(බී.ජී. චතුරංග සහ දයාරත්න ඇඹෝගම)

රත්නපුර සිට අනුරාධපුරයේ පැවැත්වෙන ක්‍රීඩා තරගයක් සඳහා පැමිණ සිටින අතර වාරයේ දුම්රිය මාර්ගයේ සිට ඡායාරූපයක් ගැනීමට ගිය කාන්තාවක සහ පාසල් දියණියක  අනුරාධපුර නව නගර දුම්රිය ස්ථාන ආසන්නයේදී දුම්රියේ ගැටී ජීවිතක්ෂයට පත්වූ බව අනුරාධපුර මූලස්ථාන පොලිසිය පවසයි.

මෙලෙස ජීවිතක්ෂයට පත්ව ඇත්තේ රත්නපුර, මාපලාන, ශ්‍රී පලාපද්දල පුදේශයේ පදිංචිව සිටි සරණි නිසාදරී නිළුපුලී රණසිංහ නැමැති 18 හැවිරිදි පාසල් දැරියක් සහ ඇගේ ඥාතියකු වූ කේ චමිලා රංජනී දැරියගේ ඥාතියෙකු වන 37 හැවිරිදි කාන්තාවකි.

රත්නපුරයේ පාසල් පහක සිසු සිසුවියන් පිරිසක් බස් රථයකින් අනුරාධපුර සල්ගාදු ක්‍රීඩා පිටියේ අසල ගුහස්ථ ක්‍රීඩාංගනයේ පැවැත්වෙන ටයිකොන්ඩෝ තරගාවලිය සඳහා සහභාගි වී ඇති බව පොලිසිය කියයි.

ජීවිතක්ෂයට පත් වූ කාන්තාවගේ දියණිය ද තරගාවලියට සහභාගී වී සිටින අතර ජීවිතක්ෂයට පත්ව සිටින පාසල් සිසුවිය ඇගේ ඥාති දුවකු බව පොලිසිය කියයි.

ටයිකොන්ඩෝ තරගාවලියට සහභාගි එම දැරියගේ ඥාතියෙකුගේ නිවස පිහිටි අනුරාධපුර නව නගරයේ නිවසකට ගොස් දහවල් ආහාරය ගෙන පැමිණෙමින් සිටියදී , පිරිමි දරුවකු , සහ ගැහැණු දරුවකු , කාන්තාවක දුම්රිය මගේ ඡායාරූපයක් ගෙන් සිට ඇති බව පොලිසිය කියයි.

දුම්රියක් පැමිණෙන බව අසල්වාසීන් පැවැසුව ද ඔවුන් සෙල්ෆියක් ගන්න යෑමේදී මෙසේ දුම්රියේ ගැටී මරුමුවට පත්ව ඇත.