IMG-LOGO

2025 පෙබරවාරි මස 16 වන ඉරිදා


එජාප පිල් දෙක දෙපැත්තට අදී

( +++ අංජුල මහික වීරරත්න)

එක්සත් ජාතික පක්‍ෂයේ නායකත්ව අර්බුදය තවත් උග්‍රවී ඇති අතර විපක්‍ෂනායක සජිත් ප්‍රේමදාස මහතාගේ පිල සිරිකොත පක්‍ෂ මූලස්ථානයේ ඊයේ (30) පැවැති එජාප කෘත්‍යාධිකාරී මණ්ඩල රැස්වීමද වර්ජනය කළේය.

සජිත් ප්‍රේමදාස මහතාගේ කණ්ඩායම නියෝජනය කරන ෆීල්ඞ් මාර්ෂල් සරත් ෆොන්සේකා, අජිත් පී. පෙරේරා, ඉම්තියාස් බාකීර් මාකාර් යන මහත්වරුන් සහ කොළඹ නගරාධිපතිනි රෝසි සේනානායක මහත්මිය කෘත්‍යාධිකාරී මණ්ඩලයෙන් ඉවත් කිරීමට විරෝධය පළකරමින්, සජිත් පිල එම රැස්වීම වර්ජනය කර ඇත.

මේ අතර, එක්සත් ජාතික පක්‍ෂයේ කෘත්‍යාධිකාරී මණ්ඩලය එහි නායක රනිල් වික්‍රමසිංහ මහතාගේ ප්‍රධානත්වයෙන් පිටකෝට්ටේ සිරිකොත පක්‍ෂ මූලස්ථානයේදී ඊයේ පස්වරුවේ රැස්වූ අතර, අලුතින් පිහිටුවීමට යෝජිත එජාප සන්ධානයේ නායකත්වයට විපක්‍ෂනායක සජිත් ප්‍රේමදාස මහතා පත්කිරීමට ද එහිදී තීරණය කළේය.

සජිත් ප්‍රේමදාස මහතා සන්ධාන නායකත්වයට පත්කිරීමට අමතරව, ඉදිරි මහ මැතිවරණයේ අගමැති අපේක්‍ෂකත්වය සහ මහ මැතිවරණය මෙහෙයවීමේ නායකත්වය ද ඔහුට ලබාදීමට ද කෘත්‍යාධිකාරී මණ්ඩලය තීරණය කළේය.
ඒ අනුව රනිල් වික්‍රමසිංහ මහතා එජාප නායකත්වයේ තවදුරටත් කටයුතු කරනු ඇත.

සජිත් ප්‍රේමදාස මහතා සන්ධාන නායකත්වය බාරගන්නේ ද නැද්ද යන්න තීරණය කර, සතියක් ඇතුළත පක්‍ෂයේ කෘත්‍යාධිකාරී මණ්ඩලයට දැන්විය යුතු යැයි කී කිරිඇල්ල මහතා එසේ නොකළොත් වෙනත් විකල්පයක් වෙත යෑමට සිදුවන බවද පැවසීය.

එක්සත් ජාතික පක්‍ෂ කෘත්‍යාධිකාරී මණ්ඩල සභිකයන් හතර දෙනකු ඉන් ඉවත් කිරීමට විරෝධය පළ කරමින් සජිත් ප්‍රේමදාස මහතා ඇතුළු පිරිසක් ඊයේ පැවැති කෘත්‍යාධිකාරී මණ්ඩල රැස්වීමට සහභාගි නොවූවද බහුතර සභික පිරිසක් කෘත්‍යාධිකාරී මණ්ඩල රැස්වීමට සහභාගි වූ බව පාර්ලිමේන්තු මන්ත්‍රී ලක්‍ෂ්මන් කිරිඇල්ල මහතා පැවැසීය.

එක්සත් ජාතික පක්‍ෂයේ සම්පූර්ණ කෘත්‍යාධිකාරී මණ්ඩල සභික සංඛ්‍යාව 59ක් බව කී කිරිඇල්ල මහතා ඉන් 37ක් පමණ ඊයේ පැවැති කෘත්‍යාධිකාරී රැස්වීමට සහභාගි වූ බව සඳහන් කළේය.

