සිරියාවේ අන්තර්වාර රජය සකස් කළ තාවකාලික ව්‍යවස්ථාවට එරට අන්තර්වාර ජනාධිපති ලෙස කටයුතු කරන අහ්මඩ් අල් ෂාරා අත්සන් තැබුවේය. 

බෂාර් අල් අසාද්ගේ පාලනය අවසන් වීමෙන් පසු, බෂාර් අල් අසාද් පාලනය අවසන් කිරීමට අරගල කළ විපක්ෂය මෙම අනතර්වාර රජය පිහිටුවා ඇති අතර, අහ්මඩ් අල් ෂාරා යනු, එම විපක්ෂයට සහාය දැක්වූ සන්නද්ධ කැරැලිකරුන්ගේ නායකයාය.

නව ව්‍යවස්ථාවක් සකස් කර මහ මැතිවරණයකට යෑමට වසර පහක් පමණ ගතවනු ඇති බවත්, එතෙක් මෙම තාවකාලික ව්‍යවස්ථාව අනුව ක්‍රියාකරන බවත් ඊට අත්සන් කරමින් අහ්මඩ් අල් ෂාරා පැවැසීය.

(අල් ජසීරා)