2025 ඔක්තෝබර් මස 26 වන ඉරිදා
( +++ ශ්‍රීනාත් ප්‍රසන්න ජයසූරිය)
අධිකරණ නියෝගයක් අනුව ප්‍රකාශයක් ලබාදීම සඳහා ඉකුත් 23 වැනිදා රහස් පොලිසියට පැමිණි එහි හිටපු අධ්‍යක්ෂ ජ්‍යෙෂ්ඨ පොලිස් අධිකාරි ශානි අබේසේකර මහතාට පිටත්ව යාමට සිය නිල රථය ලබාදුන් බව කියන රහස් පොලිසියේ රාජකාරි කරන සහකාර පොලිස් අධිකාරිවරයකු සම්බන්ධයෙන් පුළුල් පරික්ෂණයක් ආරම්භ කර ඇතැයි පොලිස් මූලස්ථාන ආරංචිමාර්ග කියයි.
වැඩ තහනමකට ලක්ව සිටින පොලිස් නිලධාරියකුට ගමන් කිරීමට පොලිස් නිල රථයක් ලබාදීම වැරදි ක්‍රියාවක් බව පොලිස් මූලස්ථානයේ ජ්‍යෙෂ්ඨ නිලධාරියෙක් ‘ලංකාදීප’යට ඊයේ (26) පැවසීය.
වැඩ තහනමකට ලක්ව සිටින ජ්‍යෙෂ්ඨ පොලිස් අධිකාරිවරයාට රහස් පොලිසියේ සිට යෑමට සිය නිල රථය ලබාදුන් බව කියන එම සහකාර පොලිස් අධිකාරිවරයාගෙන් රහස් පොලිසිය ප්‍රශ්න කර ප්‍රකාශයක් ද ලබාගත් බව එම ජ්‍යෙෂ්ඨ පොලිස් නිලධාරියා කීය.
හිටපු ජ්‍යෙෂ්ඨ පොලිස් අධිකාරිවරයාට රහස් පොලිසියේ සිට පිටත්ව යාමට පොලිස් නිල රථයට අමතරව පොලිස් රියැදුරකු ද සහකාර පොලිස් අධිකාරිවරයා විසින් සපයා ඇතැයි පොලිස් මූලස්ථාන ආරංචිමාර්ගවලින් දැනගැනීමට ඇත.
පොලිස්පතිවරයා ගමන් කරන ප්‍රවේශ මාර්ගය ඔස්සේ රහස් පොලිසියේ හිටපු අධ්‍යක්ෂවරයා පිටව ගොස් ඇති බව ද පොලිස් මූලස්ථාන ආරංචිමාර්ග වැඩිදුරටත් සඳහන් කරයි.
සී.සී.ටී.වී. කැමරාවල රූප රාමු පරික්ෂා කර බැලීමේ දී මේ බව හෙළිවී තිබෙන බව ද පොලිසිය කීය.
2025 ඔක්තෝබර් මස 08
1434
0
හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.
2025 ඔක්තෝබර් මස 01
1300
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 නිල් ග්‍රහලෝක ත්‍යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට
2025 සැප්තැම්බර් මස 23
470
0
ජනසතු සේවා සත් සාමාජික පාපන්දු ශූරතාවයේ ඊ ඛාණ්ඩයේ ශූරතාවය ජයග‍්‍රහණය කිරීමට ශ‍්‍රී ලංකා ඉන්ෂුවරන්ස් පාපන්දු කණ්ඩායම සමත් විය. ශ‍්‍රී ලංකා ඉන්ෂුවරන
සී.අයි.ඩියට පැමිණි ශානිට යන්න සිය නිල රථය දුන් ඒ.එස්.පී. ගැන පරීක්ෂණයක්
ලුම්බිණි Monday, 27 January 2020 05:28 AM
අපේ දේශපාලකයින් රජයේ වාහන තම තමන්ගේ මිතුරන්, නෑදෑයන් වෙනුවෙන් හැමදා පාවිච්චියට දෙන එකේ කිසිම වැරද්දක් නැහැ...
dilanMonday, 27 January 2020 11:42 AM
බලය නැතුව චුදිතයෙක් විදියට මෙයාගේ හැසිරීම මෙහෙමනම් මේ මනුස්සය බලයේ ඉද්දි කොහොම, මොනවා කරයිද කියලා හිතා ගන්නත් බැහැ.
lalMonday, 27 January 2020 12:34 PM
රජයේ සමහර නිලධාරින්ගේ නිල වාහන තමයි ළමයි පන්ති යන්නේ, නෝනා වැඩට යන්නේ.. අවුරුද්දට ගමේ යන්නේ. රජයේ වාහන, රජයේ ඉන්ධන, රජයේ රියදුරු. මේවා එදත් වුණා. අදත් වෙනවා. මේවට ගෙවන්නේ දුප්පත් අපි සහ මරුකතරේ දුක්විඳින ජනතාව. මේවායි හොයලා දඬුවම් කරන්න ඕනේ...