කෘත්‍යාධිකාරී මණ්ඩල සභිකයන් හය දෙනකු පෞද්ගලික හේතු මත රැස්වීමට සහභාගිවීමට නොහැකි බව වේලාසනින්ම දැනුම් දී තිබූ බවත් ඒ අනුව කෘත්‍යාධිකාරී මණ්ඩල රැස්වීමට සහභාගි නොවූයේ 16 දෙනකු පමණක් බවත් ලක්‍ෂ්මන් කිරිඇල්ල මහතා සඳහන් කළේය.

එක්සත් ජාතික පක්‍ෂ කෘත්‍යාධිකාරී මණ්ඩලය ලබන බ්‍රහස්පතින්දා නැවත රැස්වීමට තීරණය කළ බව කී ලක්‍ෂ්මන් කිරිඇල්ල මහතා එදිනට සජිත් ප්‍රේමදාස මහතා නව පත්වීම් බාර නොගතහොත් සංධාන නායකත්වය සඳහා වෙනත් නමක් යෝජනා කිරීමට තීරණය වූ බවද පැවැසීය.

මේ අතර සජිත් ප්‍රේමදාස පාර්ශ්වය නියෝජනය කරන ප්‍රබල සාමාජිකයන් දෙදෙනකු වන මංගල සමරවීර සහ මලික් සමරවික්‍රම මහත්වරුන්ද පක්‍ෂ කෘත්‍යාධිකාරී මණ්ඩල රැස්වීමට සහභාගි වූ බව දැනගන්නට තිබේ.

පාර්ලිමේන්තු මන්ත්‍රී මංගල සමරවීර මහතා මෙහිදී අදහස් දක්වමින් පවසා ඇත්තේ තමා ජනාධිපතිවරණයේදී සජිත් ප්‍රේමදාස මහතා වෙනුවෙන් පෙනී සිටිය ද රනිල් වික්‍රමසිංහ මහතාගේ ආර්ථික සහ විදේශ ප්‍රතිපත්තිය කොතරම් සත්‍යයක්දැයි මේ වනවිට වැටහී තිබෙන බවය.

එක්සත් ජාතික පක්‍ෂයේ කෘත්‍යාධිකාරී මණ්ඩලයට නම් කරන්නේ විවිධ සමාජ කණ්ඩායම් නියෝජනය වන අයුරින් බව කී ලක්‍ෂ්මන් කිරිඇල්ල මහතා ඉමිතියාස් බාකීර් මාකාර් සහ චන්ද්‍ර ගන්කන්ද මහත්වරුන් කෘත්‍යාධිකාරී මණ්ඩලයට යළිත් පත් කර නැත්තේ හිටපු පාර්ලිමේන්තු මන්ත්‍රීවරුන්ගේ සංගමය ඉල්ලීමක් කර නොතිබූ නිසා බවද සඳහන් කළේය.

රෝසි සේනානායක මහත්මිය කෘත්‍යාධිකාරී මණ්ඩලයට පත් කරන ලෙස පක්‍ෂ කාන්තා සංවිධානය යෝජනා කර නැති හෙයින් ඇය කෘත්‍යාධිකාරී මණ්ඩලයට පත්කර නැතැයි ද ලක්‍ෂ්මන් කිරිඇල්ල මහතා කීය.

සරත් ෆොන්සේකා සහ අජිත් පී. පෙරේරා මහත්වරුන් කෘත්‍යාධිකාරී මණ්ඩල රැස්වීමෙන් ඉවත් කර ඇත්තේ විනය විරෝධී ප්‍රකාශ නිසා බවද ලක්‍ෂ්මන් කිරිඇල්ල මහතා සඳහන් කළේය.

මේ සම්බන්ධයෙන් ‘ලංකාදීප’යට අදහස් දැක් වූ පාර්ලිමේන්තු මන්ත්‍රී හරීන් ප්‍රනාන්දු මහතා-
එක්සත් ජාතික පක්‍ෂ කෘත්‍යාධිකාරී මණ්ඩලයෙන් තම සගයන් හතර දෙනකු ඉවත් කිරීම ගැන විරෝධය පළකරමින් තම කණ්ඩායම කෘත්‍යාධිකාරී මණ්ඩල රැස්වීම වර්ජනය කළ බව පැවැසීය.

