IMG-LOGO

2025 මැයි මස 10 වන සෙනසුරාදා


අයි.එස්. ඉලක්ක වෙත පහර දෙයි

ඇෆ්ගනිස්තානයේ ක්‍රියාත්මක, අයි.එස්.අයි.එස්. ත්‍රස්ත ජාලයට අයත්, 'අයි.එස්.කේ' ත්‍රස්ත කල්ලි සාමාජිකයන් ඉලක්ක කරමින් ඇමෙරිකන් හමුදාව ඩ්‍රෝන ප්‍රහාර එල්ල කරයි.

පසුගියදා කාබුල් අගනුවර ජාත්‍යන්තර ගුවන්තොටුපොළ පරිශ්‍රයට මරාගෙන මැරෙන බෝම්බ ප්‍රහාර එල්ල කළේ තලේබාන් පාලනයට එරෙහි, මෙම 'අයි.එස්.කේ' ත්‍රස්තයේ සාමාජිකයන්ය. එම මරාගෙන මැරෙන බෝම්බ ප්‍රහාරය එල්ලවීමට පැය කීපයකට පෙර, 'අයි.එස්.කේ' සාමාජිකයන් නිසැක වශයෙන්ම ගුවන්තොටුපොළට ප්‍රහාරයක් සැලැසුම් කරන බව ද ඇමෙරිකන් බුද්ධි අංශ දැන සිටියේය.

කෙසේ නමුත් ඔවුන්ට එය වළක්වා ගැනීමට නොහැකි විය. මරාගෙන මැරෙන බෝම්බ ප්‍රහාර දෙකෙන් 170 කට වැඩි පිරිසක් ජීවිතක්ෂයට පත් වූහ. 200 කට වැඩි පිරිසක් තුවාල ලබා රෝහල්ගත කෙරුණි.

මියගිය පිරිස අතර ඇමෙරිකන් මැරීන් සෙබළුන් 13 දෙනකු සිටින බව ඇමෙරිකන් යුද දෙපාර්තමේන්තුව හෙවත් පෙන්ටගනය නිකුත් කළ නිවේදනයක දැක්වෙයි. ප්‍රහාරයක් එල්ල වේවි යැයි කල් තියා දැන සිටියදී, එය වළක්වා ගැනීමට නොහැකි වීම සහ ඇමෙරිකන් සොලද්දාදුවන් ප්‍රහාරයෙන් මියයෑම සම්බන්ධයෙන් එම සොල්දාදුවන්ගේ පවුල්වල සාමාජිකයන් ඇමෙරිකන් ජනාධිපති ජෝ බයිඩන්ට දොස් නගා ඇත.

එම මරාගෙන මැරෙන බෝම්බ ප්‍රහාර එල්ල වුණු සැණින් 'අයි.එස්.කේ' කල්ලිය එහි වගකීම බාර ගත් අතර, කාබුල් නුවර පාලනය අතට ගෙන සිටින තලේබාන්වරුන් කියා සිටියේ ඔවුන් එම බෝම්බ ප්‍රහාරය තරයේ හෙලාදකින බවය. තලේබාන් සන්නද්ධ සාමාජිකයන් 17 දෙනකු ද බෝම්බ ප්‍රහාරවලින් ජීවිතක්ෂයට පත්වුණු බව තලේබාන් සංවිධානය නිකුත් කළ නිවේදනයක දැක්වෙයි.

ගුවන්තොටුපොළ පරිශ්‍රයට එල්ල වුණු බෝම්බ ප්‍රහාර සම්බන්ධයෙන් ධවල මන්දිරයේ පැවැති මාධ්‍ය හමුවේ දී ඉතා සංවේදී වුණු ඇමෙරිකන් ජනාධිපති ජෝ බයිඩන් ප්‍රතිඥා දුන්නේ, ත්‍රස්තවාදයට කිසිදු සමාවක් නොදෙන බවත්, ප්‍රහාරයට සම්බන්ධ ජිහාද්වාදීන් සොයා ඔවුන් මරා දමන බවත්ය.

ඊයේ (28) ඇමෙරිකන් හමුදාවේ නියමුවන් රහිත ඩ්‍රෝන යානා ඇෆ්ගනිස්තානයේ 'අයි.එස්.කේ' ඉලක්ක කීපයකට පහර දුන්නේ ඒ අනුවය. පහරදීම කළේ ඇමෙරිකන් බුද්ධි අංශ ලබා දුන් තොරතුරු අනුවය. එසේ එල්ල කළ එක් ප්‍රහාරයකින්, කාබුල් ගුවන්තොටුපොළ පරිශ්‍රයට බෝම්බ ප්‍රහාර එල්ල කිරීමට සැලැසුම් සකස් කළ 'අයි.එස්.කේ' ත්‍රස්තයා මරා දැමීමට හැකිවුණු බව ඇමෙරිකන් හමුදාව සහතික විය.


