආවේ ආදිත්‍ය පුතා ළඟට. ඇවිල්ලා එයා තුරුලු කරගෙන ගොඩාක් වෙලා ඇඬුවා. මට ඒ වෙලාවේ අඬනවා ඇරෙන්න වෙන කරන්න දෙයක් තිබුණේ නෑ. මුළු රටම මාගේ මහත්තයා වීරයෙක් විදිහට පිළිඅරගෙන මේ වාගේ සම්මානයක් එයාට දෙන්න කටයුතු කරපු එක ගැන මට ගොඩක් ආඩම්බරයි. මේ ගැන කටයුතු කරපු හැම දෙනාටම ගොඩක් ස්තුතියි.”


‘‘දැන් ආදිත්‍ය පුතාට අවුරුද්දකුත් මාස තුනක් වෙනවා. එයත් එරංග වාගේ හොඳ වීරයෙක් කරන්න තමයි මගේ බලාපොරොත්තුව. පුතා ලොකු වුණාම එයාගේ තාත්තා මියගියේ ජීවිත හැට හැත්තෑවක් බේරාගන්න ගිහින් කියලා එයා දැන ගත්තාහම පුතාට කොච්චර ආඩම්බරයක් ඇතිවෙයිද. ඒ හින්දා මම උත්සාහ කරන්නේ පුතාට හොඳට උගන්වලා රටට වැඩක් කරන්න පුළුවන් තැනකට යවන්න. මගේ පුතාගේ තාත්ත නම් ඇත්තටම එයාට වීරයෙක්. පුතාට විතරක් නෙමෙයි මටත් එයා වීරයෙක්. එරංග වාගේ කෙනෙක්ගේ බිරිඳ වෙන්න ලැබීම මට ලොකු සතුටක්. මිනිසුන්ට ආදරය කරන මිනිසුන් වෙනුවෙන් වැඩ කරන මිනිසුන් වෙනුවෙන් ජීවිතය උනත් පූජා කරන එරංග වගේ නිලධාරින් ඉන්නවා නම් මේ රට කොච්චර ලස්සන වෙයිද.”  


”සම්මාන උ​ෙළලේදි කතානායක කරු ජයසූරිය මහත්තයා හොඳ කථාවක් කළා. එතුමා කිව්වේ තමාගේ ජීවිතයට ඇති අවදානම හිතන්නේ නැතුව අනතුරට පත් ජීවිත බේරා ගැනීමට ඉදිරිපත්වීම ශ්‍රේෂ්ඨ මනුෂ්‍යත්වයේ පරමාදර්ශයක් වෙන බවයි. ඒ වගේම අනතුරක් වුණාම ඒ අනතුරෙන් බේරීමට පොරබදන මිනිසුන් බේරා ගැනීමට ඉදිරිපත් නොවී එවැනි දර්ශන පටිගත කර මුහුණු පොතේ (ෆේස් බුක්) දැමීමට නොඉවසිලි මත්වෙන අරුම පුදුම මිනිසුන්ද සිටින බවද කථානායක කරු ජයසූරිය මහත්තයා කීවා. එතුමා එහෙම කථා කරනකොට මට එරංගව මතක් වුණා. නමුත් එරංග එවැනි දේවල් කර කර ඉඳල නැති බව එයාගේ මුහුණු පොතේ (ෆේස් බුක්) බලපුවාහම තේරුණා. අද ගොඩක් දෙනා කරන්නේ රාජකාරියකට ගියහම අනතුරක් දැක්කහම ඒවාගේ දේවල් ෆෝන් එකෙන් ෆොටෝ ගගහ ඉන්න එක. ඒත් එරංග ආදර්ශමත් නිලධාරියෙක්. එයා රාජකාරිය දේවකාරියක් කරගත්ත කෙනෙක්.  
ඵරංග විකුම්සිරිගේ බිරිඳ වන පී. දිස්නා චතුමාලී පතිරණ දැනට පදිංචිව සිටින්නේ වරකාපොළ බෝපිටිය ප‍්‍රදේශයේ ඇගේ මහ ගෙදරය. සුරතල් ආදිත්‍ය පුතු සමග දිවි ගෙවන ඇය වෙනුවෙන් අරණායක ප‍්‍රාදේශීය ලේකම් කාර්යාලයේ කාර්ය මණ්ඩලය රුවන්වැල්ල තලවත්ත ප‍්‍රාදේශයේ නව නිවසක් ඉදිකර දීමට ඉදිරිපත් වී සිටී. දැනට වහල මට්ටම දක්වා ඵහි ඉදිකිරීම් කටයුතු නිමවා තිබේ.


