IMG-LOGO

2025 ජුලි මස 19 වන සෙනසුරාදා


ටී.වී. රංගනයට ලොල්වී රන් මාලය නැතිකරගෙන

නාඋල පිහිටි රාජ්‍ය බැංකුවකින් උකසට තැබූ රන් මාලයක් බේරාගෙන ආපසු යමින් සිටි කාන්තාවකගේ එම රන් මාලය කොල්ල කෑ පුවතක් නාඋලින් වාර්තා වෙයි.


සිද්ධිය මෙසේය


නාඋල මේල්පිටිය ප්‍රදේශයේ මැදි වියැති කාන්තාවක නාඋල රාජ්‍ය බැංකුවක උකසට තැබූ රන් මාලය  බේරාගෙන ආපසු එමින් සිටිය දී යතුරු පැදියකින් පැමිණි දෙදෙනෙකු ප්‍රසිද්ධ රූපවාහිනි නාලිකාවක නම සඳහන් කරමින් ඇයට ත්‍යාගයක් ලබාදීමට අවශ්‍ය බව පවසා ඇත.


රාජ්‍ය බැංකුවට මඳ දුරකින් පිහිටි නාඋල ප්‍රධාන  බුද්ධ මන්දිරය ආසන්නයට යන ලෙස අදාළ කාන්තාවට දැනුම් දීමෙන් අනතුරුව ඔයාගේ සාරියත් ලස්සන වැඩි හින්ද කරේ තියෙන මාලේ ගලවලා බෑග් එකට දාන්න. අපි ඔයාව  ටීවී එකෙන් පෙන්නනවා යැයි ඔවුන් කියා ඇත


පසුව ඇය තම ගෙල බැඳි රන් මාලය ගලවා සිය අත් බෑගයේ දමාගෙන බුද්ධ මන්දිරයේ දෙසට වැඳගෙන සිටියේ ඔවුන්ගෙන් ලැබුණ උපදෙස් අනුවය.


පිටුපසින් ඇගේ වන්දනාව වීඩියෝ ගත කරන බව පැවසූ දෙදෙනා ලද ඇසිල්ලෙන් කාන්තාවගේ අත්බෑගය ද රැගෙන ස්ථානයෙන් පලාගොස් ඇති බව කාන්තාව දැනගෙන ඇත්තේ බුද්ධ වන්දනාව නවතා පිටුපස බලන විටය.


සිද්ධිය කිසිවකුටත් නොකියා පසුව සැමියාට පමණක් කීමෙන් පසු කෙසේ හෝ අවට ගම්වාසීන්ට ද මේ සම්බන්ධයෙන් තොරතුරු අනාවරණය වී තිබේ.


සිද්ධිය වාර්තාවන අන්දමට රූපවාහිනියේ පෙනී සිටීමට ඇති ආශාව නිසා වංචනිකයන්ට හසුවී තමන් සතු රන් මාලය ද අහිමිවීම පිළිබඳ බොහෝ පිරිස් කියා සිටියේ නන්නාඳුනන පිරිස් සම්බන්ධයෙන් වඩාත් අවධානයෙන් කටයුතු කළේ  නම් මෙම සොරුන් පොලිසියට කොටුකර දීමට අවස්ථාව තිබුණ බවයි.

(නාඋල ඉන්දික අරුණ කුමාර)



අදහස් (0)

ටී.වී. රංගනයට ලොල්වී රන් මාලය නැතිකරගෙන

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 392 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 550 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 230 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site