‘සල්ලි පස්සෙම දුවන්න එපා‘ - පාප්තුමෝ කියති

ලාභ පසුපස්සේ දුවමින් සතිය පුරාම වැඩෙහි නොයෙදී අඩුම තරමේ ඉරිදා දිනයේදීවත් නිවාඩුවක් ගෙන පවුලේ සාමාජිකයින් හා මිතුරන් සමග කාලය ගත කිරීම මිනිසාගේ යහපතට හේතුවන්නේයැයි අති උතුම් පළමුවන ෆ‍්‍රැන්සිස් පාප්තුමෝ කියති.

දකුණු ඉතාලියේ මොලිසේ ප‍්‍රදේශයේ සංචාරයකදී එසේ කීහ.

පුද්ගලයෙකුගේ ආත්මාභිමානය ඔහු කොපමණ ප‍්‍රමාණයක් මුදල් උපයන්නේදැයි යන්න හා බැදී පැවතියද ඔහු ඒ සදහා වහලෙකු විය නොයුතුව ඇතැයි ද ඉරිදා දිනයේදී වෙළද ව්‍යාපාර කටයුතු වල නොයෙදී එදාටවත් නිවාඩුවක් ගැනීම සම්බන්ධව සියලූදෙනා සිතා බැලිය යුතුව ඇතැයි ද කී පාප්තුමා මිනිසා තවත් මිනිසුන් හා ගොඩනගාගන්නා සබඳතා වල පදනම විය යුතුව ඇත්තේ මුදල් නොව මිනිසත්කම යැයි ද කීහ.

දෙමව්පියන්ටද අවවාද දුන් පාප්තුමෝ හැකි තරම් ඔවුන්ගේ දරුවන් හා කාලය ගතකරන්නැයි ඉල්ලා සිටියහ.

‘ඔබගේ කාලය දරුවන්ට වෙන් කරන්න‘ උන්වහන්සේ පැවසූහ.

අදහස් (0)

‘සල්ලි පස්සෙම දුවන්න එපා‘ - පාප්තුමෝ කියති

රේණුකා පෙරේරා Wednesday, 09 July 2014 08:25 AM

මේ දෙය මේ ලෝකේ සිටින සෑම දෙමාපියෙකුටම අදාල දෙයක්. දරුවන් සිටින දෙමවුපියන් ඒ ගැන සිතිය යුතුයි. (නදී)

: 0 0

ගමගේ Thursday, 10 July 2014 10:52 AM

පාප් තුමා කියන දේ ඇත්ත. අද කාලේ ගොඩක් දෙමොපියෝ සල්ලි හොයන විදිය විතරයි හිතන්නේ. දරුවෝ ගැන හිතන්න කාලේ නෑ.මේ දේවල් නිසා අපේ දරුවන් තුළ තියන මනුස්ස කම නැති වෙලා. දරුවන්ගේ හිත් තුළ වෛරය නපුරු කම රජ වෙලා. (ස)

: 0 0

සත්‍යයා Wednesday, 09 July 2014 03:07 AM

උන්වහන්සේ කියන කතාව සම්පුර්ණයෙන් ඇත්ත. හැබැයි ඕක කියන්න ඕනේ වතිකානු රාජ්‍යයටමයි. (ලාභ පසුපස්සේ දුවමින් සතිය පුරාම වැඩෙහි නොයෙදී අඩුම තරමේ ඉරිදා දිනයේදීවත් නිවාඩුවක් ගෙන පවුලේ සාමාජිකයින් හා මිතුරන් සමග කාලය ගත කිරීම මිනිසාගේ යහපතට හේතුවන්නේයැයි අති උතුම් පළමුවන ෆ‍්‍රැන්සිස් පාප්තුමෝ කියති. (නදී)

: 0 0

සිල්වා Tuesday, 08 July 2014 11:50 AM

අතිඋතුම් පාප්තුමන්ගෙන් ලෝකයටම හොඳ පණිවුඩයක් (නි)

: 0 0

අචිනි Tuesday, 08 July 2014 11:50 AM

ලංකාවේ අපිටත් ගැළපෙන හොඳම කියමනක් (නි)

: 0 0