එක්සත් ජාතික පක්‍ෂ පාර්ලිමේන්තු මන්ත්‍රීවරුන් වන අජිත් පී. පෙරේරා, ෆීල්ඞ් මාර්ෂල් සරත් ෆොන්සේකා, හිටපු අමාත්‍ය ඉමිතියාස් බාකීර් මාකාර් යන මහත්වරුන් සහ කොළඹ නගරාධිපතිනී රෝසි සේනානායක මහත්මිය කෘත්‍යාධිකාරී මණ්ඩලයෙන් ඉවත් කිරීම නිසා තම කණ්ඩායම කෘත්‍යාධිකාරී මණ්ඩලය වර්ජනය කළ බව හරීන් ප්‍රනාන්දු මහතා කීය.

එක්සත් ජාතික පක්‍ෂ කෘත්‍යාධිකාරී මණ්ඩලයේ නිල කාලය 2019 දෙසැම්බර් 31 දායින් අවසන් වූ අතර නැවත වරක් කෘත්‍යාධිකාරී මණ්ඩලයට පත් කළ බවට දැනුම් දෙන ලිපි සරත් ෆොන්සේකා, අජිත් පී. පෙරේරා, ඉමිතියාස් බාකීර් මාකාර් සහ රෝසි සේනානායක මහත්ම මහත්මීන් වෙත නිකුත් කර නොතිබිණි.

සජිත් ප්‍රේමදාස මහතා එක්සත් ජාතික පක්‍ෂයේ නායකත්වයට පත්විය යුතුය යන මතවාදය නියෝජනය කරන කෘත්‍යාධිකාරී මණ්ඩල සාමාජිකයන්ට රැස්වීම සඳහා ආරාධනා කර තිබුණේ ‘එපා වාහෙට හොදි බෙදන්නා වගේ’ යැයි කී හරීන් ප්‍රනාන්දු මහතා මෙය ‘ගේමක්’ බවද සඳහන් කළේය.

මේ පාර්ලිමේන්තු සතිය නිසා මා සිටියේත් බදුල්ලේ, වෙනදා නම් කෘත්‍යාධිකාරී මණ්ඩලයට වේලාසනින් ආරාධනා කරනවා. මෙවර මට කිව්වේ 29 වැනිදා හවස. මේ අයගේ අරමුණ රවී කරුණානායක සන්ධානයේ මහා ලේකම් කිරීමටයි. එතකොට ඒ අයට අවශ්‍ය විදියට ජාතික ලැයිස්තු, නාම යෝජනා හදාගන්න පුළුවන්. මේක ගේමක් කියන්නේ ඒකයි යනුවෙන් ද හරීන් ප්‍රනානදු මහතා ‘ලංකාදීප’යට සඳහන් කළේය.

එක්සත් ජාතික පක්‍ෂ පාර්ලිමේන්තු මන්ත්‍රී රංජිත් මද්දුම බණ්ඩාර මහතා ‘ලංකාදීප’යට පැවැසුවේ පක්‍ෂ කෘත්‍යාධිකාරී මණ්ඩලය ගන්නා තීරණ දෙස බලා ඉදිරි පියවර තීරණය කරන බවයි.

මේ අතර නිවේදනයක් නිකුත් කරමින් එක්සත් ජාතික පක්‍ෂ මහලේකම් අකිල විරාජ් කාරියවසම් මහතා පවසන්නේ ඉදිරි මැතිවරණයේ අගමැති අපේක්ෂකත්වය මැතිවරණයට මුහුණ දීම සඳහා පිහිටුවන පොදු සංධානයේ නායකත්වය සහ මැතිවරණ නාම යෝජනා දීම සඳහා පිහිටුවන පොදු සංධානයේ නායකත්වය සහ මැතිවරණ නාම යෝජනා මණ්ඩලයේ සභාපතිත්වය එක්සත් ජාතික පක්‍ෂ නියෝජ්‍ය නායක සජිත් ප්‍රේමදාස මහතා වෙත ලබා දීමට පක්‍ෂ කෘත්‍යාධිකාරී මණ්ඩලය තීරණය කළ බවයි.

කෘත්‍යාධිකාරි මණ්ඩලයේ එකඟත්වය ඇතිව පොදු සන්ධානයේ  මහලේකම්වරයා නම් කිරීමේ බලය ද ප්‍රේමදාස මහතාට පැවරෙන බව ද මහලේකම් නිවේදනය කරයි.



