2025 ජුලි මස 09 වන බදාදා
2025 ජුලි මස 09 වන බදාදා
අයිස්ක‍්‍රීම් වෑන් රථය අසල කුඩා ළමයින් පමණක් නොව වැඩිහිටියෝ ද පිරී සිටියහ. අයිස්ක‍්‍රීම් අලෙවි කළේ පුද්ගලයින් දෙදෙනෙකි. අයකු කෝන්ස් වලට අයිස්ක‍්‍රීම් පුරවමින් සිටි අතර, අනෙකා මුදල් අයකර ඒවා නිකුත් කළේය. සමහරු අයිස්ක‍්‍රීම් හතඅට ඉල්ලූ විට තවත් සමහරු ‘‘අපටත් ඉක්මනට දෙන්නැයි’’ පැවසුවේ අලෙවිකරුට හුස්ම ගන්නවත් ඉඩක් නොතබමිනි.
ඒ අසලට පැමිණි තරුණයින් දෙදෙනෙකි. අයකු ‘‘මට අයිස්ක‍්‍රීම් හතරක් දෙන්නැයි’‘ පැවසුවත්, වටේම ගැණුම්කරුවන් පිරී සිටි නිසා මුලින් ආවේ කවුදැයි අලෙවිකරුට හිතාගත නොහැකි විය. අයිස්ක‍්‍රීම් හතරක් මිල දී ගත් තරුණයා රුපියල් පන්සීයක් දුන්විට රුපියල් තුන්සිය අසූවක් ඉතිරි මුදල් වශයෙන් ලැබිණි. වහාම ඒ මුදලට රුපියල් සීයක් සමගින් සිල්ලර කාසි රුපියල් විස්සක් එකතු කළ තරුණයා ‘‘මට දාහේ කොලයක්ම දෙන්නැයි’’ පැවැසීය.
වටේ කරච්චලය මැද අන්දුන් කුන්දුන් වූ අයිස්ක‍්‍රීම් අලෙවිකරු දෙගිඩියාවෙන් දහසේ නෝට්ටුවක් තරුණයා අත තැබුවේ තවත් අයෙකුට අයිස්ක‍්‍රීම් නිකුත් කරන අතර තුරය. අයිස්ක‍්‍රීම් අලෙවි කරුගේ අවධානය වෙනතකට යොමුවීම නිසා ඔහුට රුපියල් පන්සීයක් අහිමි විය.
මෙම ලියුම්කරු ද අයිස්ක‍්‍රීමයක් මිලදී ගෙන තරුණයින් පසුපස ගියේ වංචාවක් සිදු වී ඇතැයි සැකයක් මතු වූ හෙයිනි. තරුණයෝ දෙදෙනා තවත් දෙදෙනකු සමග අයිස්ක‍්‍රීම් බෙදා ගත්හ. මුදල් ගෙවූ තරුණයා අන් අය අමතා ‘‘තව ටිකකින් සෙනඟ ඉන්න තවත් අයිස්ක‍්‍රීම් වෑන් එකක් ගාවට යමු’’යැයි පැවැසීය.
පොසොන් පෝය දා අනුරාධපුර පූජනීය පෙදෙසේ දී මෙය සිදුවිය.
ක‍්‍රිස්ටෝපර් සීපියන්
2025 ජුලි මස 04
188
0
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
2025 ජුලි මස 01
694
1
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
2025 ජුනි මස 26
1095
0
එදා මෙදාතුර ශ්රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
පොසොන් පෝදා අයිස්ක‍්‍රීම් වෙළෙන්දාට පොල්ලක්
අසෝකා Tuesday, 28 June 2016 09:28 AM
ඉස්සර කතරගම යන කොට අපිට ඉදිරියෙන් තිබුන බසයක වඩේ විකුණන වයසක කෙනෙකුයි පොඩි ලමයෙකුයි වඩේ වික්කා. සමහරු ඒ අයට නොදැනෙන්න බස් එකෙන් එලියට ඇත දම දමා හොරෙන් වඩේ ගත්තා. අපි ලගට ආවේ අපිටත් වඩේ විකුනන්න. අනේ ඒ කුඩේ එකම එක වදයක්වත් තිබුනේ නැහැ. තාත්තයි පුතයි මහා හයියෙන් අඩන්න ගත්ත? අනේ අපි මේවායේ සල්ලි හවසට බේරන්න ඕනේ. තව දවස් තුන හතරකටවත් අපේ පොඩි එවුන්ට පාන් කැල්ලක් වත් අරගන්න පුළුවන් වෙයිද දන්නේ නැහැ කියල. උපාලි ඔයාගේ කොලු කමත් අන්න ඒ වගේ . ඒ වගේ තත්වෙක හිටියනම් හොදට දැනේවි. අහිංසකද නැද්ද කියලා. (ර)
පිටබැද්දර ජයා Tuesday, 28 June 2016 09:35 AM
මේක එහෙම පිටින්ම වංචාවක් පුරුද්දට කරන සැලසුම් සහගත වැඩක් වගෙයි බලු බැල්මට පෙනෙන්නේ , කුසට දාගන්න දේටනම් හොර බොරු කරනවට වඩා හොඳයි පොළොවේ පස් කන එක, දුක් මහන්සියෙන් උපයා සපයා ගන්න මනුස්සයට එදා දවසටම ලොකු පාඩුවක් වෙලා තියෙන්නේ... (ර)
රුවනි Tuesday, 28 June 2016 02:29 AM
පවු අහිංසක වෙළෙන්දා! (නි)
උපාලි Tuesday, 28 June 2016 02:32 AM
මේ වගේ දේවල් එච්චර ගණන් ගන්න එපා. කොලුකමට කරන දේවල් (නි)
සූරිආරච්චි Tuesday, 28 June 2016 11:01 PM
මේවා කරන්නේ කොලුකමට නොවෙයි, ‘බලුකමට‘. (නි)
රුවන් Tuesday, 28 June 2016 04:29 AM
උපාලිලා කොලුකමට කරලා තියෙන්නේ හොරකම් වංචා වගෙයි. ඒකයි ඕවට ආවඩන්නේ (නි)
උපාලි Tuesday, 28 June 2016 04:47 AM
රුවනි, ඔයා අහිංසක වෙළෙන්දෝ දැකලා තියෙනවද? මේ අය පාරිභෝගිකයෝ සූරාගෙන කනවා (නි)
දුමින්ද Wednesday, 29 June 2016 09:23 PM
මේකත් කොලුකමට කියලා අමතක කරනවා නම්, ඉස්සර දේශපාලයනයට පැමිණි ප්‍රසිද්ධ බලවත් පුතෙක් ඔයවගේම ජනතාවගේ මුදල් හොරකම් කළ එකත් අමතක කරලා දාන එක තමයි හරි. (නි)