අයිඑස් ත්‍රස්තයෝ කොංගෝ වැසියන් 15 ක් මරාදමති

අයිඑස් සටන්කාමීන් විසින් කොංගෝවේ නැගෙනහිර මබාවු ප්‍රදේශයේදී පුද්ගලයින් 15 දෙනකු ඝාතනය කර ඇතැයි වාර්තා වේ.

කඩු හා කිණිසි වැනි ආයුධ වලින් කපා කොටා මොවුන් ඝාතනය කර ඇති අතර එක් පවුලක සාමාජිකයින් හය දෙනකු ඝාතනය කර ඇතැයි සඳහන් වේ.

අසල වනාන්තරයේ වෙසෙන පිග්මි ජනවාර්ගික කණ්ඩායමේ සාමාජිකයින් හත් දෙනකු ද ඝාතනය කර ඇති අතර ඔවුන්ගේ සිරුරු බැඳ දමා උගුර කපා ඇත.

ආසන්නයේ සිටි සෙබළුන්ට ගම්මානයට පැමිණීමට පැය ගණනාවක් ගතවූ බවට ගම්වැසියෝ චෝදනා කරති.

පසුගිය මාසයේදි කොංගෝ හමුදාව කැරළිකරුවන්ට එරෙහිව දැවැන්ත ප්‍රහාරයක් එල්ල කිරීමෙන් පසුව සිදුවූ විශාලම ප්‍රහාරය මෙය බව පැවසේ.

(රොයිටර් පුවත් ඇසුරිණි - 085)

අදහස් (4)

අයිඑස් ත්‍රස්තයෝ කොංගෝ වැසියන් 15 ක් මරාදමති

Pradeep Sunday, 17 November 2019 02:51 AM

අපි ඉස්ලාම් අන්තවාදය පරාද කළයුත්තේ ඇයි කියා නිතරම පවසන්නේ මෙන්න මේ නිසයි. එය අපට පමණක් නොව මුළු ලොවටම තර්ජනයකි. නමුත් අපි කොතෙක් දුරට ඒවාට විරුද්ධද ? අපේ ඇතැම් ක්‍රියාකලාප වලින් වක්‍රාකාරව ඔවුන්ට අනුබල නොදෙන්නේද ?

: 0 34

සෙනෙවිරත්න Sunday, 17 November 2019 05:11 AM

අන්තවාදය පරාජය කළ හැකිවන්නේ මහජාතිය ලෙස මුස්ලිම් ජනයා මානසිකව පිඩාවට ලක්කිරීමෙන්ද? මුස්ලිම් ජනයාගේ විශ්වාසය දිනාගැනීමෙන්ද? සමාජ මාධ්‍ය වල මුස්ලිම් සහ දෙමළ ජනතාවට කරනු ලබන ගැරහීමෙන් මෙම ජනතාව මහජාතියෙන් වෙන්වීම හැර වෙනත් යහපතක් සිදු නොවේ. ඔවුන්ගේ සාධාරණ ඉල්ලීමක් ගැන කතාකරන නායකයන්ට කරනු ලබන ගැරහීම් මතින් ලබා ගන්නා බලය තවත් අඳුරු යුගයක ඇරඹුම විය හැක.

: 19 1

PradeepSunday, 17 November 2019 06:22 AM

ඇස් කන් ඇරලා රටේ ලෝකේ වෙන්නේ මොනවද කියල බලන්න. ඔය කියන සුලු ජාතීන්ගෙන් මහා ජාතියට සිදුවන හිංසාවන් ඔබලාට නොපෙනීම අභාග්‍යයක්.. අනික මම කියන්නේ පැරදවිය යුත්තේ අන්තවාදය බවයි. එයින් කියන්නේ නෑ මේ අහිංසක සිවිල් වැසියන්ට කරදර හිරිහැර කරන්න ඕන කියලා..

: 0 30

සෙනෙවිරත්න Sunday, 17 November 2019 10:33 AM

අන්තවාදය පරාජය කිරීම ගැන වාදයක් නැත. එසේ වුවද මුව හමට තඩි බෑම නොකළ යුතුය. එමගින් සැකය හා අවිශ්වාසය ඇතිවේ.

: 0 0