(යොහාන් භාසුර)

ශ්‍රී ලංකාවේ ප‍්‍රධානම ආර්ථික මධ්‍යස්ථාන දෙකක් වන දඹුල්ල සහ තඹුත්තේගම යන ආර්ථික මධ්‍යස්ථාන දෙකෙන් රජය සහ යුද හමුදාව එළවළු කිලෝ ලක්‍ෂ 3 කට අධික ප‍්‍රමාණයක් මිලදී ගෙන තිබේ.

සම්පූර්ණ සංචරණ සීමා ක‍්‍රියාත්මක වූ පසුගිය සිකුරාදා එම ආර්ථික මාධ්‍යස්ථාන දෙකට වෙළදුන් සහ ගෙවීන් රැගෙන ආ එළවළු එසේ මිලදී ගෙන තිබේ.

දඹුල්ල ආර්ථික මධ්‍යස්ථානයේ ප‍්‍රකාශයකු පැවසුවේ රට වසා දැමීම හේතුවෙන් දඹුල්ල ආර්ථික මධ්‍යස්ථානයට ගෙන ආ එළවළු කිලෝ ලක්‍ෂ තුනකට අධික ප‍්‍රමාණයක් විකුණාගැනීමට නොහැකි තත්වයක් මතුවූ බවත් අමාත්‍ය ජනක බණ්ඩාර තෙන්නකෝන් මහතාගේ මැදිහත්වීමෙන් රජය එළවළු මිලදී ගත් බවයි.

එළවළු කිලෝ ලක්‍ෂයක් පමණ යුද හමුදාව ද, කිලෝ ලක්‍ෂ දෙකකට ආසන්න ප‍්‍රමාණයක් රාජය ද, මිලදී ගත් බවත් ඒ හේතුවෙන් දඹුල්ල ආර්ථික මධ්‍යස්ථානයේ එළවළු නාස්ති නොවූ බවත් එම නිලධාරියා පැවසීය.