BamunuarachchiMonday, 27 January 2020 04:55 PM
"වැඩ තහනමකට ලක්ව සිටින පොලිස් නිලධාරියකුට ගමන් කිරීමට පොලිස් නිල රථයක් ලබාදීම වැරදි ක්‍රියාවක් බව පොලිස් මූලස්ථානයේ ජ්‍යෙෂ්ඨ නිලධාරියෙක් ‘ලංකාදීප’යට පැවසීය." දන්නා මගුලක් කතා කරන්න. හලෝ ගම්වල ගැහැණු කියන කතා නොකියා...
eresh S kumara Monday, 27 January 2020 05:47 AM
රාජ්‍ය දේපල අවභාවිතය යටතේ නඩු පැවරිය හැකිය.
samurai Monday, 27 January 2020 05:50 AM
ඔහුට තමන්ගේ කියලා වාහනයක් නැතුව ඇති ගෙදර තට්ටුවේ කොන්ක්‍රීට් එක දාගන්න බැරි මිනිහට වෙන කවුරුවත් උදව් කරයිද?
lalithm Monday, 27 January 2020 06:00 AM
අපි පළිගන්නේ නැහැ කියලා උදේ හවා බෙරිහන් දෙනවා. ඒත් මේ මොනවා ගැනද හොයන්නේ. හූණු බිත්තර වත් මෙච්චර ලොකු නැහැ.
රවින් Monday, 27 January 2020 06:55 AM
අනේ කාලේ වනේ වාසේ ! ඉස්සර මේවාට කිවේ පැන්ෂන් ගිය පොලිස්කාරයා වගේ කියලා. "කම්මන්නා වසලෝ හොති කම්මන්නා හෝති බ්‍රහම්මිනෝ " මොනා උනත් ඒ ඇස් පි මහත්තයාට ඉස්සර තම උසස් නිලධාරියෙක්. මහා ලොකුවට උදේ හවහා බුදුන් වැඳ , නැතිනම් පල්ලියට ගිහින් , කෝවිලට ගිහින් , දවසට පස් පාරක් දෙවියන් වැන්දත් වැඩක් නැහැ ගුරු ගෞරවය දන්නේ නැතිනම්.
perera Monday, 27 January 2020 07:04 AM
ආණ්ඩුවේ ගොන් පාට්...
AmaraMonday, 27 January 2020 07:41 AM
මේ මනුස්සයාගේ ජීවිතේට අනතුරක් නොවෙන්න කටයුතු කළ ඒ නිලධාරියාව අගය කළයුතුයි...
vijitha Monday, 27 January 2020 08:25 AM
ශානි කියන්නේ තමන්ගේ ජීවිතය ගැන නොසලකා රාජකාරිය අවංකව කළ නිලධාරියෙක්... එහෙම මනුස්සයෙකුට ගෙදර යන්න වාහනයක් දුන්නු එකේ වරද මොකක්ද? සමහර විට ශානිට පුද්ගලික වාහනයක්වත් නැතුව ඇති. ඔහුත් රාජකාරී කරන කොට බිලියන ගණන් මහජන මුදල් පිල්ලි ගැහුවා නම් වාහන එකක් නෙවේ කීපයක්ම පුද්ගලිකව ගන්න තිබුණා.
Lakmal Monday, 27 January 2020 08:57 AM
ඔව් ඔව් සල්ලි නැති නිසානේ රන්ජන්ගේ ගෙදර වලන් හෝදන්න එන්නම් කිව්වේ.?
Mahesh Monday, 27 January 2020 08:41 AM
නිලධාරීන්ගෙන් පලිගැනීම එදත් කලා ආයෙත් ඒකම කරනවා. නිලධාරීන් මීට එරෙහිව නැගීසිටිය යුතුය. ජනාධිපතිවරයාගේ වැඩ ඔක්කොම ආන්ඩුව කඩාකප්පල් කරමින් සිටීම කනගාටුයි.
wedage Monday, 27 January 2020 09:51 AM
මේ නිලධාරියාට මොනයම් හෝ අනතුරක් සිදුවුණානම් වගකියන්නේ කව්රුන්ද? මනුස්සයෙක් අනතුරකින් ගලවාගැනීමට වාහනයක් ලබාදීම උතුම් ක්‍රියාවක්...
කපුරුහාමි Monday, 27 January 2020 11:12 AM
නිල රථය දෙන්න ඇත්තෙ සමහරවිට සුදු වෑන් එකක් ඇවිත් උස්සයි කියලා වෙන්න ඇති . පවුල් පාලනේ අය බලයේ ඉන්න කාලේ සිද්ධ වෙච්ච් දේවල් කවුද නොදන්නේ ?
sampath Monday, 27 January 2020 01:04 PM
අපේ හිටපු ලොක්කනේ කියලා මානුෂිකව හිතලා කරපු උදව්වක්... එ්ක ගැන ඕනෑවට වඩා වෙන්න ඕනේ නෑ කියලයි මට නම් හිතෙන්නේ...
lanka Monday, 27 January 2020 02:19 PM
ශානි එන හැම ආණ්ඩුවකටම දෙකට නැමිලා වැඩ කළා නම් අද SSP නෙමෙයි DIG කෙනෙක්...
ajith Tuesday, 28 January 2020 06:03 AM
මේ ගැන ලියන්න ඉස්සෙල්ල කියන්න ඕනේ දෙයක් තියෙනවා. බැඳුම්කරේ වෝහාරික වාර්තාව නව රජයේ කට්ටිය පිළිගන්නේ නැතිලුනේ. ඒක හදල තියෙන්නේ ඒගොල්ලන්ගේ වැරදිත් පෙන්නළලු. ඒක නිසා ඒක වැරදිලු. මොකද එම වාර්තාව රජයට අවාසියි. ෂානි මහත්තයත් රජයට පක්ෂව ඉඳල චුදිතයෙක් උනා නම් නිල වාහනය දීපු එකේ වැරද්දක් කිසි කෙනෙක් නොකියන තිබුන සිකුරුයි. ඒ වගේම වාහනේ දීපු නිලධාරියට උසස්වීමකුත් ලැබෙනවා. අනේ කාලේ වනේ වාසේ කිව්වලු.