එක්සත් ජාතීන්ගේ මානව හිමිකම් කවුන්සිලයේ මීළඟ සැසිවරායට ශ්රී ලංකාවට එරෙහිව නව යෝජනාවක් ගෙන ඒමට ඇමෙරිකා එක්සත් ජනපදය දැනටමත් පියවර ගෙන ඇතැයි වාර්තා වේ.
එක්සත් ජාතීන්ගේ මානව හිමිකම් කවුන්සිලයේ 46 වැනි සැසිවාරය ලබන වසරේ මාර්තු මාසයේදී පැවැත්වීමට නියමිත ය.
ඉකුත් යහපාලන රජය ද සම අනුග්රහාය දැක්වූ එක්සත් ජාතීන්ගේ 30/1 යෝජනාවෙන් ශ්රී ලංකාව ඉවත් කරගැනීමට වත්මන් රජය පියවර ගත් අතර ඊට කැබිනට් මණ්ඩලයේ ද අනුමැතිය හිමි විය.
ශ්රී ලංකාවට එරෙහි නව යෝජනාවට ඇමෙරිකා එක්සත් ජනපදය සහ එක්සත් රාජධානිය එක්ව වැඩ කරන බව ද දැනගන්නට ලැබේ.
අදාළ 30/1 යෝජනාවේ දිගුවක් ලෙස එක්සත් ජාතීන්ගේ මානව හිමිකම් කවුන්සිලයේදී 34/1 සහ 40/1 යනුවෙන් තවත් යෝජනා දෙකක් සම්මත විය.
යුද සමයේ වගවීම් ක්රියාමාර්ග සහ පශ්චාත් යුද ශ්රී ලංකාවේ සංහිඳියා (ප්රතිසන්ධාන) ක්රියාමාර්ග සම්බන්ධයෙන් එම යෝජනාවලින් අවධානය යොමු කර තිබිණි.
මෙම සිදුවීම් මධ්යයේ දෙමළ ජාතික සන්ධානයේ ප්රකාශක සහ පාර්ලිමේන්තු මන්ත්රී එම්.ඒ. සුමන්තිරන් මහතා සහ ශ්රී ලංකාවේ ඇමෙරිකානු තානාපතිනි ඇලෙයිනා බී.ටෙප්ලිට්ස් මහත්මිය අතරේ හදිසි හමුවක් තානාපතිවරියගේ නිල නිවසේදී ඉකුත් දා පැවැත්විණි.
ඇමෙරිකාව ගෙන ඒමට නියමිත නව යෝජනාවට දෙමළ ජාතික සන්ධානයේ සහාය හිමිවන බව සුමන්තිරන් මහතා, එම හමුවේදී තානාපතිනියට දැනුම් දී තිබේ.
වත්මන් ආණ්ඩුව නව ආණ්ඩුක්රම ව්යවස්ථාවක් සකස් කිරීමේ නිරත වන බැවින් වාර්ගික අර්බුදයට විසඳුමක් ලැබෙන පරිදි ගෙන එන නව යෝජනා වෙනස් කළ යුතු බව ද සුමන්තිරන් මහතා මෙහිදි තානාපතිනිය හමුවේ පවසා ඇත.
පාර්ලිමේන්තුවේ සිටින අනෙකුත් දේශපාලන පක්ෂවල නායකයන් වන ගජේන්ද්රකුමාර් පොන්නම්බලම් සහ සී.වී. විග්නේෂ්වරන් යන මහත්වරුන් සමඟ ද සුමන්තිරන් මහතා මේ සම්බන්ධයෙන් සාකච්ඡා කර ඇතැයි වාර්තා වේ.
එක්සත් ජාතීන්ගේ මානව හිමිකම් කවුන්සිලයට මීට පෙර ශ්රී ලංකාව සම්බන්ධයෙන් ඉදිරිපත් වූ කිසිදු යෝජනාවකින් සැලකිය යුතු යමක් අත්පත් කරගැනීමට නොහැකි වූ බැවින් ජාත්යන්තර අපරාධ අධිකරණයට යා යුතුය යන්න එම නායකයන්ගේ අදහස වී තිබේ.
නව යෝජනාවක් සඳහා එලෙස ක්රියාමාර්ග ගැනෙමින් තිබියදී එක්සත් ජාතීන්ගේ සංවිධානයේ ජ්යෙෂ්ඨයකු මෙන්ම එහි දේශපාලන සහ සාමය ගොඩනැගීමේ
කටයුතු පිළිබඳ නියෝජ්ය මහලේකම් රෝස්මරි ඒ. ඩිකාලෝ මහත්මිය ලබන වසරේ මෙරට සංචාරයක නිරත වීමට නියමිත යැයි ද වාර්තා වේ.
අනෙකුත් බලපෑම් සහගත බටහිර රටවල රාජ්ය තාන්ත්රිකයන්ට ද මේ සම්බන්ධයෙන් දැනුම් දීමක් කර තිබෙන අතර මේ සම්බන්ධයෙන් ඔවුන්ගෙන් ද අදහස් විමසීමට නියමිත ය.
මේ අතර “පාර්ශවකාර රටේ සහයෝගය ප්රමාණවත් නොවීම” නිසා ඇමෙරිකා එක්සත් ජනපද ආණ්ඩුවේ රුපියල් බිලියන 89 ක එම්.සී.සී. (මිලේනියම් චැලේන්ජ් කෝපරේෂන්) ප්රදානය නවත්වන බව පසුගිය සතියේදී නිවේදනය කෙරුණි.
