IMG-LOGO

2024 මැයි මස 28 වන අඟහරුවාදා


කොරෝනා ලණුවකට පවුලක්ම අහුවෙලා

(කරන්දෙණිය එම්. සුසිල් ප්‍රියන්ත)
කොරෝනා ස්වයං නිරෝධායන ව්‍යාජ දුරකතන ඇමතුමක් නිසා දිනක් ස්වයං නිරෝධායනයට ලක්වූ පවුලක් පිළිබඳව අපූරු පුවතක් දකුණේ ගමකින් වාර්තාවේ.


ඔහු නගරයේ වෙළෙඳ සලකට ගියේ නිවෙසට අවශ්‍ය භාණ්ඩ කිහිපයක් මිලදී ගැනීම සඳහාය. වෙළෙඳ සලට ඇතුළුවීමට පෙර දෑත් සෝදාගත් ඔහු වෙළෙඳ සලේ තබා තිබූ පොතේ සිය වංහුං ලිව්වේ කොරෝනා මර්දන නීතියක් නිසාය. ඊට අනුගත වෙමින් සිය ජංගම දුරකතනයේ අංකයද ලිවීමටද අමතක නොකළේය. ගිය වෙළෙඳ සලේ යහමින් සෙනග සිටියේ එම වෙළෙඳ සලේ බඩු මිල ඉතා අඩු බව ගැමියන් අතර තිබු මතය නිසාමය.


වෙළෙඳ සලට ගොස් අවශ්‍ය කළමනා මිලදී ගෙන නිවෙසට ගිය ඔහුත් බිරියත් සමග ඒවා අස්පස් කරමින් සිටියෝය. ඒ නිසාම ඔහුට රෑබෝවෙන වගක්වත් නොදැනුණේය. මෙසේ සිටින අතරවාරයේදී ඔහුගේ ජංගම දුරකතනයට ඇමතුමක් ලැබුණේය.


එයින් තමා අසවල් මහජන සෞඛ්‍ය පරීක්ෂක යයි හඳුන්වා දුන් කෙනෙකු ඔහුට කතා කළේය. ඔහු ගිය වේලාවටම නගරයේ වෙළෙඳසලට කොරෝනා ආසාදිතයකු පැමිණ ඇති බවත් මේ නිසා ඔහු සහ ඔහුගේ පවුලේ අය මේ මොහොතේ සිට ස්වයං නීරෝධායනයේ යෙදිය යුතු බවත් එම දුරකතන ඇමතුමෙන් කීවේය.


මේ සමගම කලබල වූ ඔහු මේ ආරංචිය සිය බිරියටත් කීවේය. කලබල වූ බිරිය වැඩේ හතර අතටම වැනුවාය. මෙය සත්‍යයක් දැයි සොයා බැලීමට ඔහු නගරයේ ප්‍රාදේශීය සෞඛ්‍ය වෛද්‍ය නිලධාරි කාර්යාලයට දුරකතන ඇමතුමක් ගත්තේය. 


රෑ බෝවී තිබූ නිසා එම කාර්යාලයද වසා දමා තිබිණ. තමා ගිය නගරයේ වෙළෙඳ සල පිළිබඳව සිය මිතුරකු ලවාද සොයා බැලුවේය. වෙනදා රාත්‍රිය වන තෙක් විවෘතව තිබූ තමා ගිය වෙළෙඳ සල එදා වේලාසනින්ම වසා දමා ඇති බව මිතුරා මාර්ගයෙන් දනගත් ඔහු දුරකතන ඇමතුම හරි යයි සිතුවේය.


ඒ තමා ගිය වෙළෙඳ සලේ ඒ වේලාවේ සිට ජනතාව ඔහුගේ සිහියට නැගුණේය. ඇත්තටම එහි කෙරෝනා ආසාදිතයෙක් ඉන්න ඇතැයි ද ඔහු සිතුවේය. එම වෙළෙඳ සලට ගොස් තමා දෑත් නොසෝදා නිවසට පැමිණි අයුරුත් වෙළෙඳ සලෙන් මිලදීගත් භාණ්ඩ බිරිය සමග අස්පස් කළ අයුරුත් සිහිපත් වූ ඔහුට දෙවියන් බුදුන් සිහි විය.


කොරෝනා භීතිකාවෙන් රාත්‍රියේ නින්දට ගිය ඔහු සිහිනෙන් පවා දුටුවේ තමාට කොරෝනා වැළඳී ගිලන් රථයක් නිවෙසට ඇවිත් රැගෙන යන අයුරුය.


කොරෝනා භීතිකාවෙන් පසුදින අවදි වූ ඔහු රාජකාරි ස්ථානයේ ප්‍රධානියාටද මේ වග දන්වා ස්වයං නිරෝධායනයට ලක ලැහැස්ති වෙමින් සිටියේ නිවසේ සෙසු අය සමගය. මේ අතරවාරයේ නගරයේ වෙසෙන මිතුරාගෙන් ලැබුණු දුරකතන ඇමතුමෙන් කියැවුණේ ඔහු ගිය වෙළෙඳ සල උදේ විවෘත කර ඇති බවත් පෙර දින කොරෝනා ආසාදිතයකු එම වෙළෙඳ සලට පැමිණ ඇති බව බොරුවක් බවත්ය.


