ගොඩනැගිල්ලක හිමිකාරියක් තම ගොඩනැගිල්ල ආයතනයකට බද්දට දී තිබිණි. ඇය ජිවත් වූයේ ඊට යාබද නිවසේය. ආයතනයට සහ නිවෙසට ඇතුළුවීමට තිබුණේ එකම ගේට්ටුවකි. ගොඩනැගිල්ල හරහා ඇය නිවසට යන එන විට ආරක්ෂක නිලධාරීන් නැගිට ආචාර කළයුතු යැයි මෙම කාන්තාව පවසා තිබුණි.

ආයතනයේ කළමනාකාර මහතා ආරක්ෂක නිලධාරීන්ට පැවසුවේ ‘‘ඒ ලේඩිට රෙස්පෙක්ට් කරන්න කියලා ඔයාලට කියන්න මට බැහැ ඔයාලා එයාගේ සෙකියුරිටි නෙමෙයිනේ. ඔයාලා කැමති නම් ආචාර කරන්න’’ යනුවෙනි. කෙසේ වුවත් ආරක්ෂක නිලධාරීන් දෙදෙනා ඇය එතැනින් යන එන විට ආචාර කළහ.

ඔවුන් ආහාර ගන්නා විටදී පවා නැගිට ඇයට ආචාර කළ යුතු විය. දිනක් එක් ආරක්ෂක නිලධාරියෙක් තම ජංගම දුරකතනයෙන් පෙම්වතිය සමඟ සංවාදයේ යෙදී සිටියදී පෙරකී කාන්තාව එතැනින් යෑමට පැමිණියාය. ආරක්ෂක නිලධාරියා, එය දුටුවේ නැත. ඔහු පටුවේ වාඩිවී පෙම්වතිය සමඟ පිළිසදරේය. මෙය දුටු කාන්තාව කෝපයට පත්වූවාය ඇය තම ජංගම දුරකතනයෙන් ඔහුගේ ඡුයාරූපයක් ක්ෂණිකව ලබා ගත්තාය. ‘‘මැඩම් මොකටද මගේ ෆොටෝ එකක් ගත්තේ’’ ඔහු විමසීය ‘‘මේක මම මැනේජර්ට පෙන්නලා කියනවා ඔහේලා මට රෙස්පෙක්ට් කරන්නේ නැහැ කියලා’’ ඇය කෝපයෙන් පැවසුවාය. ආරක්ෂක නිලධාරියාද කේන්තියෙන්, ‘‘ ඕක මැනේජර්ට පෙන්නලා මැඩම්ගේ කොට්ටේ ළඟින්ම තියාගන්න’’ යැයි පැවසීය. පසුදින සිට ආරක්ෂක නිලධාරියා දක්නට ලැබුණේ නැත. කොළඹට නුදුරින් වාර්තාවිය.


ක‍්‍රිස්ටෝපර් සීපියන්.