හලෝ සොඬාට වෙනම පාරක්

මහමග ගමන්කරද්දීත් ජංගම දුරකථනයෙන් ඇස ඉවතට ගත නොහැකි පුද්ගලයින් වෙනුවෙන්ම වෙන්වුනු විශේෂ මංතීරුවක් චීනයේ චොන්ග්කුයින්ග් නගරයේ ඇත.

මෙම මංතීරුව ජංගම දුරකථන භාවිතා කරන්නන් සදහා පමණක් වෙන්වුනු ලොව ප්‍රථම මංතීරුව ලෙස සැළකේ.

මංතීරුවේ ගමන් කරන්නවුන්ට පෙර මෙන් තමන්ගේ ඇඟේ වදින්නේ කවුරුන්ද, මහමග ගමන් කරන රථවාහන තමන් දෙසට එමින් සිටිනවාද යැයි වදවීමකින් තොරව තම ජංගම දුරකථනයටම ඇලී සිටිය හැකිය.

මෙවන් මංතීරුවක් හදුන්වාදීමට හේතුව ලෙස නගර බළධරයින් පෙන්වා දෙන්නේ ජංගම දුරකථන භාවිතා කරමින් අසිහියෙන් ගමන් කරන පුද්ගලයින් නිසා සිදුවන අනතුරු ඉහළ ගොස් තිබීමයි.

ඔවුන්ට එරෙහිව නීති පනවා දඬුවම් කරනවාට වඩා මෙසේ එවැනි පුද්ගලයින්ව මහමඟ ගමන් කරන අනෙක් අයගෙන් වෙන් කිරීම මගින් වඩා ප්‍රායෝගික ලෙස අනතුරු අවම කර ගැනීමට හැකිවනු ඇතැයි ඔවුහු විශ්වාස කරති.