IMG-LOGO

2024 අප්‍රේල් මස 16 වන අඟහරුවාදා


ඇමෙරිකාවේ කොරෝනා සාධක බළකා සාමාජිකයින් තිදෙනකුත් නිරෝධායනයට

නව කොරෝනා වයිරසයටඑරෙහිව ක්‍රියාමාර්ග ගැනීම සඳහා ස්ථාපිත කළ ඇමෙරිකා එක්සත් ජනපද කොවිඩ්-19’ කාර්ය සාධක බලකායේ ප්‍රධාන පෙළේ සාමාජිකයන් තිදෙනකු ස්වයං නිරෝධායනයට යොමු වී ඇත.
 
කොරෝනා වයිරසය ආසාදනය වූ පුද්ගලයකුට නිරාවරණය වීමත් සමඟ ඔවුහු එලෙස ස්වයං නිරෝධායනයට යොමු වී සිටිති.

මේ අනුව ස්වයං නිරෝධායනයට යොමු වී ඇත්තේ ඇමෙරිකා එක්සත් ජනපදයේ ‘ආසාත්මිකතා සහ බෝවෙන රෝග පිළිබඳ ජාතික ආයතනයේ’ ප්‍රධානී වෛද්‍ය ඇන්තනි ෆවුචි, රෝග පාලන හා නිවාරණ මධ්‍යස්ථානයේ අධ්‍යක්ෂ වෛද්‍ය රොබට් රෙඩ්ෆීල්ඩ් සහ ආහාර සහ ඖෂධ පරිපාලන ආයතනයේ කොමසාරිස් වෛද්‍ය ස්ටීවන් හාන් යන අයය.
 
ඔවුන් සිය නිවෙස්වල සිට ස්වයං-නිරෝධායනයට යොමු වී ඇති බවත් නිවෙස්වල සිට සිය රාජකාරී කරනු ඇති බවත් විදෙස් මාධ්‍ය වාර්තා කර තිබිණි.

වෛද්‍ය ඇන්තනි ෆවුචි ‘කොවිඩ්-19’ වෛද්‍ය පරීක්ෂණයකට යොමු කළ බවත් ඔහුට වයිරසය ආසාදනය වී නැති බවත් ‘ආසාත්මිකතා සහ බෝවෙන රෝග පිළිබඳ ජාතික ආයතනය’ සඳහන් කළේය. කෙසේ නමුත් දිනපතා ඔහු ‘කොවිඩ්-19’ පරීක්ෂාවට යොමු කරන බව ද එම ආයතනය සඳහන් කළේය.

අවශ්‍ය වුවහොත් වෛද්‍ය ඇන්තනි ෆවුචි ධවල මන්දිරයට යනු ඇති බවත් එහිදි අදාළ සියලු සෞඛ්‍යාරක්ෂිත ක්‍රියාමාර්ග ගන්නා බවත් ඇමෙරිකාවේ ‘ආසාත්මිකතා සහ බෝවෙන රෝග පිළිබඳ ජාතික ආයතනය’ සඳහන් කළේය.
 
වෛද්‍ය රොබට් රෙඩ්ෆීල්ඩ්ට ද වයිරසය ආසාදනය වීමේ අඩු ඉඩක් පවතින බවත් ඔහු ඉදිරි සති දෙක නිවසේ සිට සිය රාජකාරී කරනු ඇති බවත් ‘රෝග පාලන හා නිවාරණ මධ්‍යස්ථානය’ නිවේදනයක් නිකුත් කරමින් සඳහන් කළේය.

ඔවුන් තිදෙනාම ඇමෙරිකා එක්සත් ජනපදයේ සෙනට් කමිටුවක ඉදිරියේ අනිද්දා (12) අදහස් දැක්වීමට නියමිතව තිබිණි. පවතින තත්ත්වය සැලකිල්ලට ගනිමින් ඔවුන් තිදෙනාම විඩියෝ තාක්ෂණය ඔස්සේ සෙනට් කමිටුව ඉදිරියේ අදහස් දැක්වීමට නියමිතය.
ඇමරිකා එක්සත් ජනපදයේ උප ජනාධිපති මයික් පෙන්ස්ගේ මාධ්‍ය ලේකම් කේටි මිලර්ට කොරෝනා වයිරසය ආසාදනය වී ඇතැයි පසුගිය සිකුරාදා (8) පස්වරුවේ තහවුරු විය. ඔහුගේ ස්වාමිපුරුෂයා වන ස්ටීවන් මිලර් ජනාධිපති ඩොනල්ඩ් ට්‍රම්ප්ගේ ඉහළ පෙළේ උපදේශකයෙකි.