‘‘මහත්තයා නැති වෙලා අවුරුද්දක් වෙනවා. පුතත් ඵක්ක මං ජීවත් වෙන්නේ අම්මලා ගාව. දැන් පුතාට අවුරුද්දයි මාස තුනක් වෙනවා. මම දැන් ගොඩක් අසරණ වෙලා තියෙන්නේ. මහත්තයා නැති වුණාට පස්සේ අපිට කියලා ලැබුණේ රුපියල් ලක්ෂයක වන්දි මුදලයි, අග‍්‍රහාර රක්ෂණ මුදලයි විතරයි. දැනට මහත්තයාගේ පැන්ෂන් ඵක ලැබෙනවා. ඵ්ක රුපියල් පහළොස් දාහක් විතරයි ඵන්නේ. වෙන කිසි දෙයක් ලැබෙන්නේ නැහැ. රෝහල් සාත්තු සේවිකා රැකියාවක් ලැබුණා. ඵ්ත් ඵ්කට යන්න විදිහක් තිබුණේ නැහැ. ඵතකොට බබාට මාස හතරක් පමණ වෙනවා. අනුන්ගේ ජීවිත බේරා ගන්න ගිහිල්ලා මගේ අහිංසක දරු පැටියාට තාත්තා කෙනෙක් නැති වුණා.” සිඟිති ආදිත්‍ය පුතු තුරුලු කර ගනිමින් දිස්නා ඉකි බිඳිමින් පැවසුවාය.  


2016 මැයි 17 වැනිදා රාජකාරිය දේවකාරියක් කරගනිමින් මිනිස් ජීවිත රැසක් බේරාගැනීමට ගොස් ජීවිතයෙන් සමුගත් එරංග විකුම්සිරි පිළිබඳ ඔහුගේ මව, පියා සහෝදරයා වගේම බිරිඳද සිටින්නේ තවමත් දුකෙනි. ඇස්වලින් පිටවන දුක් කඳුළැලි දරා ගනිමින් සිය වැඩිමහල් පුතු ගැන එරංගගේ පියා වන හැටඑක් වියැති එම්. වික‍්‍රමපාල මහතා මෙසේ පවසයි.


‘‘මගේ ලොකු පුතා වීරයෙක්. එයා මියගියේ ගමේ පවුල් හැත්තෑවක් විතර බෙරාගෙන. මට එයා ගැන ආඩම්බරයි. එයාට සම්මානයක් ලැබුණා කිව්වම තාත්ත කෙනෙක් විදියට මට ලොකු සතුටක් ඇතිවුණා.”  


‘‘එරංග ලොකු පුතා මේ වසම භාරව හිටියා. එදා උදේ වසමට ඇවිදින්න ගිහින් එනකොට වෙල් යාය මැද පාර පාත්වෙලා වතුර පිරිලා තියනවා. ඊට පස්සේ ඒ.ජී. ඔෆිස් එකෙන් හවස් වෙලා පුතාට කතා කරලා ඒ පැත්තට ගිහින් හොයලා බලන්න කියලා තියනවා.

පස්සේ ලොකු පුතයි, බාල පුතයි දෙන්නම සිරිපුර ජනපදයට ගිහිල්ලා ත‍්‍රීවීල් එක මග දාලා සිරිපුර පන්සල ළඟට ගිහින් තියෙනවා. ඊට පස්සේ තමයි කන්ද නාය ගිහින් තියෙන්නේ. පස්සේ මේ ගැන පල්ලෙහා අයට දැනුම් දීලා තියෙනවා. සිද්ධිය ආරංචි වෙච්ච ගමන් අපි පුතාට කතා කළත් ෆෝන් එක වැඩ කළේ නෑ. 18 උදේ පාන්දර අපි ඒ පැත්ත බලන්න ගියා. මුළු පැත්තම නාය ගිහින් වැහිලා තිබුණා. මේ ගැන හෝදිසි කරද්දී මුලින්ම ලොකු පුතාගේ මළ සිරුර අපට හමු වුණා. මේ සිද්ධිය අපට විඳ දරා ගන්න පුළුවන් කමක් නෑ. මගේ දරුවෝ දෙන්නම මේ විපතට ගොදුරු වුණා.


ගමක් බේරාගන්න ජීවිතය දන් දුන් එරංගගේ පවුලේ අය අද ඉන්නේ දුක් කන්දකය. එරංගගේ බිරිඳ සිඟිති දරුවා මෙලොව තනි වී ඇත.