සන්ඩේ ටයිම්ස්
055
පොලිස්පතිවරයා පත් කළ ආකාරය සම්බන්ධයෙන් විපක්ෂ නායක සජිත් ප්රේමදාස මහතා ආණ්ඩුක්රම ව්යවස්ථා සභා රැස්වීමේදී අද (26) සිය විරෝධය පළ කර ඇතැයි වාර්තාවේ.
මෙරට ආර්ථිකය නිවැරදි මගකට යොමු කෙරෙන ආර්ථික පරිවර්තන පනත් කෙටුම්පත සම්මත කර ගැනිමට සහාය වූ පාර්ලිමේන්තුවේ සියලු දේශපාලන පක්ෂ වෙත සිය ස්තුතිය පළ කරන බ
දෙමළ ජාතික සන්ධානය ජනාධිපතිවරණයට අපේක්ෂකයකු ඉදිරිපත් නොකරන බව එහි පාර්ලිමේන්තු මන්ත්රී නීතිඥ එම් .ඒ සුමන්තිරන් මහතා පැවසීය.
ශ්රේෂ්ඨාධිකරණය මගින් ලබා දෙන නියෝග ක්රියාත්මක කිරීමට රටේ ජනාධිපතිවරයා හා ව්යවස්ථායකය බැඳී සිටිනවා , පාර්ලිමේන්තු වරප්රසාදවලට මුවා වී එම අධිකරණ
කැබිතිගොල්ලෑව විහාර හල්මිල්ලෑව ගමේ ’’මහ කාඩිගල’’ වැව යටතේ ඇති කුඹුරු යායට පාරක් නොමැති නිසා ගොවීන් දැඩි දුෂ්කරතාවයන්ට මුහුණ දෙන බව මහා කාඩිගල කුඹුර
රටේ තරුණ පරපුර වෙනසක් ඉල්ලා ගාලුමුවදොර අරගලයක් කළ බවත් ඔවුන් ඉල්ලා සිටින වෙනස ලබාදීමට තමන් ඉදිරිපත්ව සිටින බවත් පාර්ලිමේන්තු මන්ත්රී සරත් ෆොන්සේකා
ශ්රී ලංකා ඉන්ෂුවරන්ස් ලයිෆ් සහ ජෙනරල්, ආපදා කළමනාකරණ මධ්යස්ථානය සමඟ එක්ව පසුගියදා ඇති වූ ගංවතුර තත්ත්වය හේතුවෙන් ගම්පහ, රත්නපුර සහ මාතර දිස්ත්ර
වැලිබල් ෆිනෑන්ස් ගෙවුණු වසර 17ක කාලය පුරාවට ශ්රී ලංකාවේ මූල්ය ආයතනයන් අතර ප්රමුඛස්ථානයක් හිමි කර ගනිමින් 2023/24 මූල්ය වර්ෂයේදී සිය මූල්ය විශිෂ්ටත
බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්රදායන් මුල් කරගනිමින් ශ්රී පාද ස්ථ
එ.ජා. මානව හිමිකම් සැසියේ ලංකාවට එහෙිව නව යෝජනාවක්
රොශාන් Sunday, 20 December 2020 12:08 PM
හැකි ඉක්මණින් කළ යුත්තේ යාපනයෙන් පැන්නූ මුස්ලිම් ජනතාව නැවත යාපනයේ ඉඩම් ලබා දී පදිංචි කිරීමයි. විල්පත්තුව කපන්න වුනෙත් ඕක නොකළ නිසා.
menna Sunday, 20 December 2020 01:38 PM
මොනවා මානව හිමිකම්ද? යුරෝපා සංගමය (පෘතුගීසි, ලන්දේසි, ඉංග්රීසි) විසින් ලංකාව ආක්රමණය කිරීමට පෙර ලංකාව තමිල්නාඩුව වෙනකම් පාලනය කරපු රටක්... ඉන්දියාව යුරෝපයේ සහාය අරන් ලංකාව පාවලා දීලා ලංකාවේ ණයවත් ගෙවලා නැහැ කියලා මට නම් හිතෙන්නේ. දැන් ඇමරිකාව ඉස්සරහට ගෙන නැවතත් ලංකාව අස්ථාවර කරන්න හදන්නේ...
thisara Sunday, 20 December 2020 02:49 PM
මේ ආණ්ඩුවේ පිස්සු වැඩ නිසා අපේ මව්බිම අනතුරේ...
Gamunu Sunday, 20 December 2020 03:22 PM
පත්වුණු දවසේ ඉඳලාම රටට හෙනේ... හොඳට තිබුණු රටක්... අපි වැටිච්ච තැනක්.
බර්තොලමිව් Sunday, 20 December 2020 08:02 PM
2005 ඉඳලා ඔය සල්ලි ඉල්ලුවා. ඒ මිනිස්සු අමාරුවෙන් තීරණය කරලා 2017 දෙන්න පොරොන්දු වුණා. නමුත් ලංකාවේ දේශපාලන කඹ ඇදිල්ල නිසා ඒක පරක්කු වුණා. මේකෙන් ඇමරිකාවට මදි පුංචි කමක් වුණු නිසා ඉස්සරහට කරදර කරන්න බලයි.
මුණසිංහ Monday, 21 December 2020 03:11 AM
එම්සීසීයට කැමති වුණා නම් ඔක්කොම ඉවරයි. මොවුන්ගේ මේ ක්රියාමාර්ගවලට එරෙහිව රටේ සියලු ජනතාව ශ්රී ලාංකිකයින් ලෙස එකට සිට කටයුතු කළ යුතුයි. නැත්නම් අපට දේශපාලනය කරන්නවත් රටක් නැති වේවි.
Rata Perata Monday, 21 December 2020 07:36 AM
ඔවා ගැන බයවෙන්න එපා. අපේ රට දැන් පාලනය කරන්නෙත් ඇමෙරිකන් කාරයොනේ...