තමා ගිය නගරයේ වෙළෙඳ සලේ තබා තිබු පොතේ තමාගේ දුරකතන අංකය ලියු බව මතක් වූ විට කවුරුන් හෝ දුන් ව්‍යාජ ලණුවක් ගිල දමා ඇති බව ඔහු දැන ගන්නාවිටත් වැඩේ දුරදිග ගොස් හමාරය.

 



අදහස් (3)

කොරෝනා ලණුවකට පවුලක්ම අහුවෙලා

nimal Wednesday, 09 December 2020 06:11 AM

මේ වගේ දේවල් කරන්න එපා

:       0       0

nimal Wednesday, 09 December 2020 10:36 AM

මෙය විහිලුවට කරුණක් නොව..., මෙය ව්‍යාජ දුරකථන ඇමතුම දුන් තැනැත්තා කරන ලද අමනකමකි. මෙවැනි අය අත්අඩංගුවට ගෙන සිර ගත කල යුතුයි.

:       1       16

asanka Wednesday, 09 December 2020 12:07 PM

මෙය ලණුවක් නොව, මෙය දුරකතනයට ඇමතුමක් දුන් තැනැත්තා විසින් කරන ලද අමනකමකි. මේ අනතුරුදායක අවස්ථාවේ මෙවැනි අමනකම් කරන්නට තවත් අය මේ රටේ ඕනෑතරම් සිටින බැවින් මෙවා පලකරන්නටත් සුදුසු නොවෙ..

:       1       15

ඔබේ අදහස් එවන්න

දෙයියෝ සාක්කි

කකුල් පණ නැති යාචකයා පිම්මේ දුවලා
2024 මැයි මස 28 187 0

දෙපා පණ නැති යාචකයකුට සිය නිවස වෙත යාමට ඇති අන්තිම බස් රථය දැක දෙපා පණ ආ පුවතක් රත්නපුර දිස්ත්‍රික්කයේ එක්තරා ගමකින් අසන්නට ලැබුණි.


භාවනා මුවාවෙන් සූර් වී රස්සාවටත් තට්ටු වෙලා
2024 මැයි මස 27 603 0

නගරයේ ප්‍රසිද්ධ ස්ථානයක පැවැත්වෙන විශේෂ භාවනා වැඩසටහනකට යනවා යැයි රාජකාරී දිනක කාර්යාලයෙන් බැහැරව ගොස් මිතුරන් පිරිසක් සමග ප්‍රසිද්ධ ස්ථානයක තබාගෙ


කොටු පැනිල්ලෙන් පුත්‍රයාගේ කෙරුවාව හෙළිවෙලා
2024 මැයි මස 22 2872 4

යුක්තියේ මෙහෙයුමෙන් දහහත් හැවිරිදි සිය පුත්‍රයාගේ තරම මවුපියන්ට දැනගන්නට හැකි වූ අපූරු කතාවක් අම්බලන්ගොඩ පොලිසියෙන් අසන්නට ලැබේ. එදා මධ්‍යම රාත්‍ර


කසිප්පු පෙව්වැයි ගනුන්ගෙන් අම්බානට ගුටි කාලා
2024 මැයි මස 21 1284 0

මළ ගෙදරක් ආසන්නයේ ගලක් උඩ සිට ගමේ පිරිමින්ට කසිප්පු අලෙවි කළැයි කාන්තාවන් පිරිසක් එකතු වී පුද්ගලයකුට පහරදී ගල පල්ලට තල්ලු‍ කර ඇතැයි කියන සිද්ධියක් සම


තරු හෝටලේ සාදයට ගමේ බඩු දී හතර අතේ වැටිලා
2024 මැයි මස 20 1384 1

අත දිගහැර වියදම් කොට මෙරට ප්‍රමුඛ පෙළේ හෝටලයක පැවැත්වූ සිය වැඩිමල් දරුවාගේ මංගල උත්සවයට පැමිණි හිතවතුන්ට විදේශීය රටක නිෂ්පාදනය කරන ලද උසස් තත්වයේ මත


තහනම් ගහේ ගෙඩි කඩන්න ගිහින් පෙම්වතියගේ අම්මාගේ උගුලට අහුවෙලා
2024 මැයි මස 18 2336 0

අනියම් පෙමක සම්බන්ධතාවක් ඇතිකර ගැනීමට ගිය අයකු පෙම්වතිය කියා ඇයගේ මව හමුවීමට යාමෙන් පෙම්වතාට සිදු වූ අකරතැබ්බයක් ඉබ්බාගමුව ප්‍රදේශයෙන් අසන්නට ලැබු


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 978 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 2543 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2174 5
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site