IMG-LOGO

2025 සැප්තැම්බර් මස 16 වන අඟහරුවාදා


ප්‍රංශ පාපන්දු කණ්ඩායමේ නිල බැනියම මොනාලිසාට ඇන්දුවාට ඉතාලිය අමනාපෙන්

 

ප්‍රංශය 2018 ලෝක පාපන්දු ශුරතාව දිනාගැනීමත් සමගම, එම ජයග්‍රහණය සැමරීමේදී දැනට පැරිසියේ ලූවර් කෞතුකාගාරයේ තැන්පත්ව ඇති මොනාලිසා චිත්‍රයට කිසිවකු විසින් ප්‍රංශ පාපන්දු කණ්ඩායමේ නිල බැනියම අන්දවා, එම චිත්‍රය අන්තර්ජාලයට මුදාහැර තිබීම පිළිබඳව ඉතාලියේ බොහෝදෙනෙකු තම අප්‍රසාදය පළකරති.   


අද මොනාලිසා ලෙස ප්‍රසිද්ධව ඇත්තේ, ඉතාලි ජාතික ලෙනාඩෝ ඩා වින්චි විසින් 1506 දී එවකට ෆිරෙන්සියේ සුප්‍රසිද්ධ වෙළෙඳ ව්‍යාපාරිකයකු වූ ෆ්‍රැන්සිස්කෝ ජොකොන්දා ගේ බිරිඳ වූ, ලීසා ජෙරර්දීනී ගේ සිතුවම් කළ රුව ය. 1516 දී ලෙනාඩෝ ඩා වින්චි ප්‍රංශයට සංක්‍රමණය වීමේදී මෙම චිත්‍රය රැගෙන ගොස්, එහිදී පළවැනි ෆ්‍රැන්සිස්කෝ රජුට විකුණා ඇත. 1797 සිට මෙම චිත්‍රය පැරිසියේ ලූවර් කෞතුකාගාරයේ මහජන ප්‍රදර්ශනය සඳහා තබා ඇති අතර, නැපෝලියන් බොනපාට් විසින් මෙය රැගෙනගොස් තම යහන් ගැඹේ තබාගෙන සිටි බවක් ද පැවසේ.   


කෙසේ නමුදු 1804 නැවත මොනාලිසා සිතුවම ලූවර් කෞතුකාගාර භාරයට පත්වී ඇත. අද වුවද ඉතාලි ජාතිකයන් විසින් මෙම චිත්‍රය හඳුන්වනු ලබන්නේ මොනාලිසා ලෙස නොව ජොකොන්දා (ඇගේ සැමියාගේ පෙළපත් නාමය) ලෙස ය. මොන නමින් හැඳින්වුවද, ජගත් කීර්තියට පත්වුවද, ලෙනාඩෝ ඩා වින්චි විසින් සිතුවම් කර ඇති අනෙකුත් කාන්තා මධ්‍යම ප්‍රමාණ රූප හා සැසඳීමේදී, මොනාලිසා හොඳම සිතුවම නොවේ. (සෙන්ටි මීටර් 77 ක් උස හා සෙන්ටි මීටර් 53 ක් පළල මොනාලිසා චිත්‍රය, ඇහැටු පවුලට අයත් යුරෝපයේ වැවෙන ගසකින් ඉරාගත් ලෑල්ලක් මත තෙල් සායමින් නිර්මාණය කර ඇති අතර, තෙවරකට වැඩි වාර ගණනක් ලෙනාඩෝ විසින්ම මෙම චිත්‍රයේ වෙනස්කම් කර ඇති බව එක්ස් කිරණ පර්යේෂණ මගින් තහවුරු වී ඇත)   


මොනාලිසා චිත්‍රයට ප්‍රංශ පාපන්දු කණ්ඩායමේ නිල බැනියම ඇන්ඳවීම පිළිබඳව උරණවී සිටින ඉතාලි ජාතිකයන් කියන්නේ, ජොකොන්දා ප්‍රංශයේ පදිංචිව සිටියද ඇය ඉතාලි පුරවැසියක බවය. තම ලෝක පාපන්දු ජයග්‍රහණය සැමරීමේදී, විදේශික කාන්තාවකට තම පිළේ නිල ඇඳුම අන්ඳවා ප්‍රචාරය කිරීම නොසුදුසු බව බොහෝදෙනාගේ පිළිගැනීමය.   


