තම බිරිය සහ අනියම් සැමියාගේ සම්බන්ධය හෙළිදරව් කරගැනීම සඳහා සැමියකු විසින් සැක කටයුතු යුවළක් ලැගුම් හලක සිටින බවට ඇමතුමක් ලබා දීමේ පුවතක් දඹුල්ල පොලිසියෙන් වාර්තා විය.

කොළඹ ප්‍රදේශයේ බෝම්බ ප්‍රහාරවලට ලක් වූ ප්‍රධාන පෙළේ සැකකරුවන් දෙදෙනකු දඹුල්ල ප්‍රදේශයේ ලැගුම්හලක අසල සිටියදී අත්අඩංගුවට ගැනීමේ සිද්ධිය විමර්ශනය කරමින් සිටියදී එකවරම දුරකතන ඇමතුමකින් පොලීසියට තොරතුරක් ලබා දී තිබිණි. එම තොරතුරට අනුව දඹුල්ල ප්‍රදේශයේ ලැගුම්හලක යුවළක් අලුයම් කාලයේ සිට රැඳී සිටින බව ය.

 එම දුරකථන ඇමතුම ලබාදුන් පුද්ගලයා පිළිබඳව විස්තර කිසිවක් ප්‍රකාශ නොකිරීම හේතුවෙන් දඹුල්ල මුලස්ථාන පොලිස් පරීක්ෂක සම්පත් වික්‍රමරත්න මහතා වහාම පොලිස් කණ්ඩායමක් කැඳවා සැකකටයුතු ලැගුම්හල පරීක්ෂාවට ලක් කිරීමට පියවර ගනු ලැබීය.

කාන්තා පොලිස් නිලධාරීන් සහ පොලිස් නිලධාරීන් මාධ්‍යවේදීන් ඇතුළු කණ්ඩායම මෙම ලැගුම්හලේ කාමරය වටලා එහි දොර විවෘත කිරීමට ලැගුම්හල් හිමිකාරිනියට   පොලිසිය අණකළ කළේය.

එම කාමරයේ කාන්තාවක් සහ පිරිමි අයකු සිටි අතර එක වරම ලැගුම්හලේ පිටත සිට තවත් පුද්ගලයකු එම ස්ථානයට දිව එන්නට විය. ඔහු කියා සිටියේ මෙම ඇමතුම පොලිසියට ලබා දුන්නේ තමන් බවත් මෙම කාමරයේ සිටින්නේ තමාගේ බිරිය අනියම් සැමියා සමග බවත්ය.   

  නිවෙසින් සේවයට යන බව පවසා ඇය පැමිණි බවත් නිතර නිතර තම බිරිය වෙනත් පුරුෂයකු සමග මේ ආකාරයෙන් ලැගුම්හල්වල සිට රැකියාවට යන බවද ඔහු කෑකෝගසන්නට වුයේය.

  පසුව මෙම ලැගුම්හල් හිමිකාරිනියට පොලිසිය කියා සිටියේ නවාතැන්පොළ යනු මෙයාකාරයෙන්  පැයට දෙකට කාමර ලබාදීමේ ක්‍රමවේදය නොවන බව ය. එහෙත් ඇය කෑ ගසන්නට වූයේ පැයට දෙකට කාමර ලබාදීම ඇයගේ රැකියාව බව පවසමිනි.

කෙසේ වෙතත් සැකකාර යුවළ අත්අඩංගුවට ගැනීමට ගිය පොලිස් නිලධාරීන් පෞද්ගලික ප්‍රශ්න තම තමන්ට විසඳාගන්නා ලෙස පවසමින් ඇමතුම ලබාදුන් සැමියාට දැඩි ලෙස අවවාද කර පිරිස විසිර යැවුහ.
(දඹුල්ල කාංචන කුමාර ආරියදාස)