IMG-LOGO

2025 පෙබරවාරි මස 07 වන සිකුරාදා


ඉතාලියේ උමං දුම්රිය පොළක රෝම යුගයේ කෞතුකාගාරයක්

 

ක‍්‍රිස්තු පූර්ව පළමුවැනි ශතවර්ෂයේ සිට ක‍්‍රිස්තු වර්ෂ පස්වැනි ශතවර්ෂය දක්වා වූ ශතවර්ෂ හයකට ආසන්න කාලයක් පැවති රෝම අධිරාජ්‍යයේ පරිපාලන මධ්‍යස්ථානය වූවේ රෝමයයි. රෝම අධිරාජ්‍යයේ පරිපාලන ගොඩනැගිලි, අධිරාජ්‍යයාගේ මාලිගා, සිටු මැදුරු හා පොදු ජන වාසස්ථාන ද රදළ හා සාමාන්‍ය ජනයාගේ සුභසිද්ධිය සහ විනෝදය සඳහා වන සියලුම අංගෝපාංගවලින් ද සම්පූර්ණ වූ රෝමය, සුවිසල් නගරයක්ව අද මෙන්ම එදා ද පැවතුනි. ක‍්‍රි.ව. පස්වැනි ශතවර්ෂයේ අවසන් භාගයේ පටන් රෝම අධිරාජ්‍යයේ වැටීමත් සමගම මෙම සුවිසල් නගරය ජරාජීර්ණවී කාලයේ වැලිතලාවෙන් වැසීයාමට පටන්ගති. පසුකාලීනව එම නටඹුන් මත කලින් කල අවශ්‍යතාවයට අනුව නව ගොඩනැගිලි ඉදිවෙන්නට විය.   


රෝම අධිරාජ්‍ය බිඳවැටී ශතවර්ෂ ගණනකට පසුව වුවද, වර්තමානයේ විවිධ   
හේතූන් මත රෝමයේ භූ කැනීම් කිරීමේදී ඓතිහාසික වටිනාකමක් ඇති නටඹුන් හමුවීම වැළකිය නොහැකිය. කෙටියෙන් කිවහොත් ඓතිහාසික වටිනාකමක් ඇති වළං කටු කැබැල්ලක් හෝ හමුනොවෙන බිම් අඟලක් රෝමයේ නැති තරම් ය. භූගත මේ ඉපැරණි ඓතිහාසික දේ අතර දෙවැනි ලෝක සංග‍්‍රාමයේ දී ජර්මන් නාසි හමුදාවන් විසින් මෙන්ම එක්සත් ජාතීන්ගේ හමුදාවන් විසින් ද ගුවනින් හෙළන ලද එහෙත් පුපුරා නොගිය ටොන් ගණන් බරැති බෝම්බ ද වේ.   

 


රෝමයේ තෙවැනි උමං දුම්රිය සේවය (මෙට්රෝ සී) සඳහා කිලෝ මීටර 25.6ක් දිග උමඟක් සඳහා 2007 වසරේදී ආරම්භ කරන ලද කැනීම්වලදී, යුග කීපයකට අයත් ඓතිහාසික වටිනාකමක් ඇති නටඹුන් කොටස් දහස් ගණනින් හමුවී ඇත. මෙසේ හමුවූ සියලුම කෞතුක වස්තූන් එක්තැන් කර, සැන් ජොවන්නි උමං දුම්රියපොළ තුළ දැන් කෞතුකාගාරයක් විවෘත කර ඇත.   


පොළව මට්ටමේ සිට මීටර් 27ක් භූගතව පිහිටා ඇති මෙම උමං දුම්රිය පොළ මහජනයාට විවෘත කිරීමත් සමගම, මෙම කෞතුකාගාරය නැරඹීමේ අවස්ථාව උමං දුම්රිය මගීන්ට ලැබෙනු ඇත. පොළව මතුපිට දොරටුවේ සිට භූගත උමං දුම්රිය වේදිකාවට පිවිසෙන විදුලි සෝපනවල ගමන් කරන මගීන්ට කෞතුකාගාරය තුළ තබා ඇති නටඹුන් හමුවූ ඒ ඒ යුගයට අයත් පස් ස්ථර හඳුනාගැනීම සඳහා පැහැදිළිව සටහන් කර ඇත. උමං දුම්රිය පොළ කෞතුකාගාරයේ තබා ඇති මුල්‍යමය තක්සේරුවක් කළ නොහැකි කෞතුක වස්තූන්ගේ ආරක්ෂාව සඳහා නවීන ආරක්ෂක මෙවලම් ද සවිකර ඇත. මෙම කෞතුකාගාරය නැරඹීම සඳහා විශේෂ ප‍්‍රවේශපතක් මිලට ගැනීමක් අවශ්‍ය නොවන අතර උමං දුම්රිය ගමන සඳහා යෙදාගත් ප‍්‍රවේශපතම වලංගුය. රෝමයේ සැන් ජොවන්නි උමං දුම්රිය පොළ කෞතුකාගාරයේ දර්ශන කීපයක් ඡායාරූපවලින් දැක්වේ.   

 


ගැස්කොන් ලාසරස්  
රෝමය, ඉතාලිය.   



