මෙක්සිකෝවේ මත්ද්‍රව්‍ය ජාවාරම් සම්බන්ධව වාර්තාකරණයේ නිරත වූ මාධ්‍යවේදී ජාවියර් වැල්ඩස් වෙඩි තබා ඝාතනය කර ඇතැයි වාර්තා වේ. මොහු ඝාතනය කර ඇත්තේ මෙක්සිකෝවේ වයඹදිග සිනෝලා ප්‍රාන්තයේ ඔහු සේවය කරමින් සිටි කුලියාකන් නගරයේ දී ය. 

පනස්හැවිරිදි වියේ පසුවූ වැල්ඩස් මත්ද්‍රව්‍ය ජාවාරම් සහ සංවිධානාත්මක අපරාධ සම්බන්ධව අවුරුදු 30ක පමණ කාලයක සිට වාර්තාකරණයේ නියැලුණු අතර ඒ සඳහා ජාත්‍යන්තර සම්මානයද ලබා ඇත. මෙම වසරේ දී මෙක්සිකෝවේ ඝාතනය කෙරුණු පස්වැනි මාධ්‍යවේදියා වැල්ඩස්ය.


(බී බී සී පුවත් ඇසුරිණි - 085)