අදහස් (6)

එජාප පිල් දෙක දෙපැත්තට අදී

ravi Friday, 31 January 2020 05:59 AM

ඒ.ජා.ප. යට අලුත් මුහුණුවරක් දෙන්න නම්... පරණ හොරුන්ව මේ පක්ෂයෙන් එලවා දැමිය යුතුයි.

:       0       0

ලුම්බිණි Friday, 31 January 2020 07:28 AM

රනිල් වික්‍රමසිංහ කවදා හරි යන්නේ එක්සත් ජාතික පක්ෂය නැති කරලා. මේ කොන්ත්‍රාත්තුව ඔහුට දෙන්න ඇත්තේ වෙන කවුරු හරි. රනිල් වික්‍රමසිංහ කියපු විදියට එයා අයින් වෙන 2025 වෙන කොට එකත්සත් ජාතික පක්ෂයක් නැහැ. ඒක හොඳටම පැහැදිලියි.

:       29       328

නැහැමෝල් වීරවන්ෂොට් Friday, 31 January 2020 08:26 AM

රනිල් අවුල් තමයි. හැබැයි රනිල්ගේ අවුල රනිල් විතරමයි. සජිත් ලොකු පුටුවකට පත් වුනොත් ලොකුම අවුල වෙන්නේ ආර්යාව. ශිරන්තිලා මොනවද කියල හිතෙයි. දැක්කනේ ජනාධිපතිවරණය කාලෙත් හැමෝවම පෙරලගෙන ඉස්සරහට පනින හැටි. සජිත් පැත්තකට උනහම රනිල්ට පස්සේ නායකත්වය ගන්න පුළුවන් හොඳ කෙනෙක් එයි කියල හිතනවා.

:       1220       74

GuneFriday, 31 January 2020 10:02 AM

රනිල්ගෙන් පස්සේ පක්ෂයේ නායකත්වය ගන්න මහින්ද දැනටමත් පුහුණුකරනවා නාමල්ව. 2025 දී රනිල් අයින් වෙනකොට නාමල් පක්ෂය බාර ගනියි. ගිවිසුමේ හැටි එහෙමයි.

:       0       523

Mahee Friday, 31 January 2020 09:38 AM

මේ ගොල්ල අහල තියෙනවද දන්නේ නෑ අපේ පිරුලක් තියෙනවා "ඌරන් කැකුණ තලනකොට හබන් කුකුලන්ට රජ මගුල්" කියල. ඒක ත්රුම් ගන්න තරම් උවමනාවක් මේ දෙපිළටම තියෙනවා කියල පේන්නේ නම් නෑ.

:       0       0

ඒකනායක Friday, 31 January 2020 11:06 AM

මේක ගේමක් කියන්නේ ඒකයි..., යනුවෙන්ද හරීන් ප්‍රනානදු කියා සිටියි. ඔබ හිතන ආකාරයට එය ගේමක් නම් සජිත්ගේද සහයෝගය ගේමට ලැබී තිබේ. නොඑසේනම් ගේමකට හසුවීමට හෝ එය හඳුනා ගැනීමට පවා සජිත් නොමේරු අසමත් කෙනෙකි. ගොඩක් හිතන්න බැරි යමක් සැලසුම් කිරීමට නොහැකි සෙට් එක හැමදේටම කියන්නේ ගේමක් කියාය. ගේම ඉල්ලා සිටියේ සජිත්ගේ කණ්ඩායමයි. දැන් ගේම ලබාදී තිබේ. රනිල්ට විරුද්ධව ගේම් ගසන්නට ගොස් පක්ෂයෙන් එළියට විසිවෙන්න එපා...

:       4       0

ඔබේ අදහස් එවන්න

 

 

එසැණ පුවත්

සැඟවූ කීරි සම්බා තොගයක් අල්ලයි
2025 පෙබරවාරි මස 15 460 0

පිටකොටුව වේල්ල වීදිය ප්‍රදේශයේ වෙලදසැලකට කොළඹ 12 ප්‍රදේශයේ පිහිටි ගබඩාවක සඟවා තිබූ කීරි සම්බා සහල් කිලෝග්‍රැම් 5,000 කට ආසන්න තොගයක් භාරයට ගත් බව පාරිභෝග


අල්ලස් ගත් පිඒච්අයි රිමාන්ඩ්
2025 පෙබරවාරි මස 15 288 0

ගලේවෙල තලකිරියාගම ප්‍රදේශයේ අවන්හලකින් වෙළඳ බලපත්‍ර අලුත් කිරීම සඳහා රුපියල් ලක්ශ දෙකක අල්ලස් මුදලක් ලබාගත් බවන කියන චෝදනාවක් යටතේ ගලේවෙල ප්‍රදේශ


