වයඹ පළාතේ පොලිස් බලප‍්‍රදේශයක කාලයක් තිස්සේ පවත්වාගෙන ගිය සූදුපොළක් වැටලීමට ප‍්‍රදේශයේ පොලිස් ස්ථානයේ නිලධාරීන් පිරිසක් පසුගියදා ගියේ ගමේ අයකුගෙන් ලැබුණු ඔත්තුවකටය. එහිදී සූදුවේ නිරතවී සිටි කීපදෙනකු අල්ලාගත්තත් සූදුපොළේ ලොක්කා අල්ලා ගැනීමට බැරි වූයේ ඔහු තම යතුරුපැදියෙන් පැන ගිය හෙයිනි. අල්ලාගත් සැකකරුවන්ගේ පාපෝච්චාරණ මත ලොක්කා අල්ලා ගැනීමට ස්ථානාධිපතිවරයාද තවත් නිලධාරීහු දෙදෙනෙක්ද යළි එහි ගියහ. එන කවර අභියෝගයකට වුවද මුහුණ දීමේ අරමුණක් ඔහු තුළ විය. කෙසේ වෙතත් දැඩි අපහසුතාවක් නැතිව ඔහු අත්අඩංගුවට ගැනීමට හැකිවූ අතර අල්ලාගත් සැකකරුවාගේ මුහුණ බැලූ පොලිස් ස්ථානාධිපතිවරයාට දෙවියන් සිහිවූයේ මෙයට සති කීපයකට පෙර තම දරුවකුගේ උප්පැන්න සහතිකයකට වූ වරදක් නිවැරදි කිරීමට දිවුරුම් පෙත්සමක් අත්සන් කළ සාම විනිසුරුවරයා ඔහු වූ බැවිනි.