මන්දෙන් මුදා ගත් කඳුකර දිවියා සමනල රක්ෂිතයට මුදා හරී

(රංජිත් රාජපක්ෂ)

ගිනිගත්හේන කෙනිල් වත්තේ ලඳු කැලෑවක අටවා තිබූ මන්දකට හසු වී සිටියදී මුදාගත්, පැන්තරා පාදුස් වර්ගයේ කඳුකර දිවියා නල්ලතන්නිය වනජීවි කාර්යාලය වෙත රැගෙන ගොස් වැඩිදුර ප්‍රතිකාර කර, අද(13) නල්ලතන්නිය සමනල ස්වාභාවික රක්ෂිතයට අද(13) මුදා හැරි බව නල්ලතන්නිය වනජීවි කාර්යාලයේ වන සත්ව අඩවි ආරක්ෂක ප්‍රභාෂ් කරුණාතිලක මහතා පැවසීය.

වනජීවි අධ්‍යක්ෂක ජෙනරාල් චන්දන සුරිය බණ්ඩාර මහතාගේ උපදෙස් මත දිවියා සමනල ස්භාවික රක්ෂිතයට මුදා හරිනු ලැබුවේය.

සතුන් දඩයම් කිරීම සඳහා එම වතු යායේ වතු කම්කරුවෙකු අටවා තිබු මන්දකට අවුරුදු 6 ක් පමණ වයසැති හොඳින් වැඩුණු මෙම ගැහැනු දිවියා හසු වී සිටියදි රණ්දෙණිගල පශු වෛද්‍ය රෝහලේ පශු වෛද්‍ය අකලංක පිණිදෙණිය මහතා ඇතුළු පිරිස ඉන් මුදාගත්හ.

අත්අඩංගුවට ගත් සැකකරු වනජීවි කාර්යයාලයේ නිලධාරින් හැටන් දිසා විනිසුරු සහ මහෙස්ත්‍රාත් ජෙ.ට්‍රොස්කි මහතා වෙත ඉදිරිපත් කිරීමෙන් අනතුරුව ජූලි 15 දක්වා රක්ෂිත බන්ධනාගාර ගත කිරීමට මහෙස්ත්‍රාත්වරයා නියෝග කළේය.

මන්දට හසුවීමෙන් පසු දිවියා බේරීයාමට උත්සහ කිරීම නිසා උදරයේ තැලීම් තිබු බවද, දිවියාව නල්ලතන්නිය වනජීවි කාර්යාලය වෙත රැගෙන ගොස් ප්‍රතිකාර ලබා දුන් බවද, දිවියා නිරෝගි තත්ත්වයෙන් සිටි නිසා නල්ලතන්නිය ශ්‍රී පාද රක්ෂිතයට මුදා හැරි බවද රණ්දෙණිගල පහු වෛද්‍ය රෝහලේ පශු වෛද්‍යය අකලංක පිණිදෙණිය මහතා පැවසීය.

අදහස් (6)

මන්දෙන් මුදා ගත් කඳුකර දිවියා සමනල රක්ෂිතයට මුදා හරී

සමිත සේනක අලුත්ගමගේ. Monday, 13 July 2020 12:27 PM

අනේ වාසනාවන්..!!! මේ දිවියා මන්දකට හසුවී දිවි බේරා ගැනීමට තරම් වාසනාවන්ත වුණා. වනජීවී පශු වෛද්‍යවරුන්ටත්, අනෙකුත් කාර්ය මණ්ඩලයටත්, සහභාගි වූ සැමටත් මේ සතා බේරාගැනීම වෙනුවෙන් අනේක වාරයක් ස්තූතිවේවා... !!! එසේම පින් සිදුවේවා... !!! එය පරිසර හිතකාමි මෙහි ලියන සැමටත්, අපටත්, සැබවින්ම සතුට ගෙන දෙන්නකි. ප්‍රතිකාරවලින් පසු මේ සතා මොනතරම් සතුටකින්, නිදහසකින් වනයට දිවයන්නට ඇතිද..?

: 0 116

ධනා Tuesday, 14 July 2020 04:24 AM

දිවියන්ගේ ගැහැණු සතා කියලා වෙනසක් නෑ. බලන්නකෝ කැමරාව ඉස්සරහ අපේ ගැහැණු අය වගේමයි හැසිරීම....

: 0 15

sharm warn Tuesday, 14 July 2020 06:08 AM

මේ උතුම් කර්තව්‍යට සහභාගී වුන සියලු නිලධාරීන්ට, උදව් කළ ගම්වාසීන්ට බොහොම පිං.

