පසුගිය දිනෙක වයඹ ගමක එක්දරු පියෙක් හදිසියේ මිය ගියේය. තුරුණු වියේ සොඳුරු පෙනුම තවමත් පහව ගොස් නොමැති ඔහු ප්රදේශයේ ජනපි්රය පුද්ගලයෙකි. ඔහු දන්නා උදවිය වගේම බොහෝ ප්රදේශවල හිතවත්හු ද බොහෝ වූහ. එම නිසා ඔහුගේ මරණය සිදුවූ දා සිට අවසන් කටයුතු සිදු කළ අවස්ථාව දක්වා විශාල ජනගඟක් ඔහුගේ නිවසට ගැලූවාය. ඔහුගේ බිරිය ගේ හැඩ වැඩ තවම අඩු වී නැත. දරුවා සමග නොසිටින විට දරුවකු සිටින මවකයැයි අනුමාන වත් කළ නොහැකි තරමට ඇය රූමත්ය. සැමියාගේ සමීප මිතුරකු ද අවමඟුලට සහභාගි වූවා පමණක් නොවේ තම මෝටර් රථය පාවිච්චි කරමින් යම් යම් කටයුතුවලදී උදවු කළේ පවුලේ ඥාතියකු පරිද්දෙනි. වැඩි වශයෙන් කාලය ගත කළේ මිතුරාගේ පුංචි පුතා සුරතල් කරමින් ඔහු සැනසීමටයි. එය මියගිය මිතුරාගේ බිරියට ද ලොකු සහනයක් විය. අවසන් කටයුතු නිමවීමෙන් පසු දුර බැහැරින් පැමිණි පිරිස් ආපසු යාමට සමුගත්හ. හත්දවසේ දාන පින්කම සඳහා මුදල් පරිත්යාග පවා සමහරු සිදුකළහ. සමීප මිතුරාද මිතුරාගේ බිරියගෙන් සමු ගත්තේ දානය දවසට පෙර දවසේ තමන් පැමිණෙන බවට පොරොන්දුවක් ද දෙමිනි. ඒ සමග මෙතන සුළු මුදලක් ඇති මට පිං සිද්ධ වෙන්නත් එක්ක දානෙට වියදම් කරන්න කියා ලියුම් කවරයක් ඇය අත තැබුවේය. බිරියට ඒවා පරීක්ෂාවට වෙලාවක් හා මානසිකත්වයක් නොවූයෙන් එම කටයුතු කළේ ඇගේ සොයුරියකි. ලියුම් කවරය තුළ රුපියල් දහසේ මුදල් නෝට්ටුවක් සමග කුඩා ලිපියක් ද විය. එහි ලියා තිබුණේ ”ඔයත් දරුවත් තනි වෙන්න මම ඉඩ නොතබමි. ඔයාගේත් දරුවාගේත් ජීවිත වල අනාගත වගකීම මට බාර දෙන්න. හත් දවසේ තුන් මාසේ දාන කටයුතුවලින් පසු තීරණයකට පිවිසෙමු’’ යනුවෙනි. ‘‘දෙය්යෝ සාක්කි මේ මිනිසා මළගෙදර ඉඳලා තියෙන්නේ හිතෙන් මඟුල් ගෙයක් මවාගණනේ” බිරිය නැගණියට පවසා දෑසේ කඳුලූ පිස දැම්මාලූ.
මංගල උත්සවයේදී සුද්දාගේ ඇදුමට අපූරු ගෞරවයක් දුන්නු අයකු පිළිබදව ගාලු දිසාවේ නගරයකින් අසන්නට ලැබේ.
සිය දරුවා පෙනී සිටින විභාගයෙන් පාස් කර නොදෙන්නැයි දෙවියන්ට පවසා සිටින ලෙස දේවාලයක කපු මහතෙකුගෙන් ඉල්ලා සිටි පියකු පිළිබඳ පුවතක් හසලක පොලිස් වසමේ එක්
සුහද හමුවට සහභාගි වූ ඇතැමකුට රෑ බෝවීමට පෙරාතුව නිවසට යාමට සූදානම් වුවත් සංවිධායකයන්ගෙන් ඊට ඉඩ ලැබුණේ නැත.
කේළම අතේ පත්තුවී දෙ නෑනෝ කෙහෙවලු පටලවාගත් අපුරු කතාන්දරයක් ගාලු දිසාවේ නගරයකින් අසන්නට ලැබේ.
අඹ යහළුවා කැපූ වළේ බාගෙට වැටී ඉන් ගොඩට විත් ඔහුව තමාට කැපූ වළේම දැමූ අපුරු මිතුරකු පිළිබඳ පුවතක් දකුණු පළාතේ නගරයකින් අසන්නට ලැබේ.
මත්ද්රව්ය නිවාරණය සම්බන්ධයෙන් පාසල් ළමයින් දැනුවත් කිරීම සඳහා නීති ක්ෂේත්රයට අදාළ පිරිසක් සංවිධානය කළ වැඩසටහනකින් අනතුරුව එය වාර්තා කිරීමට පැමි
මෙවර උසස් පෙළ අවසන් කළ සිසුන්ට නිවැරදි මග පෙන්වීමක් ඇතිව තම අනාගතය සැලසුම් කිරීමට අවස්ථාව ලබාදෙමින් මෙරට ප්රමුඛතම විශ්වවිද්යාලයක් වන NSBM
NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්රදර්ශනය අති සාර්ථක ලෙස ඉකුත් සතිඅන්තයේ විශ්වවිද්යාල පරිශ්රයේදී පැවැත්විණි.
අසිරිමත් නත්තල් සිරියෙන් රටම ආලෝකමත් වූ මොහොතේ මෙරට ප්රමුඛතම ජංගම දුරකථන සේවා සම්පාදන සමාගමක් වන HUTCH විසින් ශ්රී ලංකාවේ උසම නත්තල් කුළුණ නිර්මාණය කළ
මඟුල්ගෙයක් හිතේ තියාගෙන මළගෙදරක ඇවිත්
ඩී.එම්. ගුණසෝම Monday, 23 January 2012 11:21 AM
මෙවැනි අනුන්ට දුකේදී පිහිටවන මිතුරන් ගැන ආඩම්බරයි
සුගත් Monday, 23 January 2012 01:50 PM
අවස්ථාවෙන් ප්රයෝජන ගන්න අය එමටයි
ජයී Monday, 23 January 2012 03:30 PM
ඉක්මන් කෙටියි! කොකා දිය හිඳෙනා මෙන් බලා සිටිය යුතුයි. සෑම දෙයකටම සුදුසු කාලයක් තිබේ.
ෆාරු Monday, 23 January 2012 05:45 PM
අනේ මෙහෙමත් මිනිස්සු
කැලුම් Tuesday, 24 January 2012 09:58 AM
ගින්නක් නැතිව දුමක් දාන්නෙ නෑ නේද?
dnh Tuesday, 24 January 2012 10:06 AM
අනේ ආයෙත් ඔහොම කියන්න එපා. සමහර විට යාලුවගෙ නෝන මහත්තයගෙ ලස්සනට දුක හිතිලද කොහෙද?