කුරුවිට ලක්ෂ පහේ කොල්ලයේ තුනක් රිමාන්ඩ්
2025 පෙබරවාරි මස 15 529 0

මීට මාස දහහතරකට පෙරදී මැණික් ගලක් අලෙවි කිරිමට බව පවසා කුරුවිට පුදේශයේ මැණික් ව්‍යාපාරිකයකුගේ නිවසට ඇතුලුවී ගිනි අවි පෙන්වා නිවැසියන්ට පහර දී තුවාල


මහාචාර්ය සනත් නන්දසිරි වෙනුවෙන් සමරු මුද්දරයක්
2025 පෙබරවාරි මස 15 840 0

දිවංගත මහාචාර්ය සංගීත් නිපුන් සනත් නන්දසිරි මහතාගේ 83 වැනි ඡන්ම දිනය වෙනුවෙන් තැපැල් දෙපාර්තමේන්තුව මගින් සමරු මුද්දරයක් උඩහමුල්ල සිරි ජිනරතනාරාම වි


දරුවන් අතරමං නොවන අධ්‍යාපන ක්‍රමයක් ඇති කරනවා
2025 පෙබරවාරි මස 15 538 0

දරුවන් අතරමං නොවන අධ්‍යාපන ක්‍රමයක් ඇති කිරීම වර්තමාන ආණ්ඩුවේ අරමුණ බව අග්‍රාමාත්‍ය ආචාර්ය හරිනි අමරසූරිය මෙනෙවිය පැවසුවාය.


මිනුවන්ගොඩ වෙඩි තැබීමට දෙකක් සැක පිට
2025 පෙබරවාරි මස 15 647 1

මිනුවන්ගොඩ ප්‍රදේශයේ පාසලක් අසලදී කරවල ව්‍යාපාරිකයෙකුට වෙඩි තබා ඝාතනය කිරීමේ සිද්ධිය සම්බන්ධයෙන් ආධාර අනුබල දුන් සැකකරුවන් දෙදෙනෙකු අත්අඩංගුවට ගත


මේවාටත් කැමතිවනු ඇති

Samsung සමාගමෙන් උසස් AI විශේෂාංග වලින් සමන්විත දොර දෙකේ Bespoke AI ශීතකරණ මාලාවක් 2025 පෙබරවාරි මස 07 231 1
Samsung සමාගමෙන් උසස් AI විශේෂාංග වලින් සමන්විත දොර දෙකේ Bespoke AI ශීතකරණ මාලාවක්

ශ්‍රී ලංකාවේ අංක එකේ පාරිභෝගික ඉලෙක්ට්‍රොනික සන්නාමය වන Samsung සිය නවතම දොර දෙකේ Bespoke AI ශීතකරණ මාලාව ශ්‍රී ලංකාවට හදුන්වාදෙන ලදි.

උසස් පෙළින් පසු ඔබේ අනාගතය සැලසුම්කරන්න NSBM “Meet Your Lecturer” මේ සතිඅන්තයේ 2025 ජනවාරි මස 23 134 0
උසස් පෙළින් පසු ඔබේ අනාගතය සැලසුම්කරන්න NSBM “Meet Your Lecturer” මේ සතිඅන්තයේ

මෙවර උසස් පෙළ අවසන් කළ සිසුන්ට නිවැරදි මග පෙන්වීමක් ඇතිව තම අනාගතය සැලසුම් කිරීමට අවස්ථාව ලබාදෙමින් මෙරට ප්‍රමුඛතම විශ්වවිද්‍යාලයක් වන NSBM

“NSBM Edu Fair” උසස් අධ්‍යාපන  ප්‍රදර්ශනය  මේ සති අන්තයේ කොළඹ සහ මහනුවර දී 2025 ජනවාරි මස 08 958 0
“NSBM Edu Fair” උසස් අධ්‍යාපන ප්‍රදර්ශනය මේ සති අන්තයේ කොළඹ සහ මහනුවර දී

NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්‍රදර්ශනය අති සාර්ථක ලෙස ඉකුත් සතිඅන්තයේ විශ්වවිද්‍යාල පරිශ්‍රයේදී පැවැත්විණි.

Our Group Site