(ක.ග.කරුණාරත්න)

මේ අවස්ථාවේ රුපියල් 90 පාලන මිලට වඩා සහල් කිලෝව සත පහකින් වත් වැඩි කිරීමේ අව්‍යතාවයක් නැතැයි හිටපු මහවැලි රාජ්‍ය ඇමති රොෂාන් රණසිංහ මහතා අද(25) පොලොන්නරුවේ පැවැති මාධ්‍ය හමුවකදී පැවැසීය.
 
 ආණ්ඩුවක් වී මෝල් පාලනය කරනවා මිස වී මෝල් කාරයින්ට ආණ්ඩුවක් පාලනය කිරීමට බැරි බවද හෙතෙම කියා සිටියේය.
 
හිඟුරක්ගොඩ ප‍්‍රාදේශීය සභාවේ හිටපු සභාපතිවරයෙකු ඇතුලූ මින්නේරිය මැතිවරණ කොට්ඨාසයේ ශ‍්‍රී ලංකා නිදහස් පක්‍ෂයේ ක‍්‍රියාකාරීහු පිරිසක් ශ‍්‍රී ලංකා පොදුජන පෙරමුණට සම්බන්‍ධවිමෙන් පසුව ඔවුන් පිලිගනිමින්  ඒ මහතා මේ බව ප‍්‍රකාශ කලේය.
 
 එහිදී තව දුරටත් අදහස් දැක්වූ රොෂාන් රණසිංහ මහතා මෙසේද කීය.ජන පදනමක් නැති පරාජිත දේශපාලන පක්‍ෂවල අය මැතිවරණවලට ජන්ද කල් දාන්න කතා කරනවා
 
.මේ රටේ ජනතාව තුනෙන් දෙකක බලයක් සහිත ශක්තිමත් ආණ්ඩුවක් සඳහා ශ‍්‍රී ලංකා පොදුජන පෙරමුණට බලය දෙන්න සූදානමින් ඉන්නවා.වැඩබැරි ටාසන්ලා ඉන්න පරණ පාර්ලිමේතුව කැඳවීමට ජනාධිපතිතුමා කිසිසේත්ම සූදානම් නෑ.මොකද පරණ පාර්ලිමේන්තුව කියන්නේ 1948න් පස්සේ බිහි වෙච්ච ජරාම කණ්ඩායමක්,යහපාලනය කියන එකේ හිටපු අති බහුතරයක් ජරාම කණ්ඩායම නියෝජනය කරපු පාර්ලිමේන්තුව තමයි ඒ කාලේ තිබ්බේ.ඒක තමයි හැම පැත්තෙන්ම රට මේ තත්වයට ඇද දැම්මේ.
 
මහ බැංකුමංකොල්ලය,පාස්කු ප‍්‍රහාරය ඒ වගේම රට ආර්ථික වශයෙන් ප‍්‍රපාතයට ගිහිල්ලා රට ආර්ථික වශයෙන් විනාශ කරලා හම්බන්තොට වරාය විකුණලා මේ විනාශ කලේ ඒ අයයි.