ඩ්‍රෝන ප්‍රාහර එල්ල කෙරුණේ ඇෆ්ගනිස්තානයේ කාබුල් අගනුවරට දුරින් ඇෆ්ගන් පාකිස්තාන දේශසීමාවට නුදුරින් පිහිටි නන්ගහාර් පළාතේ ස්ථානවලටය. 'අයි.එස්.කේ' ත්‍රස්තවාදීන්ගේ තිප්පොල ඇත්තේ මෙම පළාත්වලය. 'අයි.එස්.කේ' සාමාජිකයන්ගේ කේන්ද්‍රස්ථානය ලෙස සැලකෙන්නේ ද ඇෆ්ගනිස්තානයේ නැගෙනහිර දෙසින් පිහිටි මෙම නන්ගර්හාර් පළාතය.

ඇෆ්ගනිස්තානයේ මෙම 'අයි.එස්.කේ' කල්ලිය බිහිවූයේ 2015 ජනවාරි මාසයේය. ඒ, ප්‍රධාන තලේබාන් සංවිධානයේ මතයට විරෝධය දක්වන තලේබාන් සාමාජිකයන් ද එකතු කර ගනිමිනි. ආරම්භයේ දී 'අයි.එස්.කේ' කල්ලියට නායකත්වය දුන්නේ ද තලේබාන් සංවිධානයෙන් ඉවත් වුණු නායකයන්ය. එම නායකයන් කවුරුන්දැයි හඳුනා ගනිමින් සොයා ඩ්‍රෝන ප්‍රහාරවලින් මරා දැමීමට ඇමෙරිකාව සමත් විය.

අද වනවිට ඇෆ්ගනිස්තානයේ ජිහාද්වාදීන් පමණක් නොව, පාකිස්තාන ජිහාද්වාදීන් ද 'අයි.එස්.කේ' කල්ලියට එක් වී සිටින බව බුද්ධි අංශ අනාවරණය කර තිබේ.

3,000 කට වැඩි සන්නද්ධ සාමාජිකයන් පිරිසක් 'අයි.එස්.කේ' කල්ලියේ සිටින බව ද බුද්ධි අංශ පවසයි. 'ජිහාද්වාදීන්' යනු ඉස්ලාම්දහමට එරෙහි වන්නන්ට එරෙහිව එසේත් නැතිනම් මිත්‍යාදෘෂ්ටිකයන්ට එරෙහිව දෙවියන්ගේ නාමයෙන් සටන් වදින්නා' යන අර්ථයයි.

'අයි.එස්.කේ' කල්ලිය හරහා මත්ද්‍රව්‍ය සහ මිනිස් ජාවාරම් සිදුවෙයි. මොවුන්ට 'හක්කානී' ජාලයේ ද සහාය හිමිවෙයි. 'හක්කානී' යනු ත්‍රස්ත ජාලයකි. ඇෆ්ගනිස්තානයේත් පාකිස්තානයෙත් ක්‍රියාත්මක වෙයි.

තලේබාන් සංවිධානයට අවි ආයුද ලබා දීම පමණක් නොව ප්‍රධාන තලේබාන් සංවිධානයේ මූල්‍ය කටයුතු බලා කියා ගන්නේ ද මෙම ජාලය යැයි පැවැසුණු නමුත්, මේ වනවිට තලේබාන් සංවිධානය 'හක්කානී' ජාලය සමඟ පවතින සියලු සබඳතා නවත්වා දමා ඇතැයි ඇමෙරිකාව පවසා තිබේ.

මේ බව ඇමෙරිකන් බුද්ධි අංශ පවා සනාථ කර තිබේ.

ප්‍රධාන තලේබාන් සංවිධානයේ අරමුණ වී ඇත්තේ ඇෆ්ගනිස්තානයට නව රජයක් පිහිටුවීමය. එම කටයුතු මේ වනවිට ලහිලහියේ සිදුවෙමින් පවතී. කෙසේ නමුත් 'අයි.එස්.කේ' කල්ලිය ඇෆ්ගනිස්තානයේ ශක්තිමත් වුවහොත්, තලේබාන්වරුන්ට ද ඔවුන් තර්ජනයක් වනු ඇතැයි ජගත් දේශපාලන විශ්ලේෂකයෝ පෙන්වා දෙති.

