මාවනැල්ල ප‍්‍රදේශයේ එක්තරා ගමක මැදි වයසේ පසු වූ පුද්ගලයෙකි. තිදරු පියකු වූ හෙතෙම බැංකුව වෙත ගියේ තමන්ට ලැබුණු චෙක් පත මාරු කර තම බැංකු ගිණුමට බැර කිරීමටය. එහි ගිය ඔහුට ගමන් මල්ල පරීක්‍ෂා කර බලද්දී දෙලොව රත්විය. 

චෙක්පත නැති බව ඒත්තු ගියේය. පසුව ඔහු බැංකුවේ සිටම සිය බිරියට දුරකථන ඇමතුමක් දුන්නේය. ‘‘මට චැක් එක ගෙන්න අමතක වුණා. දැන් පන්සලේ හාමුදුරුවෝ ටවුමේ පිරිවෙනට එන වේලාව ඒ ත‍්‍රීවිල් එකේ පරිස්සමට ඔතලා ඔය චැක් එක එවන්න’’ තම සැමියාට අතපසු වුණු චෙක්පතට බිරිය සිතා ඇත්තේ වාහනයේ ජැක් එක කියායි.

ඒ වන විටත් නිවසේ ඇති අබලන් වාහනයට ජැක් එක සවි කර ඉදිරිපස රෝද ගලවා තිබූ අතර ඇය අසල්වැසි වැඩිහිටියකුගේ උදව් ඇතිව ජැක් එක ගලවා පාර්සල් කර සුරක්‍ෂිතව පිරිවෙන් යෑමට පැමිණි හමුදුරුවන්ගේ ත‍්‍රීරෝදයට දමා පිටත් කළාය. නගරයේ සිටි සැමියා ත‍්‍රීරෝද රිය එනු දැක සිනාවකින් ඒ අසලට පැමිණියේය.

”දැන් ඉතින් බා ගන්න” යැයි ඔහුට පවසද්දී ඔහු එකවරම වාහනයේ ජැක් එක දැක තිගැස්සී බලන කල්හි චෙක් එකට බිරිය එවා ඇත්තේ ජැක් එක නිසා කර කියා ගැනීමට දෙයක් නොමැති කල්හි හෙමින් ජැක් එක බා ගත්තේය.