ජනාධිපති ඩොනල්ඩ් ට්‍රම්ප්ගේ ආරක්ෂක අංශයේ සේවය කරන අයකුට ද කොරෝනා වයිරසය ආසාදනය වී ඇතැයි ඇමෙරිකානු මාධ්‍ය බ්‍රහස්පතින්දා (7) වාර්තා කළේය.

ඇමෙරිකානු ජනාධිපතිවරයාගේ දියණියක වන ඉවන්කා ට්‍රම්ප්ගේ පෞද්ගලික සහායකුට කොරෝනා වයිරසය ආසාදනය වී ඇති බව තහවුරු වී ඇතැයි සී.එන්.එන්. පුවත් සේවය සිකුරාදා වාර්තා කළේය. 
 
ඉවන්කා ට්‍රම්ප් ජනාධිපතිවරයාගේ උපදේශිකාවක ද වන අතර ඇය මාස දෙකක් මුළුල්ලේ විඩියෝ තාක්ෂණය ඔස්සේ සිය රාජකාරිවල නිරත වන බැවින් ඇයට අවදානමක් නැතැයි ද එම මාධ්‍ය වාර්තාවල දැක්විණි.

ධවල මන්දිරයේ සේවකයකුට කොරෝනා වයිරසය ආසාදන වී ඇති බව මුලින්ම අනාවරණය වූයේ ඉකුත් මාර්තු මාසයේදී ය.

කෙසේ නමුත් දින කිහිපයක් ඇතුළත ආසාදිතයන් කිහිපදෙනකු වාර්තා වීමත් සමඟ ධවල මන්දිරයට පැමිණෙන අයගේ සෞඛ්‍යාරක්ෂවා සම්බන්ධයෙන් අවදානමක් මතුව ඇත.

වෛද්‍ය ඇන්තනි ෆවුචි,වෛද්‍ය රොබට් රෙඩ්ෆීල්ඩ් සහ වෛද්‍ය ස්ටීවන් හාන් යන ‘කොවිඩ්-19’ කාර්ය සාධක බලකායේ ප්‍රමුඛ සාමාජිකයන් ස්වයං-නිරෝධායනයට යොමු වූව ද අන් අය එසේ නොකරන්නේ ඇයිදැයි ඇමෙරිකානු මාධ්‍ය විමසා තිබිණි.

ධවල මන්දිරියේ බොහෝ දෙනා සමාජ දුරස්ථභාවය පවත්වා ගන්නේ නැතැයි ද මුඛ ආවරණ පළඳින්නේ නැතැයි ද ඇමෙරිකානු මාධ්‍ය වාර්තා කර තිබිණි.ඇමෙරිකා එක්සත් ජනපද ජනාධිපති ඩොනල්ඩ් ට්‍රම්ප් පවා මුඛ ආවරණ පැළැඳීම ප්‍රතික්ෂේප කරයි.

ඇමෙරිකානු ජනාධිපතිවරයා ධවල මන්දිරයේදී ඊයේ (9) එරට ආරක්ෂක ප්‍රධානීන් හමු වූ අතර එහි පැමිණි කිසිවකුත් මුඛ ආවරණ පැළැඳ සිටියේ නැත. කෙසේ නමුත් ඔවුන් තරමක් ඈතින් වාඩි වී සිටි බව ඇමෙරිකානු මාධ්‍ය වාර්තා කර තිබිණි.
 
ධවල මන්දිරයෙන් දින කිහිපයක් ඇතුළත ආසාදිතයන් තිදෙනකු වාර්තා වීමත් සමඟ ධවල මන්දිර කාර්යමණ්ඩලය දිනපතා ‘කොවිඩ්-19’ පරීක්ෂණවලට යොමු විය යුතු යැයි ඇමෙරිකානු ජනාධිපතිවරයා නියෝග කර ඇත.
 
