ආදරවන්තයින්ගේ දිනය වෙනුවෙන් 2020 නව වසරේ ප්‍රථම සංගීත ප්‍රසංගය ලෙස ද සයිප්‍රස් රාඡ්‍යයේ වෙසෙන සංගීත ලෝලි ශ්‍රී ලාංකිකයින්ගේ විනෝදාස්වාදය උදෙසාද පැවැත්වීමට නියමිත මෙම සංගීත ප්‍රසංගය සංවිධානය කරනු ලබන්නේ මහේෂ් මදුසංක (විසිට්) මංගල ප්‍රදිප් සහ නලින් යන අයයි. 

මෙම ප්‍රාසාංගික වේදිකාව හැඩ ගන්වන්නට ගායන ශිල්පීන් ලෙස සහභාගි වෙන්නේ දෙරණ සුපර්ස්ටාර් වේදිකාව අමන්දානන්දයට පත් කළ දිවයිනේ දක්ෂතම හා ජනප්‍රිය යොවුන් පරපුරේ ගායකයකු වන “සංගීතේ” ටෙලි නාටකයේ සිහින තරුව ලවන් අභිෂේක්ය. ඒ සමගින් රටම හඳුනන තියුණු හඬ යොවුන් ගායක ශිල්පි විරාජ් පෙරේරා ද “ආදරණිය සංගීතේ” ගී ගයයි. 

මෙම ප්‍රසංගයට සංගීතය සපයනු ලබන්නේ තාරක සඳරුවන් ප්‍රමුඛ සයිප්‍රස් සී ශයින් සංගීත කණ්ඩායමයි. කථනය සහ නිවේදන කටයුතු සිදු කරනු ලබන්නේ සයිප්‍රසයේ ප්‍රවීණ නිවේදක ශිල්පි ප්‍රසාද් බණ්ඩාර මහතායි. ශබ්ද පරිපාලනය දුලාන් චාමරයි සාදර අනුග්‍රහය කීප්‍රෝ ලංකා. 

2020 පෙබරවාරි මස 23 වැනි ඉරු දින දහවල් 12 සිට නිකෝසියා ලචිචා හි මෙටිට්‍රොපොලිටන් ශාලාවෙහිදී (සුපර් හෝමි සෙන්ටර් අසල) පැවැත්වේ.

විමලා යාපා, නිකෝසියා, සයිප්‍රස්.