: 0 11

විජිත් Tuesday, 14 July 2020 01:42 PM

මේ ඔයාගේ හොඳටයි කියන්නේ කොටි දුවේ.. ඔයා හරිම වාසනාවන්තයි. ඔයාව උගුලට අහුවුණු ඉසව්වේ "නොමිනිසුන්" ගැවසෙනවා. ඒ අය තමයි ඔය උගුල් අටවන්නේ.. වාසනාවකට.. ඒ නොමිනිසුන් අතරේ සිටින සැබෑ මිනිසුන් නිසා ඔයාට අද ජීවිතේ බේරාගෙන ආපසු යන්න ලැබුණා. ඇත්ත.. උපන් හැමෝටම වාගේ ඔයාලටත් ආසයි හැමතැනම ටිකක් ඇවිදලා බලන්න. ඒ වුණාට මිනිසුන් ගැවසෙන ප්‍රදේශ මගහැරලා ජීවත්වෙන්න බලන්න. ඔයාට වටින්නේ නැතිවුණාට " මිනිසුන් " අතරේ සිටින "නොමිනිසුන්ට " හරි වටිනවා ඔයාගේ ඔය තිත්තිත් ඇඳුම. ඔයාගේ දත්, නියපොතු විතරක් නොවෙයි දුවේ ඔයාගේ ඔලුවටත් ලොකු ඉල්ලුමක් තියෙනවා. ඒවා ජාවාරම් කාරයින්ට දීලා මේ නරුමයින් රුපියල් දාහේ කොළ කිහිපයක් හුවමාරු කරගන්නවා. ඕවා නීතිවිරෝධී වැඩ. ඔයගොල්ලන්ට අතවත් තියන්න නීතියෙන් තහනම්...!!! ඒ වුණාට මේ රටේ නීතියක් නැහැනේ දුවේ..

: 1 112

thilak Wednesday, 15 July 2020 12:00 PM

මේ දිවියාගෙන් තේ වත්තේ සේවය කළ කම්කරුවන්ට සහ ඔවුන්ගේ පවුල්වල උදවියට අනතුරක් නොවීම පිළිබඳව සතුටු වෙමි..

: 24 11

vijithThursday, 16 July 2020 12:13 PM

මේ අදහසට අන්ලයික් කර ඇත්තේ කොළඹ ජීවත්වන "පොෂ් පරිසරකාමින්" විසිනුයි.

: 16 2

ඔබේ අදහස් එවන්න

සේයා රූ

විදුලියට නව පිටුවක් ජපානය පෙරළයි

2023 අප්‍රේල් මස 19 6162 11

ජලය පමණක් භාවිතාකර විදුලිය ජනනය කළ හැකි අති නවීන තාක්ෂණයෙන් යුත් විදුලි ජනන යන්ත්‍රයක් ශ්‍රී ලංකාවට හඳුන්වා දී තිබේ.

ජනපති නව වසරේ වැඩ අරඹයි

2023 අප්‍රේල් මස 17 7627 25

ජනාධිපති රනිල් වික්‍රමසිංහ මහතා ජනාධිපති කාර්යාලයේදී අද නව වසරේ වැඩ ආරම්භ කළේය.

අලුත් අවුරුද්දේ පේරා සරසවි ඇදුරෝ ගත් තීරණය

2023 අප්‍රේල් මස 17 18258 10

විශ්ව විද්‍යාල ආචාර්යවරුන්ගේ වෘත්තීය සමිති මාර්තු මස 03 වනදා සිට ක්‍රියාත්මක කළ ක්‍රියාමාර්ගය නිමාකරමින් අද සිට පේරාදෙණිය විශ්ව විද්‍යාලීය පීඨ නමයෙහ

තැන තැන නැකතට හිස තෙල් ගාති

2023 අප්‍රේල් මස 16 1242 0

සිංහල සහ දෙමළ අලුත් අවුරුද්දේ හිස තෙල් ගැල්වීමේ නැකත අද (16) පෙරවරු 9.41 ට යෙදී තිබුණි.

ජර්මනියෙන් ආ අවුරුදු කුමාරිය

2023 අප්‍රේල් මස 14 9423 2

විදේශිකයන් සදහා වෙන්වූ අළුත් අවුරුදු උත්සවයක් අද කළුතර රෝයල් ෆාම් හෝටලයේදී පැවතී අතර , එහි අවුරුදු කුමාරීය ලෙස බටහිර ජර්මනියේ ඊමා ග්‍රේර් මෙනවිය කිරු

අනුභව කිරීමේ නැකත උදා වේ

2023 අප්‍රේල් මස 14 575 0

සිංහල අලුත් අවුරුද්දේ ප්‍රධානම චාරිත්‍රය වන වැඩ අල්ලීම සහ ආහාර අනුභවය කිරීමේ නැකත උදා විය.