මිතුරකු දුන් උපදේශයක් අනුව තම හිසකෙස් හැඩ ගැන්වීම සඳහා රත්කළ හීටරයක් හිස කෙස් මත තැබූ තරුණයෙකු දැඩි පිළිස්සුම් තුවාල ලබා රෝහල් ගත කළ බව කියවෙන පුවතක් වාර්තා විය.
සිද්ධිය මෙසේය.
පාසල් විය ඉක්මවූ ඔහු ජීවිකාව ලෙස පෙදරේරු වෘත්තියේ නියැළුනද තම රූප සෝභාව ගැන මෙන්ම විලාසිතා ගැනද ඉහළ උනන්දුවක් දැක්වූ පුද්ගලයෙක් විය.
වැඩ බිමට යද්දී මෙන්ම ඉන් පිටව යද්දීද ඔහු තම ඇඳුම් පිළිබඳ විශේෂ සැලකිල්ලක් දැක්වූයේ ඔහු පෙදරේරුවෙකු යැයි කිසිවෙකුටත් සිතාගන්නට නොහැකිවන පරිද්දෙනි.
ක්රීම් වර්ග මෙන්ම විවිධ සුවඳ විලවුන් වර්ගවලට සිය වැටුපෙන්ද හෙතෙම විශාල මුදලක් වෙන් කළේ සිය මිතුරන්ගේ අවවාද පවා නොසලකා හරිමිනි.
ඔහු පිළිබඳ දන්නා ඔහුගේ වැඩපළේ මිතුරු පිරිසද වැඩපොළ අතරතුරදී රූපලාවන්ය පිළිබඳ ඔහුට විවිධ උපදෙස් ලබාදුන්නේ ඒ පිළිබඳ ඔහු තුළ ඇති උනන්දුව නිසාමය.
සිය හිසකෙස්වල පිහිටීම පිළිබඳව දැඩි කණස්සල්ලෙන් සිටි ඔහු තම කේෂ කලාපය කර්ල් කර ගැනීමට මගක් බලමින් හිඳිනු දුටු වැඩපොළේ එක් මිතුරෙකු ඊට කදිම උපදෙසක් දුන්නේ සෙසු පිරිසගේද සහයෝගය මතය.
“මචං, කොණ්ඩ හදන තැනක මම කාලයක් වැඩකළා. ඒ අය කරන්නේ අපි වතුර උණුකරන හීටරයක් රත්කරල ගානකට ඔලුවේ කොණ්ඬේ උඩින් තියන එකයි.” සිය මිතුරාගේ කතාව විශ්වාස කළ හෙතෙම වැඩ ඇරී නිවස බලා ගියේ රුපියල් 800ක් පමණ වැයකර අලුත්ම හීටරයක්ද මිලදීගෙනය.
කෙසේ වෙතත් පසුදින තම මිතුරා සේවයට පැමිණ නැති බව දුටු මිතුරු පිරිස ඒ පිළිබඳ සොයා බලද්දී ඔවුන්ට අසන්නට ලැබුණේ හිසට සිදුවූ දැඩි පිළිස්සුම් තුවාල හේතුවෙන් පෙරදින රාත්රියේදීම ඔහු නගරයේ රෝහලකට ඇතුළත් කළ බවකි.
කෙසේ වෙතත් දැන් මිතුරු පිරිස ඔහු මගහැරීමට උත්සහ කරන බවද දැනගන්නට ඇත.
(වියලුව - වාර්තාකරු)
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ්රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි
සීඝ්රයෙන් පරිවර්තනය වෙමින් පවතින ශ්රී ලංකාවේ සෞඛ්ය සේවා ක්ෂේත්රයට නායකත්වය දෙන හේමාස් රෝහලේ අලූත්ම හඳුන්වාදීම හේමාස් හෙල්ත් ප්ලස් ( Hemas Health P
හිසකෙස් හැඩ කරන්න හීටරය කෙස් උඩ තියලා: තරුණයා රෝහලේ
ලංකාසිරි Wednesday, 10 August 2016 10:26 PM
දුදන ආශ්රය තමයි විනාශයට මුල (නි)
අයිරාංගනී Wednesday, 10 August 2016 11:05 PM
අනේ දෙවියනේ මෙහෙමත් මෝඩ මිනිස්සු!
බෙනට් Thursday, 11 August 2016 11:57 AM
අනේ මෙහෙමත් මෝඩ මිනිස්සු! (නි)
බණ්ඩාර - කැකිරාව Thursday, 11 August 2016 11:52 AM
අඩු වියදමින් කොණ්ඩය කර්ල් කරගන්න ගියා මදැයි. මේ යාලුවෝ නෙමෙයි. මාරයෝ. දැන්වත් දැනගත්ත එක හොඳයි. (නි)
ජයරත්න Thursday, 11 August 2016 08:01 AM
ඔහු වෘත්තියෙන් පෙදරේරුවෙක් නම් එතරම් මෝඩ පුද්ගලයෙකු යැයි හිතන්න බැහැ. නමුත් පමණට වඩා තම රූප සෝභාව ගැන උනන්දු වීම යම් මානසික රෝගයක් විය හැකියි. එවැනි පුද්ගලයන් මීටත් වඩා භයානක ක්රියාවන් වලට පෙලඹීමට ඉඩ තිබෙනවා. (බ)
නිරූ Thursday, 11 August 2016 09:17 AM
මමත් අහල තියෙනවා එක්තරා බෝඩිමක තරුණයෝ පිරිසක් රෙදි මදින්න විදුලි ඉස්ත්රික්කය ඉල්ලගෙන එ්කේ තියල රොටි පුච්චන් කාපු කතාවක්. බෝඩිමේ හිමිකරුට රොටි සුවඳක් දැනිල හොයල බලනකොට වැඩේ අහුවෙලා. (බ)
මයුරි Saturday, 13 August 2016 01:50 PM
අනේ හැබෑට මෙහෙමත් යාළුවෝ? (නි)