ඡායාරූප හා විස්තර :   
අරණායක ප‍්‍රදීප් කුමාර ධර්මරත්න
මාවනැල්ල බණ්ඩාර ජයරත්න



අදහස් (0)

අනුන් වෙනුවෙන් දිවි පිදූ විරුවකුට බුහුමන් පිදුණු වගයි

ඔබේ අදහස් එවන්න

නිම්තෙර

පනස් වසරකට පසු පෙරභවය සොයා යයි
2021 මැයි මස 01 15952 0

පෙරභවය හෙළි කළ දරුවන් මගින් අපූරු තොරතුරු වරින්වර අසන්නට ලැබේ. ඒ අතරින් අතිශය අසිරිමත් සිදුවීමක් පසුගිය දිනෙක සිදුවිය. එම පුනර්භව සාධකයට හේතු වූයේ මීට


රටින් ගෙනා ලක්ෂ විස්සක සුනඛ ජෝඩුව අභිජනනයට සූදානම්
2021 මැයි මස 01 7831 0

මිනිසාගේ පැරණිතම මිතුරෙකු වශයෙන් සැලකෙන සුනඛයා වත්මන් යුගය වන විට නිවෙසේ ආරක්ෂකයෙකු සේම සුරතලෙකු වශයෙන්ද ආරක්ෂක අංශවලට සම්බන්ධ වී විවිධ අපරාධ පුපුර


වතුකම්කරු මද්දට ලිවෙන කඳුකර කොටියා
2021 අප්‍රේල් මස 24 2753 0

මදු හා උඟුල් අටවා වන සතුන් දඩයම් කර ගැනීමට මෙරට බහුලව සිදුවෙන ක්‍රියාදාමකි. මෙරට බොහෝ වනාන්තර ආශ්‍රිතව වන සතුන් දඩයම් කර ගැනීම ඉලක්ක කර ගනිමින් මෙසේ මද


කඳු මුදුනේ ජීවත්වෙන මිනිසුන්ට පිහිටක්
2021 අප්‍රේල් මස 03 5194 0

සන්නිවේදන පහසුකම් නැති කුප්පි ලාම්පුවෙන් එළිය දකින මහ කැලේ මැද කඳු මුදුනේ ජීවත්වෙන මිනිසුන් හමුවීමට පසුගියදා මහනුවර මහ දිසාපති චන්දන තෙන්නකෝන් මහතා


බක්මහ අකුණු සෑදෙන්නේ මෙහෙමයි
2021 මාර්තු මස 27 3851 0

සාමාන්‍ය ව්‍යවහාරයේදී අපි අප්‍රේල්, මැයි මාසවල පතිත වන වර්ෂා සහිත කාලගුණයට බක්මහ අකුණු යයි කියමු. එම කාලයේදී පතිත වන අධික වර්ෂාපතනයත් සමග විදුලි කෙටීම


නිලධාරීන්ට එපාවූ ජී.ඩී.එල් ගේ චිත්‍රපට
2021 මාර්තු මස 27 2610 0

එක් දහස් නවසිය හැට අටේ සරසවි සම්මාන උළෙලේ අවසාන වටය සඳහා චිත්‍රපට දෙකක් නම්කර තිබුණි. එයින් එකක් වූයේ හැටේ දශකයේ ජනප්‍රියත්වයට පත්වූ ලේඛකයකු වන කරුණාස


මේවාටත් කැමතිවනු ඇති

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 132 0
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි 2024 පෙබරවාරි මස 13 217 0
නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි

දශක 6කට අධික ඉතිහාසයකට උරුමකම් කියන ශ‍්‍රී ලංකාවේ පුරෝගාමී රක්ෂණ සමාගම වන ශ‍්‍රී ලංකා ඉන්ෂුවරන්ස් සිය ජීවිත හා සාමාන්‍ය රක්ෂණ ව්‍යාපාර නීත්‍යානුකූල

හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි 2024 පෙබරවාරි මස 12 245 0
හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි

හලාල් ප්‍රතීතන කවුන්සිලය (Halal Accreditation Council), ජාතික අපනයනකරුවන්ගේ මණ්ඩලයේ (NCE) සංවිධානත්වයෙන් 2023 දෙසැම්බර් 8වන දින පැවැත්වුණු 31 වැනි NCE අපනයන සම්මාන උළෙලේ දී අඛණ්

Our Group Site