අදහස් (0)

ඉතාලියේ උමං දුම්රිය පොළක රෝම යුගයේ කෞතුකාගාරයක්

ඔබේ අදහස් එවන්න

 

 

සයුරෙන් එතෙර

කොරියානු ගුවන් අනතුර පිටසක්වළ බලපෑමක්
2025 ජනවාරි මස 20 265 0

කොරියාවේ දී පසුගිය දා සිදුවූ, නිසි හේතුවක් තවමත් අනාවරණය කරගත නොහැකි වූ බෝයිං ගුවන් යානයේ අනතුර සම්බන්ධයෙන් භාවනායෝගීව සිටින ධ්‍යානලාභී හිමිනමක් හෙ


අසාද් යයි සිරියාව කාටද? ඊස්ශ්‍රාලයත් බොර දියේ මාළු බායි
2024 දෙසැම්බර් මස 16 146 0

සිරියාවේ මොකද වෙන්නේ...? මේ පසුගිය ඉරිදා සිට මේ දක්වා ලෝකයේත් ලංකාවේත් විදෙස් තතු ගැන උනන්දුවක් දක්වන්නන් අතර නිරන්තරයෙන් නැගුණ ප්‍රශ්නයක්. කොහොමත් 2011 අ


ගංවතුරට මැදිව පොල්අතු වහලක් උඩ සිටි අයෙකු බේරාගැනේ
2024 නොවැම්බර් මස 27 1266 0

එරාවූර් මයිලවට්ටවන් ප්‍රදේශයේ ගංවතුරට මැදිව පොල්අතු වහලක් උඩ සිටි පුද්ගලයකු ගුවන් හමුදාවේ හෙලිකොප්ටර් යානයක් මගින් අද (27) බේරාගනු ලැබීය.


තමිල්නාඩු විජේගේ දේශපාලනයට සම්ප්‍රාප්තිය
2024 නොවැම්බර් මස 04 251 0

දකුණු ඉන්දීය සුපිරි තරුව තලපති විජේ, තමිල්නාඩුවේ විල්ලු‍පුරම් දිස්ත්‍රික්කයේ වික්‍රවන්දි නගරේ දැවැන්ත වේදිකාවට පය තැබුවේ ලක්ෂ තුනකට වැඩි රසික රසික


ගාසාවෙන් ආරුගම්බේට පතිත වූ මිසිලය
2024 ඔක්තෝබර් මස 28 198 0

සතියේ මාතෘකාව ආරුගම්බේ විය. රට පුරා ආන්දෝලනයකි. ඒ ඇමෙරිකාව “ සංචාරක අනතුරු ඇඟවීමක්” නිකුත් කර බට කැලේට ගිනි තැබීමත් සමගයි.’’ සංචාරක පුරවරයක් වෙන ආරුගම


මියන්මාරයේ පිපිරීමට ආසන්න ථෙරවාදී බලකොටුව
2024 අගෝස්තු මස 21 496 0

මියන්මාරයට බ්‍රිතාන්‍යයෙන් නිදහස ලැබුණේ 1948 ජනවාරි 4 වැනිදාය. ඒ ලංකාවේ අප නිදහස ලැබීමට හරියටම මසකට කලින්ය. නිදහස ලැබීමට පෙර මියන්මාරයේ බහුතර බෞද්ධ ජනතා


මේවාටත් කැමතිවනු ඇති

උසස් පෙළින් පසු ඔබේ අනාගතය සැලසුම්කරන්න NSBM “Meet Your Lecturer” මේ සතිඅන්තයේ 2025 ජනවාරි මස 23 99 0
උසස් පෙළින් පසු ඔබේ අනාගතය සැලසුම්කරන්න NSBM “Meet Your Lecturer” මේ සතිඅන්තයේ

මෙවර උසස් පෙළ අවසන් කළ සිසුන්ට නිවැරදි මග පෙන්වීමක් ඇතිව තම අනාගතය සැලසුම් කිරීමට අවස්ථාව ලබාදෙමින් මෙරට ප්‍රමුඛතම විශ්වවිද්‍යාලයක් වන NSBM

“NSBM Edu Fair” උසස් අධ්‍යාපන  ප්‍රදර්ශනය  මේ සති අන්තයේ කොළඹ සහ මහනුවර දී 2025 ජනවාරි මස 08 811 0
“NSBM Edu Fair” උසස් අධ්‍යාපන ප්‍රදර්ශනය මේ සති අන්තයේ කොළඹ සහ මහනුවර දී

NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්‍රදර්ශනය අති සාර්ථක ලෙස ඉකුත් සතිඅන්තයේ විශ්වවිද්‍යාල පරිශ්‍රයේදී පැවැත්විණි.

HUTCH ශ්‍රී  ලංකාවේ උසම නත්තල් කුළුණ සමගින් ශ්‍රී  ලාංකිකයන්ගේ බලාපොරොත්තු දල්වයි. 2024 දෙසැම්බර් මස 24 756 2
HUTCH ශ්‍රී ලංකාවේ උසම නත්තල් කුළුණ සමගින් ශ්‍රී ලාංකිකයන්ගේ බලාපොරොත්තු දල්වයි.

අසිරිමත් නත්තල් සිරියෙන් රටම ආලෝකමත් වූ මොහොතේ මෙරට ප්‍රමුඛතම ජංගම දුරකථන සේවා සම්පාදන සමාගමක් වන HUTCH විසින් ශ්‍රී ලංකාවේ උසම නත්තල් කුළුණ නිර්මාණය කළ

Our Group Site