(රොයිටර්)



අදහස් (1)

අයි.එස්. ඉලක්ක වෙත පහර දෙයි

Dinesh Sunday, 29 August 2021 02:27 PM

තමන්ගේ වැඩක් බලාගෙන ඉන්නේ නැතිව අනුන්ගේ රටවල් හදන්න යනවා

:       9       6

ඔබේ අදහස් එවන්න

 

 
 

සයුරෙන් එතෙර

පුටින්ගේ සටන් විරාමය දීර්ඝ කරන්නැයි ට්‍රම්ප් ඉල්ලයි
2025 මැයි මස 09 90 0

රුසියන් ජනාධිපති ව්ලැදිමීර් පුටින්ගේ අණ පරිදි රුසියන් යුක්රේන යුද්ධය සම්බන්ධයෙන් ඇති කරගත් ඒකපාර්ශ්වීය තෙදින සටන් විරාමය, දින 30 ක් තෙක් දීර්ඝ කරන්නැ


ඇමෙරිකාවත් බ්‍රිතාන්‍යයත් අතරේ නව වෙළෙඳ ගිවිසුමක්
2025 මැයි මස 09 73 0

ඇමෙරිකාවත්, මහා බ්‍රිතාන්‍යයත් අතරේ, නව වෙළෙඳ ගිවිසුමක් ඇති කර ගැණුනි. ඇමෙරිකන් ජනාධිපති ඩොනල්ඩ් ට්‍රම්ප් සහ බ්‍රිතාන්‍යය අග්‍රාමාත්‍ය කියේර් ස්ටාර


නව පාප්තුමාට ලෝක නායකයන්ගෙන් සුබ පැතුම්
2025 මැයි මස 09 52 0

පාප් ධුරයට තේරී පත්වුණු14 වැනි ලියෝ පාප්තුමාට විදෙස් නායකයන්ගෙන් උණුසුම් සුබ පැතුම් හිමිවී ඇත. 14 වැනි ලියෝ පාප්තුමා බවට පත්වූයේ ඇමෙරිකන් කාදිනල්​ රොබට


නව පාප්තුමා 14 වැනි ලියෝ
2025 මැයි මස 08 4569 4

ශුද්ධෝත්තම ෆ්‍රැන්සිස් පාප්තුමන් ස්වර්ගස්ථවීමෙන් පසු, පාප් ධුරය සඳහා සුදුස්සකු තෝරා ගැනීම සිදුවිය. ඒ, වතිකානයේ සිස්ටීන් දෙව්මැදුරේ පැවැති කාදිනල්ව


සුදු දුමක්: පාප් ධුරයට සුදුස්සෙක් තෝරා ගැනෙයි
2025 මැයි මස 08 3353 1

ශුද්ධෝත්තම ෆ්‍රැන්සිස් පාප්තුමන් ස්වර්ගස්ථවීමෙන් පසු, පාප් ධුරය සඳහා සුදුස්සකු තෝරා ගැනීම මීට සුළු මොහොතකට පෙර සිදුවිය. ඒ, වතිකානයේ සිස්ටයින් දෙව්මැ


චීන ජනාධිපති රුසියාවේ සංචාරයක
2025 මැයි මස 08 177 0

රුසියන් ජනාධිපති ව්ලැදිමීර් පුටින් හමුවී සාකච්ඡා පවත්වා, චීනය සහ රුසියාව අතරේ උපාය මාර්ගික හවුල්කාරීත්වය වර්ධනය කර ගැනීම චීන ජනාධිපතිවරයාගේ මෙම සංච


මේවාටත් කැමතිවනු ඇති

හරිත සරසවියේ දෙවැනි අදියර පිම්මක් ඉදිරියට පනී 2025 මැයි මස 09 130 0
හරිත සරසවියේ දෙවැනි අදියර පිම්මක් ඉදිරියට පනී

ශ්‍රී ලංකාවේ විශිෂ්ටතම මට්ටමේ ජාත්‍යන්තර සරසවිය වූ NSBM හරිත සරසවිය ජාතියේ පහන් ටැඹ ලෙස විරුදාවලිය ලත් ලංකා බැංකුව සමග රුපියල් බිලියන 7.3ක් හෙවත් රුපියල්

First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න 2025 අප්‍රේල් මස 29 1312 1
First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න

රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර

HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා. 2025 අප්‍රේල් මස 29 337 2
HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා.

අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප

Our Group Site