2018 ලෝක පාපන්දු ශුරතා තරග සඳහා සුදුසුකම් ලැබීමේ මුල් තරගවලදීම ඉතාලිය පරාජයට පත්වීමේ වේදනාව උක්ත අප්‍රසාදය තුළ නැතුවාම නැතැයි සිතෙන්නේ, හඬන්නට සිටින එකාගේ ඇහැට ඇඟිල්ලෙන් ඇන්නා වාගෙයි යන අපේ කියමන සිහිවෙන විටය.   


මීට වසර කීපයකට පෙර ශ්‍රී ලංකාවේ ප්‍රධාන පෙළේ බැංකුවක් ඉතාලියේ තම  ප්‍රචාරක කටයුතු සඳහා, දැනට ෆිරෙන්සියේ උෆිට්සි කෞතුකාගාරයේ තැන්පත් කර ඇති මයිකල් ආන්ජෙලෝ ගේ ඩේවිඩ් ප්‍රතිමාවට සරමක් අන්දවා කළ නිර්මාණයක් යොදාගත්තද, එය මතභේදයට තුඩු දුන්නේ නැත.   

 

 

 

 

කල්ප ගුරුගේ   
මිලානෝ



අදහස් (0)

ප්‍රංශ පාපන්දු කණ්ඩායමේ නිල බැනියම මොනාලිසාට ඇන්දුවාට ඉතාලිය අමනාපෙන්

ඔබේ අදහස් එවන්න

 

 
 

වැඩි දෙනා කියවූ පුවත්


මහින්ද ආපහු කොළඹ පදිංචියට
2025 සැප්තැම්බර් මස 14 28466 30


’’අනුර ගෝ ගම පටන් ගත්තා’’
2025 අගෝස්තු මස 26 18194 35

රන්ජන් පීල්ල මාරු කරයි
2025 සැප්තැම්බර් මස 14 10951 7

මේවාටත් කැමතිවනු ඇති

ගෝලීය නොබෙල් සාම සමුළුවේ ප්‍රධාන ආරාධිත අමුත්තා ලෙස මහාචාර්ය මොහාන් මුණසිංහ මහතාට ගෞරවය හිමිවේ 2025 සැප්තැම්බර් මස 11 679 0
ගෝලීය නොබෙල් සාම සමුළුවේ ප්‍රධාන ආරාධිත අමුත්තා ලෙස මහාචාර්ය මොහාන් මුණසිංහ මහතාට ගෞරවය හිමිවේ

2007 නොබෙල් සාම ත්‍යාගයේ සම-ජයග්‍රාහකයා (උප සභාපති, IPCC-AR4) සහ 2021 නිල් ග්‍රහලෝක ත්‍යාගය(Blue Planet Prize) ලැබූ මහාචාර්ය මොහාන් මුණසිංහ මහතා

සියපත ෆිනෑන්ස් 57 වැනි ශාඛාව තඹුත්තේගම නගරයේදී දැන් විවෘතයි 2025 සැප්තැම්බර් මස 11 202 0
සියපත ෆිනෑන්ස් 57 වැනි ශාඛාව තඹුත්තේගම නගරයේදී දැන් විවෘතයි

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 57 වැනි ශාඛාව පසුගියදා තඹුත්තේගම නගරයේදී විවෘත කෙරිණ. සියපත ෆි

ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි. 2025 අගෝස්තු මස 30 857 0
ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි.

ශ්‍රී ලංකාවේ ප්‍රමුඛතම නාගරික අපද්‍රව්‍ය කළමනාකරණ සේවා සපයන්නා වන Abans සමූහයේ තිරසාර අංශය ද වන ක්ලීන්ටෙක් පුද්ගලික සමාගම, SCOPE වැඩසටහන යටතේ, ශ්‍රී ලංකා වා

Our Group Site