(ශ්‍රීනාත් ප්‍රසන්න ජයසූරිය)
නාරම්මල බස්නැවතුම්පොළ පිටුපස රා තැබෑරුමක් අසල වැටී මියගොස් සිටි අවුරුදු 56ක් පමණ වයසැති පුද්ගලයකුට කොරෝනා වයිරසය ආසාදනයවී ඇති බව ක්ෂණික ප්‍රතිදේශ පරික්ෂාවේදී  (රැපිඩ් ඇන්ටිජන්)  ඊයේ (15) අනාවරණයවූ බව දඹදෙණිය මූලික රෝහලේ අධිකරණ වෛද්‍ය නිලධාරී නදීකා මුණසිංහ මහත්මිය පවසයි.
මෙම පුද්ගලයා නාරම්මල බස්නැවතුම්පොලේ රා තැබෑරුම අසල වැටී සිටියදී සුවසැරිය ගිලන් රථ සේවාව මගින් දඹදෙණිය මූලික රෝහලට ඇතුළත් කළ බවත් ඒ වනවිටත් ඔහු මියගොස් සිටි බවත් අධිකරණ වෛද්‍ය නිලධාරී නදීකා මහත්මිය කිවාය.
මොහු යාචකයකු බවද පොලිසිය පවසයි.
නාරම්මල දංගොල්ල ආදාහනාගාරයේදී මෙම පුද්ගලයාගේ සිරුර ඊයේ සවස නිරෝධායන නීති රීතිවලට අනුව ආදාහනය කෙරිණි.