ආසාදිතයන් හමු වීමත් සමඟ ජනාධිපති ඩොනල්ඩ් ට්‍රම්ප් සහ උප ජනාධිපති මයික් පෙන්ස් ද ‘කොවිඩ්-19’ පරීක්ෂණවලට යොමු කළ අතර ඔවුන් දෙදෙනාට කොරෝනා වයිරසය ආසාදනය වී නැති බව එහිදි තහවුරු විය.
 
ද ගාඩියන් ඇසුරිනි
ඡායාරූප – රොයිටර්ස්

055

 



අදහස් (1)

ඇමෙරිකාවේ කොරෝනා සාධක බළකා සාමාජිකයින් තිදෙනකුත් නිරෝධායනයට

anura Sunday, 10 May 2020 11:44 AM

ලෝකයේ දියුණුම රට දැන් ලෝකේ නොදියුණුම රට බවට පත්වෙලා....!

:       0       0

ඔබේ අදහස් එවන්න

සයුරෙන් එතෙර

ඉරානයට පහර දෙන්න සුදුසු අවස්ථාව එනකල් ඉන්නවා
2024 අප්‍රේල් මස 15 2950 1

ඉරානයට පහරදීමට සුදුසු අවස්ථාවක් ලැබෙන තුරු බලා සිටින බව ඊශ්‍රායලය ඊයේ (15) පැවැසීය.


තවත් යුද්ධයක් එපා: ජගත් මහ ලේකම් කියයි
2024 අප්‍රේල් මස 15 842 1

මැද පෙරදිග කලාපයට හෝ ලෝකයට තවත් යුද්ධයක් දරා ගත නොහැකි බවත්, එම නිසා ඉරානයත් ඊශ්‍රායලයත්, අඩියක් ආපස්සට තැබිය යුතු බවත් එක්සත් ජාතීන්ගේ මහලේකම් ඇන්ටෝන


මෝදිගේ ජනතා පක්ෂය ප්‍රතිපත්ති ප්‍රකාශය එළිදක්වයි
2024 අප්‍රේල් මස 14 72 0

ඉන්දීය අග්‍රාමාත්‍ය නරේන්ද්‍ර මෝදි සහ ඔහුගේ ‘භාරතීය ජනතා පක්ෂය’ ඔවුන්ගේ ප්‍රතිපත්ති ප්‍රකාශය එළදැක්වීය.


ලෝක නායකයෝ ඉරාන මිසයිල ප්‍රහාරය හෙළා දකිති
2024 අප්‍රේල් මස 14 2961 5

ඉරානය සහ ඉරාකයේත් යේමනයේත් සිටින ඉරාන හිතවාදී සටන්කාමීන් පසුගිය 14 වැනිදා ඊශ්‍රායලයට මිසයිල සහ නියමුවන් රහිත ඩ්‍රෝන යානා 300 ක් යොදා ගනිමින් කළ ප්‍රහාරය


සිඩ්නි ප්‍රහාරකයා හඳුනා ගැනෙයි
2024 අප්‍රේල් මස 14 3878 3

ඕස්ට්‍රේලියාවේ වෙස්ට්ෆීල්ඩ් බොන්ඩි පළාතේ, සුපිරි වෙළෙඳ සංකීර්ණයක් තුළ පිහි ප්‍රහාර එල්ල කරමින් 6 දෙනකු මරා දැමූ ප්‍රහාරකයා 40 හැවිරිදි ජොඑල් කවුචි නමැ


ඉරානයෙන් ඊශ්‍රායලයට ප්‍රබල ප්‍රහාරයක්
2024 අප්‍රේල් මස 14 7295 2

මිසයිල සහ නියමුවන් රහිත ඩ්‍රෝන යොදා ගනිමින්, ඉරානය ඊශ්‍රායලයට ප්‍රහාරයක් එල්ල කළේය. පැය 24 ක් ඇතුළත, ඉරානයෙන් ප්‍රහාරයක් එල්ල වේවි යැයි සීරුවෙන් සිටි ඊ


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 131 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 1397 0
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1337 2
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site