(  එච්. චන්දන සහ හිරාන් ප්‍රියංකර  )

දකුණ ඉන්දියවේ සිට බෝට්ටු 03 හොර රහසේ කල්පිටිය මුහුදු තීරයට ගෙනවිත් ප්‍රවාහනයට  සුදානම් කර තිබූ ලක්ෂ 90 ක් පමණ  වටිනාකමකින් යුක්ත බව කියන  බීඩි කොළ තොගයක් සමඟ  එක් සැකකරුවකු සහ ලොරි රථය  අත් අඩංගුවට ගත් බව කල්පිටිය පොලීස කියයි.
 
පෞද්ගලික ඔත්තුකරුවකු මාර්ගයෙන් පොලිසියට  ලැබුණු තොරතුරකය අනුව   අද (18)   අලුයම මෝහොත්තුවාරම දූපත් ප්‍රවේශ මාර්ගයේ  වෙරළ තීරයේදී මෙම  වැටලීම සිදු කර ඇත.
 
කොළඹ ප්‍රදේශයේ කාන්තාවකට අයිති ලොරි රථයකින් මෙම බීඩි කොළ තොගය ප්‍රවාහනය සිදු කිරීමට සුදානම් වූ අවස්ථාවේ පොලිස් නිළධාරින් සැඟවී සිට ඉතා සූක්ෂම අයුරින්  අත් අඩංගුවට ගෙන තිබේ.
 
ලොරි රථයේ රියදුරු හා තවත් දෙදෙනකු පලා ගොස් ඇති අතර බීඩි කොළ මිටි පැටවීමට පැමිණි මාතර දික්වැල්ල පදිංචි කරුවකු අත් අඩංගුවට ගෙන තිබේ. 
 
අත් අඩංගුවට ගත් ලොරියට පටවා ප්‍රවාහණයට සුදානම් කර තිබු , ඉතා සුරක්ෂිතව අසුරා තිබූ විවිධ ප්‍රමාණයේ බීඩි කොළ මිටි 48 ක  ක කිලෝ  1382.350 ප්‍රමාණයක්  තිබී ඇත. මෙම බීඩි කොළ තොගය මෙලෙස හොර රහසේ  ඉන්දියවේ සිට ගෙන් වීම නිසා රුපියල් ලක්ෂ 50 පමණ තීරුබදු පාඩුවක් රජයට සිදුවී ඇති බවයි පොලිස් පරීක්ෂණ වලින් අනාවරණය වී තිබේ. සැකකරු අධිකරණයට ඉදිරිපත් කිරීමට නියමිතය.

(ඡායාරූප එච් චන්දන )