(රොෂාන් දිලිප් කුමාර)

යුක්රේනයේ සිට ගුවන් යානා දෙකකින් සංචාරකයින් 320 දෙනකු අද (2) මත්තලින් දිවයිනට පැමිණි බව ගුවන් තොටුපල අධ්‍යක්ෂ ෂෙහාන් සුමනසේකර මහතා පවසයි.

රජයේ නියමු ව්‍යාපෘතියක් ලෙස ආරම්භ කෙරෙන සංචාරකයින් මෙරටට ගෙන්වා ගැනීමේ වැඩසටහනට සමගාමීව මෙම යුක්රේන ජාතිකයින් පිරිස දිවයිනට පැමිණ තිබේ.

ස්කයි අප් ගුවන්සේවයට අයත් PQ 555දරණ   ගුවන් යානයෙන් සහ යුක්රේන ජාතික ගුවන් සේවයට අයත් පීඑස් 6385 දරණ ගුවන් යානා මගින් අද (2) පස්වරුවේ මොවුන් දිවයිනට පැමිණ ඇත.

මේ අතර කලින් පැමිණි සංචාරකයින්ගෙන් 353 දෙනෙකු නැවත එම ගුවන් යානා වලින්ම යුක්රේනය බලා පිටත්ව ගොස් තිබේ.

හෝටල් පරිශ්‍ර කරා රැගෙන යාමට කටයුතු කෙරුණේ ශ්‍රී ලංකා යුද හමුදාවේ දායකත්වයෙනි. ඒ අනුව ඔවුන් මෙරටට  පැමිණි 14 වන සහ 15 වන යුක්රේන සංචාරක කණ්ඩායමයි.